༧-༡༢. པ་ཙྩ་ནཱི་ཡ་པ་ཊྛཱ་ན་ཝ་ཎྞ་ནཱ

༡. ཨི་དཱ་ནི ཀུ་ས་ལཱ་དཱི་ནཾ པ་དཱ་ནཾ པ་ཊི་ཀྑེ་པ་ཝ་སེ་ན དྷ་མྨཱ་ནཾ པ་ཙྩ་ནཱི་ཡ་ཏཱ་ཡ ལ་དྡྷ་ནཱ་མཾ པ་ཙྩ་ནཱི་ཡ་པ་ཊྛཱ་ནཾ ད་སྶེ་ཏུཾ ན་ཀུ་ས་ལཾ དྷ་མྨཾ པ་ཊི་ཙྩ ན་ཀུ་ས་ལོ དྷ་མྨོ ཨུ་པྤ་ཛྫ་ཏི ཧེ་ཏུ་པ་ཙྩ་ཡཱཏི་ཨཱ་དི ཨཱ་ར་དྡྷཾ. ཏ་ཏྠ ན་ཀུ་ས་ལཾ དྷ་མྨཾ པ་ཊི་ཙྩཱཏི ཀུ་ས་ལ་སྶ པ་ཙྩ་ཡ་བྷཱ་ཝཾ ཝཱ་རེ་ཏི. ན་ཀུ་ས་ལོ དྷ་མྨོ ཨུ་པྤ་ཛྫ་ཏཱིཏི ཀུ་ས་ལ་སྶ ཨུ་པྤ་ཏྟིཾ ཝཱ་རེ་ཏི, ཏ་སྨཱ ‘‘ཨ་ཀུ་ས་ལཱ་བྱཱ་ཀ་ཏཾ ཨེ་ཀཾ ཁ་ནྡྷཾ པ་ཊི་ཙྩ ཨ་ཀུ་ས་ལཱ་བྱཱ་ཀ་ཏཱ ཏ་ཡོ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པ’’ནྟི ཨེ་ཝ་མཱ་དི་ནཱ ན་ཡེ་ནེ་ཏྠ པ་ཉྷཾ ཝི་སྶ་ཛྫི་ཏ་བྦཾ. ཏ་སྨིཾ ཏ་སྨིཾ པ་ཙྩ་ཡེ ལ་དྡྷ་ག་ཎ་ནཱ པ་ན པཱ་ལི༹་ཡཾ ཝུ་ཏྟཱ་ཡེ་ཝ. ཡེ་པི ཝཱ་རཱ ས་དི་ས་ཝི་སྶ་ཛྫ་ནཱ, ཏེ་པི ཏ་ཏྠེ་ཝ ད་སྶི་ཏཱ. ཏ་སྨཱ ས་བྦ་མེ་ཏྠ ཧེ་ཊྛཱ ཝུ་ཏྟ་ན་ཡཱ་ནུ་སཱ་རེ་ན པཱ་ལི༹ཾ ཨུ་པ་པ་རི་ཀྑི་ཏྭཱ ཝེ་དི་ཏ་བྦཾ. ཡ་ཐཱ ཙེ་ཏྠ, ཨེ་ཝཾ དུ་ཀ་པ་ཊྛཱ་ནེ, དུ་ཀ་ཏི་ཀ་པ་ཊྛཱ་ནེ, ཏི་ཀ་དུ་ཀ་པ་ཊྛཱ་ནེ ཏི་ཀ་ཏི་ཀ་པ་ཊྛཱ་ནེ, དུ་ཀ་དུ་ཀ་པ་ཊྛཱ་ནེ ཙ.

ཨེ་ཏྟཱ་ཝ་ཏཱ –

ཏི་ཀ་ཉྩ པ་ཊྛཱ་ན་ཝ་རཾ དུ་ཀུ་ཏྟ་མཾ,

དུ་ཀཾ ཏི་ཀ་ཉྩེ་ཝ ཏི་ཀཾ དུ་ཀ་ཉྩ;

ཏི་ཀཾ ཏི་ཀ་ཉྩེ་ཝ, དུ་ཀཾ དུ་ཀ་ཉྩ,

ཚ པ་ཙྩ་ནཱི་ཡ་མྷི ན་ཡཱ སུ་ག་མྦྷཱི་རཱ་ཏི. –

ཨ་ཊྛ་ཀ་ཐཱ་ཡཾ ཝུ་ཏྟ་གཱ་ཐཱ་ཡ དཱི་པི་ཏཱ. དྷ་མྨ་པ་ཙྩ་ནཱི་ཡ་པ་ཊྛཱ་ནེ ཚ ན་ཡཱ ནི་དྡི་ཊྛཱ ཧོ་ནྟི. པ་ཙྩ་ཡ་ཝ་སེ་ན པ་ནེ་ཏྠ ཨེ་ཀེ་ཀ་སྨིཾ པ་ཊྛཱ་ནེ ཨ་ནུ་ལོ་མཱ་ད་ཡོ ཙ་ཏྟཱ་རོ ཙ་ཏྟཱ་རོ ན་ཡཱ་ཏི ཨེ་ཀེ་ན པ་རི་ཡཱ་ཡེ་ན ཙ་ཏུ་ཝཱི་ས་ཏི་ན་ཡ་པ་ཊི་མ་ཎྜི་ཏཾ པ་ཙྩ་ནཱི་ཡ་པ་ཊྛཱ་ན་ཉྙེ་ཝ ཝེ་དི་ཏ་བྦཾ.

པ་ཙྩ་ནཱི་ཡ་པ་ཊྛཱ་ན་ཝ་ཎྞ་ནཱ.