༡༢. ལོ་ཧི་ཙྩ་སུ་ཏྟ་ཝ་ཎྞ་ནཱ
ལོ་ཧི་ཙྩ་བྲཱ་ཧྨ་ཎ་ཝ་ཏྠུ་ཝ་ཎྞ་ནཱ
༥༠༡. ཨེ་ཝཾ མེ སུ་ཏཾ…པེ… ཀོ་ས་ལེ་སཱུཏི ལོ་ཧི་ཙྩ་སུ་ཏྟཾ. ཏ་ཏྲཱ་ཡཾ ཨ་ནུ་ཏྟཱ་ན་པ་ད་ཝ་ཎྞ་ནཱ. སཱ་ལ་ཝ་ཏི་ཀཱཏི ཏ་སྶ གཱ་མ་སྶ ནཱ་མཾ, སོ ཀི་ར ཝ་ཏི་ཡཱ ཝི་ཡ ས་མ་ནྟ་ཏོ སཱ་ལ་པ་ནྟི་ཡཱ པ་རི་ཀྑི་ཏྟོ. ཏ་སྨཱ སཱ་ལ་ཝ་ཏི་ཀཱ་ཏི ཝུ་ཙྩ་ཏི. ལོ་ཧི་ཙྩོཏི ཏ་སྶ བྲཱ་ཧྨ་ཎ་སྶ ནཱ་མཾ.
༥༠༢-༥༠༣. པཱ་པ་ཀནྟི པ་རཱ་ནུ་ཀ་མྤཱ ཝི་ར་ཧི་ཏ་ཏྟཱ ལཱ་མ་ཀཾ, ན པ་ན ཨུ་ཙྪེ་ད་ས་སྶ་ཏཱ་ནཾ ཨ་ཉྙ་ཏ་རཾ. ཨུ་པྤ་ནྣཾ ཧོ་ཏཱིཏི ཛཱ་ཏཾ ཧོ་ཏི, ན ཀེ་ཝ་ལ་ཉྩ ཙི་ཏྟེ ཛཱ་ཏ་མ་ཏྟ་མེ་ཝ. སོ ཀི་ར ཏ་སྶ ཝ་སེ་ན པ་རི་ས་མ་ཛ྄ཛྷེ་པི ཨེ་ཝཾ བྷཱ་ས་ཏི་ཡེ་ཝ. ཀི་ཉྷི པ་རོ པ་ར་སྶཱཏི པ་རོ ཡོ ཨ་ནུ་སཱ་སཱི་ཡ་ཏི, སོ ཏ་སྶ ཨ་ནུ་སཱ་ས་ཀ་སྶ ཀིཾ ཀ་རི་སྶ་ཏི. ཨ་ཏྟ་ནཱ པ་ཊི་ལ་དྡྷཾ ཀུ་ས་ལཾ དྷ་མྨཾ ཨ་ཏྟ་ནཱ་ཝ ས་ཀྐ་ཏྭཱ ག་རུཾ ཀ་ཏྭཱ ཝི་ཧཱ་ཏ་བྦ་ནྟི ཝ་ད་ཏི.
༥༠༤-༤༠༧. རོ་སི་ཀཾ ནྷཱ་པི་ཏཾ ཨཱ་མ་ནྟེ་སཱིཏི རོ་སི་ཀཱ་ཏི ཨེ་ཝཾ ཨི་ཏྠི་ལི་ངྒ་ཝ་སེ་ན ལ་དྡྷ་ནཱ་མཾ ནྷཱ་པི་ཏཾ ཨཱ་མ་ནྟེ་སི. སོ ཀི་ར བྷ་ག་ཝ་ཏོ ཨཱ་ག་མ་ནཾ སུ་ཏྭཱ ཙི་ནྟེ་སི – ‘‘ཝི་ཧཱ་རཾ ག་ནྟྭཱ དི་ཊྛཾ ནཱ་མཾ བྷཱ་རོ, གེ་ཧཾ པ་ན ཨཱ་ཎཱ་པེ་ཏྭཱ པ་སྶི་སྶཱ་མི ཙེ་ཝ ཡ་ཐཱ་ས་ཏྟི ཙ ཨཱ་ག་ནྟུ་ཀ་བྷི་ཀྑཾ ད་སྶཱ་མཱི’’ཏི, ཏ་སྨཱ ཨེ་ཝཾ ནྷཱ་པི་ཏཾ ཨཱ་མ་ནྟེ་སི.
