༨. ཙི་ཏྟ་ཡ་མ་ཀཾ
ཨུ་དྡེ་ས་ཝཱ་ར་ཝ་ཎྞ་ནཱ
༡-༦༢. ཨི་དཱ་ནི ཏེ་ས་ཉྙེ་ཝ མཱུ་ལ་ཡ་མ་ཀེ དེ་སི་ཏཱ་ནཾ ཀུ་ས་ལཱ་དི་དྷ་མྨཱ་ནཾ ལ་བྦྷ་མཱ་ན་ཝ་སེ་ན ཨེ་ཀ་དེ་ས་མེ་ཝ ས་ངྒ་ཎྷི་ཏྭཱ ཨ་ནུ་ས་ཡ་ཡ་མ་ཀཱ་ན་ནྟ་རཾ དེ་སི་ཏ་སྶ ཙི་ཏྟ་ཡ་མ་ཀ་སྶ ཨ་ཏྠ་ཝ་ཎྞ་ནཱ ཧོ་ཏི. ཏ་ཏྠ པཱ་ལི༹་ཝ་ཝ་ཏྠཱ་ནཾ ཏཱ་ཝ ཝེ་དི་ཏ་བྦཾ. ཨི་མ་སྨི་ཉྷི ཙི་ཏྟ་ཡ་མ་ཀེ མཱ་ཏི་ཀཱ་ཋ་པ་ནཾ, ཋ་པི་ཏ་མཱ་ཏི་ཀཱ་ཡ ཝི་སྶ་ཛྫ་ན་ནྟི དྭེ ཝཱ་རཱ ཧོ་ནྟི. ཏ་ཏྠ མཱ་ཏི་ཀཱ་ཋ་པ་ནེ པུ་གྒ་ལ་ཝཱ་རོ, དྷ་མྨ་ཝཱ་རོ, པུ་གྒ་ལ་དྷ་མྨ་ཝཱ་རོ་ཏི ཨཱ་དི་ཏོ་ཝ ཏ་ཡོ སུ་དྡྷི་ཀ་མ་ཧཱ་ཝཱ་རཱ ཧོ་ནྟི.
ཏ་ཏྠ ‘‘ཡ་སྶ ཙི་ཏྟཾ ཨུ་པྤ་ཛྫ་ཏི, ན ནི་རུ་ཛ྄ཛྷ་ཏཱི’’ཏི ཨེ་ཝཾ པུ་གྒ་ལ་ཝ་སེ་ན ཙི་ཏྟ་སྶ ཨུ་པྤ་ཛྫ་ན་ནི་རུ་ཛ྄ཛྷ་ནཱ་དི་བྷེ་དཾ དཱི་པེ་ནྟོ ག་ཏོ པུ་གྒ་ལ་ཝཱ་རོ ནཱ་མ. ‘‘ཡཾ ཙི་ཏྟཾ ཨུ་པྤ་ཛྫ་ཏི, ན ནི་རུ་ཛ྄ཛྷ་ཏཱི’’ཏི ཨེ་ཝཾ དྷ་མྨ་ཝ་སེ་ནེ་ཝ ཙི་ཏྟ་སྶ ཨུ་པྤ་ཛྫ་ན་ནི་རུ་ཛ྄ཛྷ་ནཱ་དི་བྷེ་དཾ དཱི་པེ་ནྟོ ག་ཏོ དྷ་མྨ་ཝཱ་རོ ནཱ་མ. ‘‘ཡ་སྶ ཡཾ ཙི་ཏྟཾ ཨུ་པྤ་ཛྫ་ཏི, ན ནི་རུ་ཛ྄ཛྷ་ཏཱི’’ཏི ཨེ་ཝཾ ཨུ་བྷ་ཡ་ཝ་སེ་ན ཙི་ཏྟ་སྶ ཨུ་པྤ་ཛྫ་ན་ནི་རུ་ཛ྄ཛྷ་ནཱ་དི་བྷེ་དཾ དཱི་པེ་ནྟོ ག་ཏོ པུ་གྒ་ལ་དྷ་མྨ་ཝཱ་རོ ནཱ་མ. ཏ་ཏོ ‘‘ཡ་སྶ ས་རཱ་གཾ ཙི་ཏྟ’’ནྟི སོ་ལ༹་ས་ནྣཾ པ་དཱ་ནཾ ཝ་སེ་ན ཨ་པ་རེ ས་རཱ་གཱ་དི་པ་ད་ཝི་སེ་སི་ཏཱ སོ་ལ༹་ས པུ་གྒ་ལ་ཝཱ་རཱ, སོ་ལ༹་ས