ས་ཉྙཱི་ཝཱ་ད་ཝ་ཎྞ་ནཱ

༧༥. ཨུ་དྡྷ་མཱ་གྷཱ་ཏ་ནི་ཀཱཏི ཨཱ་གྷཱ་ཏ་ནཾ ཝུ་ཙྩ་ཏི མ་ར་ཎཾ, ཨུ་དྡྷ་མཱ་གྷཱ་ཏ་ནཱ ཨ་ཏྟཱ་ནཾ ཝ་ད་ནྟཱི་ཏི ཨུ་དྡྷ་མཱ་གྷཱ་ཏ་ནི་ཀཱ. ས་ཉྙཱི་ཏི པ་ཝ་ཏྟོ ཝཱ་དོ, ས་ཉྙཱི་ཝཱ་དོ, སོ ཨེ་ཏེ་སཾ ཨ་ཏྠཱི་ཏི ས་ཉྙཱི་ཝཱ་དཱ.

༧༦-༧༧. རཱུ་པཱི ཨ་ཏྟཱཏི་ཨཱ་དཱི་སུ ཀ་སི་ཎ་རཱུ་པཾ ‘‘ཨ་ཏྟཱ’’ཏི ཏ་ཏྠ པ་ཝ་ཏྟ་ས་ཉྙ་ཉྩ་སྶ ‘‘ས་ཉྙཱ’’ཏི ག་ཧེ་ཏྭཱ ཝཱ ཨཱ་ཛཱི་ཝ་ཀཱ་ད་ཡོ ཝི་ཡ ཏ་ཀྐ་མ་ཏྟེ་ནེ་ཝ ཝཱ ‘‘རཱུ་པཱི ཨ་ཏྟཱ ཧོ་ཏི, ཨ་རོ་གོ པ་རཾ མ་ར་ཎཱ ས་ཉྙཱི’’ཏི ནཾ པ་ཉྙ་པེ་ནྟི. ཏ་ཏྠ ཨ་རོ་གོཏི ནི་ཙྩོ. ཨ་རཱུ་པ་ས་མཱ་པ་ཏྟི་ནི་མི་ཏྟཾ པ་ན ‘‘ཨ་ཏྟཱ’’ཏི ས་མཱ་པ་ཏྟི་ས་ཉྙ་ཉྩ་སྶ ‘‘ས་ཉྙཱ’’ཏི ག་ཧེ་ཏྭཱ ཝཱ ནི་ག་ཎྛཱ་ད་ཡོ ཝི་ཡ ཏ་ཀྐ་མ་ཏྟེ་ནེ་ཝ ཝཱ ‘‘ཨ་རཱུ་པཱི ཨ་ཏྟཱ ཧོ་ཏི, ཨ་རོ་གོ པ་རཾ མ་ར་ཎཱ ས་ཉྙཱི’’ཏི ནཾ པ་ཉྙ་པེ་ནྟི. ཏ་ཏི་ཡཱ པ་ན མི་སྶ་ཀ་གཱ་ཧ་ཝ་སེ་ན པ་ཝ་ཏྟཱ དི་ཊྛི. ཙ་ཏུ་ཏྠཱ ཏ་ཀྐ་གཱ་ཧེ་ནེ་ཝ. དུ་ཏི་ཡ་ཙ་ཏུ་ཀྐཾ ཨ་ནྟཱ་ན་ནྟི་ཀ་ཝཱ་དེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ཏ་ཏི་ཡ་ཙ་ཏུ་ཀྐེ ས་མཱ་པ་ནྣ་ཀ་ཝ་སེ་ན ཨེ་ཀ་ཏྟ་ས་ཉྙཱི, ཨ་ས་མཱ་པ་ནྣ་ཀ་ཝ་སེ་ན ནཱ་ན་ཏྟ་ས་ཉྙཱི, པ་རི་ཏྟ་ཀ་སི་ཎ་ཝ་སེ་ན པ་རི་ཏྟ་ས་ཉྙཱི, ཝི་པུ་ལ་ཀ་སི་ཎ་ཝ་སེ་ན ཨ་པྤ་མཱ་ཎ་ས་ཉྙཱི་ཏི ཝེ་དི་ཏ་བྦཱ. ཙ་ཏུ་ཏྠ་ཙ་ཏུ་ཀྐེ པ་ན དི་བྦེ་ན ཙ་ཀྑུ་ནཱ ཏི་ཀ་ཙ་ཏུ་ཀྐ་ཛ྄ཛྷཱ་ན་བྷཱུ་མི་ཡཾ ནི་བྦ་ཏྟ་མཱ་ནཾ དི་སྭཱ ‘‘ཨེ་ཀ་ནྟ་སུ་ཁཱི’’ཏི ག་ཎྷཱ་ཏི. ནི་ར་ཡེ ནི་བྦ་ཏྟ་མཱ་ནཾ དི་སྭཱ ‘‘ཨེ་ཀ་ནྟ་དུ་ཀྑཱི’’ཏི. མ་ནུ་སྶེ་སུ ནི་བྦ་ཏྟ་མཱ་ནཾ དི་སྭཱ ‘‘སུ་ཁ་དུ་ཀྑཱི’’ཏི. ཝེ་ཧ་པྥ་ལ་དེ་ཝེ་སུ ནི་བྦ་ཏྟ་མཱ་ནཾ དི་སྭཱ ‘‘ཨ་དུ་ཀྑ་མ་སུ་ཁཱི’’ཏི ག་ཎྷཱ་ཏི. ཝི་སེ་ས་ཏོ ཧི པུ་བྦེ་ནི་ཝཱ་སཱ་ནུ་སྶ་ཏི་ཉཱ་ཎ་ལཱ་བྷི་ནོ པུ་བྦ་ནྟ་ཀ་པྤི་ཀཱ ཧོ་ནྟི, དི་བྦ་ཙ་ཀྑུ་ཀཱ ཨ་པ་ར་ནྟ་ཀ་པྤི་ཀཱ་ཏི.