༥༠༨. པི་ཊྛི་ཏོ པི་ཊྛི་ཏོཏི ཀ་ཐཱ་ཕཱ་སུ་ཀ་ཏྠཾ པ་ཙྪ་ཏོ པ་ཙྪ་ཏོ ཨ་ནུ་བ་ནྡྷོ ཧོ་ཏི. ཝི་ཝེ་ཙེ་ཏཱུཏི ཝི་མོ་ཙེ་ཏུ, ཏཾ དི་ཊྛི་ག་ཏཾ ཝི་ནོ་དེ་ཏཱུ་ཏི ཝ་ད་ཏི. ཨ་ཡཾ ཀི་ར ཨུ་པཱ་ས་ཀོ ལོ་ཧི་ཙྩ་སྶ བྲཱ་ཧྨ་ཎ་སྶ པི་ཡ་ས་ཧཱ་ཡ་ཀོ. ཏ་སྨཱ ཏ་སྶ ཨ་ཏྠ་ཀཱ་མ་ཏཱ་ཡ ཨེ་ཝ་མཱ་ཧ. ཨ་པྤེ་ཝ ནཱ་མ སི་ཡཱཏི ཨེ་ཏྠ པ་ཋ་མ་ཝ་ཙ་ནེ་ན བྷ་ག་ཝཱ ག་ཛྫ་ཏི, དུ་ཏི་ཡ་ཝ་ཙ་ནེ་ན ཨ་ནུ་ག་ཛྫ་ཏི. ཨ་ཡཾ ཀི་རེ་ཏྠ ཨ་དྷི་པྤཱ་ཡོ – རོ་སི་ཀེ ཨེ་ཏ་ད་ཏྠ་མེ་ཝ མ་ཡཱ ཙ་ཏྟཱ་རི ཨ་ས་ངྑྱེ་ཡྻཱ་ནི. ཀ་པྤ་ས་ཏ་ས་ཧ་སྶ་ཉྩ ཝི་ཝི་དྷཱ་ནི དུ་ཀྐ་རཱ་ནི ཀ་རོ་ནྟེ་ན པཱ་ར་མི་ཡོ པཱུ་རི་ཏཱ, ཨེ་ཏ་ད་ཏྠ་མེ་ཝ ས་བྦ་ཉྙུ་ཏ་ཉྙཱ་ཎཾ པ་ཊི་ཝི་དྡྷཾ, ན མེ ལོ་ཧི་ཙྩ་སྶ དི་ཊྛི་ག་ཏཾ བྷི་ནྡི་ཏུཾ བྷཱ་རོ་ཏི, ཨི་མ་མ་ཏྠཾ ད་སྶེ་ནྟོ པ་ཋ་མ་ཝ་ཙ་ནེ་ན བྷ་ག་ཝཱ ག་ཛྫ་ཏི. ཀེ་ཝ་ལཾ རོ་སི་ཀེ ལོ་ཧི་ཙྩ་སྶ མ་མ ས་ནྟི་ཀེ ཨཱ་ག་མ་ནཾ ཝཱ ནི་ས་ཛྫཱ ཝཱ ཨ་ལླཱ་པ་ས་ལླཱ་པོ ཝཱ ཧོ་ཏུ, ས་ཙེ་པི ལོ་ཧི་ཙྩ་ས་དི་སཱ་ནཾ ས་ཏ་ས་ཧ་སྶ་སྶ ཀ་ངྑཱ ཧོ་ཏི, པ་ཊི་བ་ལོ ཨ་ཧཾ ཝི་ནོ་དེ་ཏུཾ ལོ་ཧི་ཙྩ་སྶ པ་ན ཨེ་ཀ་སྶ དི་ཊྛི་ཝི་ནོ་ད་ནེ མ་ཡ྄ཧཾ ཀོ བྷཱ་རོ་ཏི ཨི་མ་མ་ཏྠཾ ད་སྶེ་ནྟོ དུ་ཏི་ཡ་ཝ་ཙ་ནེ་ན བྷ་ག་ཝཱ ཨ་ནུ་ག་ཛྫ་ཏཱི་ཏི ཝེ་དི་ཏ་བྦོ.