དྷ་མྨ་ཝཱ་རཱ, སོ་ལ༹་ས པུ་གྒ་ལ་དྷ་མྨ་ཝཱ་རཱ་ཏི ཨ་ཊྛ་ཙ་ཏྟཱ་ལཱི་སཾ མི་སྶ་ཀ་ཝཱ་རཱ ཧོ་ནྟི. ཏེ ས་རཱ་གཱ་དི་པ་ད་མ་ཏྟཾ ད་སྶེ་ཏྭཱ ས་ངྑི་ཏྟཱ. ཏ་ཏོ ‘‘ཡ་སྶ ཀུ་ས་ལཾ ཙི་ཏྟ’’ནྟི་ཨཱ་དི་ནཱ ན་ཡེ་ན ཚ་ས་ཊྛི་དྭི་ས་ཏ་ས་ངྑཱ་ནཾ ཨ་བྷི་དྷ་མྨ་མཱ་ཏི་ཀཱ་པ་དཱ་ནཾ ཝ་སེ་ན ཨ་པ་རེ ཀུ་ས་ལཱ་དི་པ་ད་ཝི་སེ་སི་ཏཱ ཚ་ས་ཊྛི་དྭི་ས་ཏ་པུ་གྒ་ལ་ཝཱ་རཱ, ཚ་ས་ཊྛི་དྭི་ས་ཏ་དྷ་མྨ་ཝཱ་རཱ ཚ་ས་ཊྛི་དྭི་ས་ཏ་པུ་གྒ་ལ་དྷ་མྨ་ཝཱ་རཱ་ཏི ཨ་ཊྛ་ན་ཝུ་ཏི་ས་ཏྟ་ས་ཏཱ མི་སྶ་ཀ་ཝཱ་རཱ ཧོ་ནྟི. ཏེ་པི ཀུ་ས་ལཱ་དི་པ་ད་མ་ཏྟཾ ད་སྶེ་ཏྭཱ ས་ངྑི་ཏྟཱ་ཡེ་ཝ. ཡཱ་ནི་པེ་ཏྠ ས་ནི་ད་སྶ་ནཱ་དཱི་ནི པ་དཱ་ནི ཙི་ཏྟེ་ན ས་དྡྷིཾ ན ཡུ་ཛྫ་ནྟི, ཏཱ་ནི མོ་གྷ་པུ་ཙྪཱ་ཝ་སེ་ན ཋ་པི་ཏཱ་ནི.
ཏེ་སུ པ་ན ཏཱི་སུ ཝཱ་རེ་སུ ས་བྦ་པ་ཋ་མེ སུ་དྡྷི་ཀ་པུ་གྒ་ལ་མ་ཧཱ་ཝཱ་རེ ཨུ་པྤཱ་ད་ནི་རོ་དྷ་ཀཱ་ལ་ས་མྦྷེ་ད་ཝཱ་རོ, ཨུ་པྤཱ་དུ་པྤ་ནྣ་ཝཱ་རོ, ནི་རོ་དྷུ་པྤ་ནྣ་ཝཱ་རོ, ཨུ་པྤཱ་ད་ཝཱ་རོ, ནི་རོ་དྷ་ཝཱ་རོ, ཨུ་པྤཱ་ད་ནི་རོ་དྷ་ཝཱ་རོ ཨུ་པྤ་ཛྫ་མཱ་ན་ནི་རོ་དྷ་ཝཱ་རོ, ཨུ་པྤ་ཛྫ་མཱ་ནུ་པྤ་ནྣ་ཝཱ་རོ, ནི་རུ་ཛ྄ཛྷ་མཱ་ནུ་པྤ་ནྣ་ཝཱ་རོ, ཨུ་པྤ་ནྣུ་པྤཱ་ད་ཝཱ་རོ, ཨ་ཏཱི་ཏཱ་ནཱ་ག་ཏ་ཝཱ་རོ, ཨུ་པྤ་ནྣུ་པྤ་ཛྫ་མཱ་ན་ཝཱ་རོ, ནི་རུ་དྡྷ་ནི་རུ་ཛ྄ཛྷ་མཱ་ན་ཝཱ་རོ, ཨ་ཏི་ཀྐ་ནྟ་ཀཱ་ལ་ཝཱ་རོ་ཏི ཙུ་དྡ་ས ཨ་ནྟ་ར་ཝཱ་རཱ. ཏེ་སུ ཨུ་པྤཱ་ད་ཝཱ་རོ, ནི་རོ་དྷ་ཝཱ་རོ, ཨུ་པྤཱ་ད་ནི་རོ་དྷ་ཝཱ་རོ་ཏི ཨི་མེ་སུ ཏཱི་སུ ཝཱ་རེ་སུ ཨ་ནུ་ལོ་མ་པ་ཊི་ལོ་མ་ཝ་སེ་ན ཚ ཚ ཀ་ཏྭཱ ཨ་ཊྛཱ་ར་ས ཡ་མ་ཀཱ་ནི. ཨུ་པྤ་ནྣུ་པྤཱ་ད་ཝཱ་རེ ཨ་ཏཱི་ཏཱ་ནཱ་ག་ཏ་ཀཱ་ལ་ཝ་སེ་ན ཨ་ནུ་ལོ་མ་ཏོ དྭེ, པ་ཊི་ལོ་མ་ཏོ དྭེ་ཏི ཙ་ཏྟཱ་རི ཡ་མ་ཀཱ་ནི. སེ་སེ་སུ ཨཱ་དི་ཏོ ནི་དྡི་ཊྛེ་སུ ཏཱི་སུ, ཨ་ན་ནྟ་རེ ནི་དྡི་ཊྛེ་སུ ཏཱི་སུ; ཨ་ཝ་སཱ་ནེ ནི་དྡི་ཊྛེ་སུ ཙ་ཏཱུ་སཱུ་ཏི ད་ས་སུ ཝཱ་རེ་སུ ཨ་ནུ་ལོ་མ་ཏོ ཨེ་ཀཾ, པ་ཊི་ལོ་མ་ཏོ ཨེ་ཀ་ནྟི དྭེ དྭེ ཀ་ཏྭཱ ཝཱི་ས་ཏི ཡ་མ་ཀཱ་ནི. ཨེ་ཝཾ ས་བྦེ་སུ་པི ཙུ་དྡ་ས་སུ ཨ་ནྟ་ར་ཝཱ་རེ་སུ དྭཱ་ཙ་ཏྟཱ་ལཱི་ས ཡ་མ་ཀཱ་ནི, ཙ་ཏུ་རཱ་སཱི་ཏི པུ་ཙྪཱ ཨ་ཊྛ་ས་ཊྛི་ཨ་ཏྠ་ས་ཏཾ ཧོ་ཏི. ཡ་ཐཱ ཙ ཨེ་ཀ་སྨིཾ སུ་དྡྷི་ཀ་པུ་གྒ་ལ་མ་ཧཱ་ཝཱ་རེ, ཏ་ཐཱ སུ་དྡྷི་ཀ་དྷ་མྨ་ཝཱ་རེ་པི སུ་དྡྷི་ཀ་པུ་གྒ་ལ་དྷ་མྨ་ཝཱ་རེ་པཱི་ཏི ཏཱི་སུ མ་ཧཱ་ཝཱ་རེ་སུ ཚ་བྦཱི་ས་ཏི་ཡ་མ་ཀ་ས་ཏཾ, ཏ་ཏོ དི་གུ་ཎཱ པུ་ཙྪཱ, ཏ་ཏོ དི་གུ་ཎཱ ཨ་ཏྠཱ ཙ ཝེ་དི་ཏ་བྦཱ. ཨི་དཾ པ་ན ཝཱ་ར་ཏྟ་ཡཾ ས་རཱ་གཱ་དི་ཝ་སེ་ན སོ་ལ༹་ས་གུ་ཎཾ, ཀུ་ས་ལཱ་དི་ཝ་སེ་ན ཚ་ས་ཊྛི་དྭི་ས་ཏ་གུ་ཎཾ ཀ་ཏྭཱ ཨི་མ་སྨིཾ ཙི་ཏྟ་ཡ་མ་ཀེ ཨ་ནེ་ཀཱ་ནི ཡ་མ་ཀ་ས་ཧ་སྶཱ་ནི, ཏ་ཏོ དི་གུ་ཎཱ པུ་ཙྪཱ, ཏ་ཏོ དི་གུ་ཎཱ ཨ་ཏྠཱ ཙ ཧོ་ནྟཱི་ཏི. པཱ་ཋོ པ་ན སཾ་ཁི་ཏྟོ་ཏི. ཨེ་ཝཾ ཏཱ་ཝ ཨི་མ་སྨིཾ ཙི་ཏྟ་ཡ་མ་ཀེ པཱ་ལི༹་ཝ་ཝ་ཏྠཱ་ནཾ ཝེ་དི་ཏ་བྦཾ.
མཱ་ཏི་ཀཱ་ཋ་པ་ན་ཝ་ཎྞ་ནཱ.