ལོ་ཧི་ཙྩ་བྲཱ་ཧྨ་ཎཱ་ནུ་ཡོ་ག་ཝ་ཎྞ་ནཱ
༥༠༩. ས་མུ་ད་ཡ་ས་ཉྫཱ་ཏཱིཏི ས་མུ་ད་ཡ་སྶ ས་ཉྫཱ་ཏི བྷོ་གུ་པྤཱ་དོ, ཏ་ཏོ ཨུ་ཊྛི་ཏཾ དྷ་ན་དྷ་ཉྙ་ནྟི ཨ་ཏྠོ. ཡེ ཏཾ ཨུ་པ་ཛཱི་ཝ་ནྟཱིཏི ཡེ ཉཱ་ཏི་པ་རི་ཛ་ན་དཱ་ས་ཀ་མྨ་ཀ་རཱ་ད་ཡོ ཛ་ནཱ ཏཾ ནི་སྶཱ་ཡ ཛཱི་ཝ་ནྟི. ཨ་ནྟ་རཱ་ཡ་ཀ་རོཏི ལཱ་བྷ་ནྟ་རཱ་ཡ་ཀ་རོ. ཧི་ཏཱ་ནུ་ཀ་མྤཱིཏི ཨེ་ཏྠ ཧི་ཏནྟི ཝུ་ཌྜྷི. ཨ་ནུ་ཀ་མྤ་ཏཱིཏི ཨ་ནུ་ཀ་མྤཱི, ཨི་ཙྪ་ཏཱི་ཏི ཨ་ཏྠོ, ཝུ་ཌྜྷིཾ ཨི་ཙྪ་ཏི ཝཱ ནོ ཝཱ་ཏི ཝུ་ཏྟཾ ཧོ་ཏི. ནི་ར་ཡཾ ཝཱ ཏི་ར་ཙྪཱ་ན་ཡོ་ནིཾ ཝཱཏི ས་ཙེ སཱ མི་ཙྪཱ་དི་ཊྛི ས་མྤ་ཛྫ་ཏི, ནི་ཡ་ཏཱ ཧོ་ཏི, ཨེ་ཀཾ་སེ་ན ནི་ར་ཡེ ནི་བྦ་ཏྟ་ཏི, ནོ ཙེ, ཏི་ར་ཙྪཱ་ན་ཡོ་ནི་ཡཾ ནི་བྦ་ཏྟ་ཏཱི་ཏི ཨ་ཏྠོ.
༥༡༠-༥༡༢. ཨི་དཱ་ནི ཡ་སྨཱ ཡ་ཐཱ ཨ་ཏྟ་ནོ ལཱ་བྷ་ནྟ་རཱ་ཡེ་ན ས་ཏྟཱ སཾ་ཝི་ཛྫ་ནྟི ན ཏ་ཐཱ པ་རེ་སཾ, ཏ་སྨཱ སུ་ཊྛུ་ཏ་རཾ བྲཱ་ཧྨ་ཎཾ པ་ཝེ་ཙེ་ཏུ་ཀཱ་མོ ‘‘ཏཾ ཀིཾ མ་ཉྙ་སཱི’’ཏི དུ་ཏི་ཡཾ ཨུ་པ་པ་ཏྟི་མཱ་ཧ. ཡེ ཙི་མེཏི ཡེ ཙ ཨི་མེ ཏ་ཐཱ་ག་ཏ་སྶ དྷ་མྨ་དེ་ས་ནཾ སུ་ཏྭཱ ཨ་རི་ཡ་བྷཱུ་མིཾ ཨོ་ཀྐ་མི་ཏུཾ ཨ་ས་ཀྐོ་ནྟཱ ཀུ་ལ་པུ་ཏྟཱ དི་བྦཱ ག་བྦྷཱཏི ཨུ་པ་ཡོ་ག་ཏྠེ པ་ཙྩ་ཏྟ་ཝ་ཙ་ནཾ, དི་བྦེ ག་བྦྷེ་ཏི ཨ་ཏྠོ. དི་བྦཱ, ག་བྦྷཱ་ཏི ཙ ཚ་ནྣཾ དེ་ཝ་ལོ་ཀཱ་ན་མེ་ཏཾ ཨ་དྷི་ཝ་ཙ་ནཾ. པ་རི་པཱ་ཙེ་ནྟཱིཏི དེ་ཝ་ལོ་ཀ་གཱ་མི་ནིཾ པ་ཊི་པ་དཾ པཱུ་ར་ཡ་མཱ་ནཱ དཱ་ནཾ, ད་ད་མཱ་ནཱ, སཱི་ལཾ ར་ཀྑ་མཱ་ནཱ, ག་ནྡྷ་མཱ་ལཱ་དཱི་ཧི, པཱུ་ཛཾ ཀུ་རུ་མཱ་ནཱ བྷཱ་ཝ་ནཾ བྷཱ་ཝ་ཡ་མཱ་ནཱ པཱ་ཙེ་ནྟི ཝི་པཱ་ཙེ་ནྟི པ་རི་པཱ་ཙེ་ནྟི པ་རི་ཎཱ་མཾ ག་མེ་ནྟི. དི་བྦཱ་ནཾ བྷ་ཝཱ་ནཾ ཨ་བྷི་ནི་བྦ་ཏྟི་ཡཱཏི དི་བྦ་བྷ་ཝཱ ནཱ་མ དེ་ཝཱ་ནཾ ཝི་མཱ་ནཱ་ནི, ཏེ་སཾ ནི་བྦ་ཏྟ་ན་ཏྠཱ་ཡཱ་ཏི ཨ་ཏྠོ. ཨ་ཐ ཝཱ དི་བྦཱ ག་བྦྷཱཏི དཱ་ནཱ་ད་ཡོ པུ་ཉྙ་ཝི་སེ་སཱ. དི་བྦཱ བྷ་ཝཱཏི དེ་ཝ་ལོ་ཀེ ཝི་པཱ་ཀ་ཀྑ་ནྡྷཱ, ཏེ་སཾ ནི་བྦ་ཏྟ་ན་ཏྠཱ་ཡ ཏཱ་ནི པུ་ཉྙཱ་ནི ཀ་རོ་ནྟཱི་ཏི ཨ་ཏྠོ. ཏེ་སཾ ཨ་ནྟ་རཱ་ཡ་ཀ་རོཏི ཏེ་སཾ མ་གྒ་ས་མྤ་ཏྟི་ཕ་ལ་ས་མྤ་ཏྟི་དི་བྦ་བྷ་ཝ་ཝི་སེ་སཱ་ནཾ ཨ་ནྟ་རཱ་ཡ་ཀ་རོ. ཨི་ཏི བྷ་ག་ཝཱ ཨེ་ཏྟཱ་ཝ་ཏཱ ཨ་ནི་ཡ་མི་ཏེ་ནེ་ཝ ཨོ་པ་མྨ་ཝི་དྷི་ནཱ ཡཱ་ཝ བྷ་ཝ་གྒཱ ཨུ་གྒ་ཏཾ བྲཱ་ཧྨ་ཎ་སྶ མཱ་ནཾ བྷི་ནྡི་ཏྭཱ ཨི་དཱ་ནི ཙོ་ད་ནཱ་ར་ཧེ ཏ་ཡོ ས་ཏྠཱ་རེ ད་སྶེ་ཏུཾ ‘‘ཏ་ཡོ ཁོ མེ, ལོ་ཧི་ཙྩཱ’’ཏི་ཨཱ་དི་མཱ་ཧ.
ཏ་ཡོ ཙོ་ད་ནཱ་ར་ཧ་ཝ་ཎྞ་ནཱ
༥༡༣. ཏ་ཏྠ སཱ ཙོ་ད་ནཱཏི ཏ་ཡོ ས་ཏྠཱ་རེ ཙོ་དེ་ནྟ་སྶ ཙོ་ད་ནཱ. ན ཨ་ཉྙཱ ཙི་ཏྟཾ ཨུ་པ་ཊྛ་པེ་ནྟཱིཏི ཨ་ཉྙཱ་ཡ ཨཱ་ཛཱ་ན་ན་ཏྠཱ་ཡ ཙི་ཏྟཾ ན ཨུ་པ་ཊྛ་པེ་ནྟི. ཝོ་ཀྐ་མྨཱཏི ནི་ར་ནྟ་རཾ ཏ་སྶ སཱ་ས་ནཾ ཨ་ཀ་ཏྭཱ ཏ་ཏོ ཨུ་ཀྐ་མི་ཏྭཱ ཝ་ཏྟ་ནྟཱི་ཏི ཨ་ཏྠོ. ཨོ་ས་ཀྐ་ནྟི་ཡཱ ཝཱ ཨུ་སྶ་ཀྐེ་ཡྻཱཏི པ་ཊི་ཀྐ་མ་ནྟི་ཡཱ ཨུ་པ་ག་ཙྪེ་ཡྻ, ཨ་ནི་ཙྪ་ནྟི་ཡཱ ཨི་ཙྪེ་ཡྻ, ཨེ་ཀཱ་ཡ ས་མྤ་ཡོ་གཾ ཨ་ནི་ཙྪ་ནྟི་ཡཱ ཨེ་ཀོ ཨི་ཙྪེ་ཡྻཱ་ཏི ཝུ་ཏྟཾ ཧོ་ཏི. པ་ར་མྨུ་ཁིཾ ཝཱ ཨཱ་ལི་ངྒེ་ཡྻཱཏི ད་ཊྛུ་མྤི ཨ་ནི་ཙྪ་མཱ་ནཾ པ་ར་མྨུ་ཁིཾ ཋི་ཏཾ པ་ཙྪ་ཏོ ག་ནྟྭཱ ཨཱ་ལི་ངྒེ་ཡྻ. ཨེ་ཝཾ་ས་མྤ་ད་མི་དནྟི ཨི་མ་སྶཱ་པི ས་ཏྠུ་ནོ ‘‘མ་མ ཨི་མེ སཱ་ཝ་ཀཱ’’ཏི སཱ་ས་ནཱ ཝོ་ཀྐ་མྨ ཝ་ཏྟ་མཱ་ནེ་པི ཏེ ལོ་བྷེ་ན ཨ་ནུ་སཱ་ས་ཏོ ཨི་མཾ ལོ་བྷ་དྷ་མྨཾ ཨེ་ཝཾ་ས་མྤ་ད་མེ་ཝ ཨཱི་དི་ས་མེ་ཝ ཝ་དཱ་མི. ཨི་ཏི སོ ཨེ་ཝ་རཱུ་པོ ཏ་ཝ ལོ་བྷ་དྷ་མྨོ ཡེ་ན ཏྭཾ ཨོ་ས་ཀྐ་ནྟི་ཡཱ ཨུ་སྶ་ཀྐ་ནྟོ ཝི་ཡ པ་ར་མྨུ་ཁིཾ ཨཱ་ལི་ངྒ་ནྟོ ཝི་ཡ ཨ་ཧོ་སཱི་ཏི་པི ཏཾ ཙོ་ད་ནཾ ཨ་ར་ཧ་ཏི. ཀི་ཉྷི པ་རོ པ་ར་སྶ ཀ་རི་སྶ་ཏཱིཏི ཡེ་ན དྷ་མྨེ་ན པ་རེ ཨ་ནུ་སཱ་སི, ཨ་ཏྟཱ་ན་མེ་ཝ ཏཱ་ཝ ཏ་ཏྠ ས་མྤཱ་དེ་ཧི, ཨུ་ཛུཾ ཀ་རོ་ཧི. ཀི་ཉྷི པ་རོ པ་ར་སྶ ཀ་རི་སྶ་ཏཱི་ཏི ཙོ་ད་ནཾ ཨ་ར་ཧ་ཏི.
༥༡༤. ནི་དྡཱ་ཡི་ཏ་བྦནྟི ས་སྶ་རཱུ་པ་ཀཱ་ནི ཏི་ཎཱ་ནི ཨུ་པྤཱ་ཊེ་ཏྭཱ པ་རི་སུ་དྡྷཾ ཀཱ་ཏ་བྦཾ.
༥༡༥. ཏ་ཏི་ཡ་ཙོ་ད་ནཱ་ཡ ཀི་ཉྷི པ་རོ པ་ར་སྶཱཏི ཨ་ནུ་སཱ་ས་ནཾ ཨ་ས་མྤ་ཊི་ཙྪ་ན་ཀཱ་ལ་ཏོ པ་ཊྛཱ་ཡ པ་རོ ཨ་ནུ་སཱ་སི་ཏ་བྦོ, པ་ར་སྶ ཨ་ནུ་སཱ་ས་ཀ་སྶ ཀིཾ ཀ་རི་སྶ་ཏཱི་ཏི ན་ནུ ཏ་ཏྠ ཨ་པྤོ་སྶུ་ཀྐ་ཏཾ ཨཱ་པ་ཛྫི་ཏྭཱ ཨ་ཏྟ་ནཱ པ་ཊི་ཝི་དྡྷ་དྷ་མྨཾ ཨ་ཏྟ་ནཱ་ཝ མཱ་ནེ་ཏྭཱ པཱུ་ཛེ་ཏྭཱ ཝི་ཧཱ་ཏ་བྦ་ནྟི ཨེ་ཝཾ ཙོ་ད་ནཾ ཨ་ར་ཧ་ཏཱི་ཏི ཨ་ཏྠོ.
ན ཙོ་ད་ནཱ་ར་ཧ་ས་ཏྠུ་ཝ་ཎྞ་ནཱ
༥༡༦. ན ཙོ་ད་ནཱ་ར་ཧོཏི ཨ་ཡ་ཉྷི ཡ་སྨཱ པ་ཋ་མ་མེ་ཝ ཨ་ཏྟཱ་ནཾ པ་ཏི་རཱུ་པེ པ་ཏི་ཊྛཱ་པེ་ཏྭཱ སཱ་ཝ་ཀཱ་ནཾ དྷ་མྨཾ དེ་སེ་ཏི. སཱ་ཝ་ཀཱ ཙ་སྶ ཨ་སྶ་ཝཱ ཧུ་ཏྭཱ ཡ་ཐཱ་ནུ་སི་ཊྛཾ པ་ཊི་པ་ཛྫ་ནྟི, ཏཱ་ཡ ཙ པ་ཊི་པ་ཏྟི་ཡཱ མ་ཧ་ནྟཾ ཝི་སེ་ས་མ་དྷི་ག་ཙྪ་ནྟི. ཏ་སྨཱ ན ཙོ་ད་ནཱ་ར་ཧོ་ཏི.
༥༡༧. ན་ར་ཀ་པ་པཱ་ཏཾ པ་པ་ཏ་ནྟོཏི མ་ཡཱ ག་ཧི་ཏཱ་ཡ དི་ཊྛི་ཡཱ ཨ་ཧཾ ན་ར་ཀ་པ་པཱ་ཏཾ པ་པ་ཏ་ནྟོ. ཨུ་དྡྷ་རི་ཏྭཱ ཐ་ལེ པ་ཏི་ཊྛཱ་པི་ཏོཏི ཏཾ དི་ཊྛིཾ བྷི་ནྡི་ཏྭཱ དྷ་མྨ་དེ་ས་ནཱ་ཧ་ཏྠེ་ན ཨ་པཱ་ཡ་པ་ཏ་ན་ཏོ ཨུ་དྡྷ་རི་ཏྭཱ ས་གྒ་མ་གྒ་ཐ་ལེ ཋ་པི་ཏོ་མྷཱི་ཏི ཝ་ད་ཏི. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.
ཨི་ཏི སུ་མ་ངྒ་ལ་ཝི་ལཱ་སི་ནི་ཡཱ དཱི་གྷ་ནི་ཀཱ་ཡ་ཊྛ་ཀ་ཐཱ་ཡཾ
ལོ་ཧི་ཙྩ་སུ་ཏྟ་ཝ་ཎྞ་ནཱ ནི་ཊྛི་ཏཱ.