ནི་དྡེ་སོ
༡. པུ་གྒ་ལ་ཝཱ་ར་ཝ་ཎྞ་ནཱ
༦༣. ཨི་དཱ་ནི ཋ་པི་ཏཱ་ནུ་ཀྐ་མེ་ན མཱ་ཏི་ཀཾ ཝི་སྶ་ཛྫེ་ཏུཾ ཡ་སྶ ཙི་ཏྟཾ ཨུ་པྤ་ཛྫ་ཏི ན ནི་རུ་ཛ྄ཛྷ་ཏཱིཏི་ཨཱ་དི ཨཱ་ར་དྡྷཾ. ཏ་ཏྠ ཨུ་པྤ་ཛྫ་ཏཱིཏི ཨུ་པྤཱ་ད་ཀྑ་ཎ་ས་མ་ངྒི་ཏཱ་ཡ ཨུ་པྤ་ཛྫ་ཏི ན ནི་རུ་ཛ྄ཛྷ་ཏཱིཏི ནི་རོ་དྷ་ཀྑ་ཎཾ ཨ་པྤ་ཏྟ་ཏཱ་ཡ ན ནི་རུ་ཛ྄ཛྷ་ཏི. ཏ་སྶ ཙི་ཏྟནྟི ཏ་སྶ པུ་གྒ་ལ་སྶ ཏ་ཏོ པ་ཊྛཱ་ཡ ཙི་ཏྟཾ ནི་རུ་ཛ྄ཛྷི་སྶ་ཏི ནུ་པྤ་ཛྫི་སྶ་ཏཱི་ཏི པུ་ཙྪ་ཏི. ཏེ་སཾ ཙི་ཏྟནྟི ཡེ་སཾ པ་རི་ཙྪི་ནྣ་ཝ་ཊྚ་དུ་ཀྑཱ་ནཾ ཁཱི་ཎཱ་ས་ཝཱ་ནཾ ས་བྦ་པ་ཙྪི་མ་སྶ ཙུ་ཏི་ཙི་ཏྟ་སྶ ཨུ་པྤཱ་ད་ཀྑ་ཎོ ཝ་ཏྟ་ཏི, ཨེ་ཏེ་སཾ ཏ་དེ་ཝ ཙུ་ཏི་ཙི་ཏྟཾ ཨུ་པྤཱ་ད་པྤ་ཏྟ་ཏཱ་ཡ ཨུ་པྤ་ཛྫ་ཏི ནཱ་མ, བྷ་ངྒཾ ཨ་པྤ་ཏྟ་ཏཱ་ཡ ན ནི་རུ་ཛ྄ཛྷ་ཏི. ཨི་དཱ་ནི པ་ན བྷ་ངྒཾ པ་ཏྭཱ ཏཾ ཏེ་སཾ ཙི་ཏྟཾ ནི་རུ་ཛ྄ཛྷི་སྶ་ཏི, ཏ་ཏོ ཨ་པྤ་ཊི་ས་ནྡྷི་ཀ་ཏྟཱ ཨ་ཉྙཾ ནུ་པྤ་ཛྫི་སྶ་ཏི. ཨི་ཏ་རེ་སནྟི པ་ཙྪི་མ་ཙི་ཏྟ་ས་མ་ངྒིཾ ཁཱི་ཎཱ་ས་ཝཾ ཋ་པེ་ཏྭཱ ཨ་ཝ་སེ་སཱ་ནཾ སེ་ཀྑཱ་སེ་ཀྑ་པུ་ཐུ་ཛྫ་ནཱ་ནཾ ནི་རུ་ཛ྄ཛྷི་སྶ་ཏི ཙེ་ཝ ཨུ་པྤ་ཛྫི་སྶ་ཏི ཙཱཏི ཡཾ ཏཾ ཨུ་པྤཱ་ད་ཀྑ་ཎ་པྤ་ཏྟཾ ཏཾ ནི་རུ་ཛ྄ཛྷི་སྶ་ཏེ་ཝ. ཨ་ཉྙཾ པ་ན ཏ་སྨིཾ ཝཱ ཨ་ཉྙ་སྨིཾ ཝཱ ཨ་ཏྟ་བྷཱ་ཝེ ཨུ་པྤ་ཛྫི་སྶ་ཏི ཙེ་ཝ ནི་རུ་ཛ྄ཛྷི་སྶ་ཏི ཙ. དུ་ཏི་ཡ་པུ་ཙྪཱ་ཝི་སྶ་ཛྫ་ནེ་པི ཏ་ཐཱ་རཱུ་པ་སྶེ་ཝ ཁཱི་ཎཱ་ས་ཝ་སྶ ཙི་ཏྟཾ ས་ནྡྷཱ་ཡ ‘ཨཱ་མ་ནྟཱ’ཏི ཝུ་ཏྟཾ. ནུ་པྤ་ཛྫ་ཏི ནི་རུ་ཛ྄ཛྷ་ཏཱིཏི བྷ་ངྒ་ཀྑ་ཎེ ཨ་ར་ཧ་ཏོ པ་ཙྪི་མ་ཙི་ཏྟ་མྤི སེ་སཱ་ནཾ བྷི་ཛྫ་མཱ་ན་ཙི་ཏྟ་མྤི. ཏ་ཏོ པ་ཊྛཱ་ཡ པ་ན ཨ་ར་ཧ་ཏོ ཙི་ཏྟཾ ན ནི་རུ་ཛ྄ཛྷི་སྶ་ཏཱི་ཏི ས་ཀྐཱ ཝ་ཏྟུཾ ཨུ་པྤ་ཛྫི་སྶ་ཏཱི་ཏི པ་ན ན ས་ཀྐཱ. སེ་སཱ་ནཾ ཨུ་པྤ་ཛྫི་སྶ་ཏཱི་ཏི ས་ཀྐཱ ཝ་ཏྟུཾ, ན ནི་རུ་ཛ྄ཛྷི་སྶ་ཏཱི་ཏི ན ས་ཀྐཱ. ཏ་སྨཱ ‘ནོ’ཏི པ་ཊི་སེ་དྷོ ཀ་ཏོ. དུ་ཏི་ཡ་པ་ཉྷེ ཡ་སྶ ཙི་ཏྟཾ ན ནི་རུ་ཛ྄ཛྷི་སྶ་ཏི, ཨུ་པྤ་ཛྫི་སྶ་ཏཱི་ཏི སོ པུ་གྒ་ལོ་ཡེ་ཝ ན་ཏྠི, ཏ་སྨཱ ན་ཏྠཱི་ཏི པ་ཊི་ཀྑེ་པོ ཀ་ཏོ.
༦༥-༨༢. ཨུ་པྤ་ནྣནྟི ཨུ་པྤཱ་ད་ས་མ་ངྒི་ནོ་པེ་ཏཾ ནཱ་མཾ. ཨུ་པྤཱ་དཾ པ་ཏྭཱ ཨ་ནི་རུ་དྡྷ་སྶཱ་པི. ཏ་ཏྠ ཨུ་པྤཱ་ད་ས་མ་ངྒི་ཏཾ ས་ནྡྷཱ་ཡ ‘ཨཱ་མ་ནྟཱ’ཏི, ཨུ་པྤཱ་དཾ པ་ཏྭཱ ཨ་ནི་རུ་དྡྷ་བྷཱ་ཝཾ ས་ནྡྷཱ་ཡ ‘‘ཏེ་སཾ ཙི་ཏྟཾ ཨུ་པྤ་ནྣ’’ནྟི ཝུ་ཏྟཾ. ཨ་ནུ་པྤ་ནྣནྟི ཨུ་པྤཱ་དཾ ཨ་པྤ་ཏྟཾ. ཏེ་སཾ ཙི་ཏྟཾ ཨུ་པྤ་ཛྫི་ཏྠཱཏི ཨེ་ཏྠཱ་པི ས་བྦེ་སཾ ཏཱ་ཝ ཙི་ཏྟཾ ཁ་ཎ་པ་ཙྩུ་པྤ་ནྣ་མེ་ཝ ཧུ་ཏྭཱ ཨུ་པྤཱ་ད་ཀྑ་ཎཾ ཨ་ཏཱི་ཏ་ཏྟཱ ཨུ་པྤ་ཛྫི་ཏྠ ནཱ་མ, ནི་རོ་དྷ་ས་མཱ་པ་ནྣཱ་ནཾ ནི་རོ་དྷ་ཏོ པུ་བྦེ ཨུ་པྤ་ནྣ་པུ་བྦ་ཏྟཱ, ཨ་ས་ཉྙ་ས་ཏྟཱ་ནཾ ས་ཉྙཱི་བྷ་ཝེ ཨུ་པྤ་ནྣ་པུ་བྦ་ཏྟཱ. ཨུ་པྤ་ཛྫི་ཏྠ ཙེ་ཝ ཨུ་པྤ་ཛྫ་ཏི ཙཱཏི ཨུ་པྤཱ་དཾ པ་ཏྟ་ཏྟཱ ཨུ་པྤ་ཛྫི་ཏྠ, ཨ་ན་ཏཱི་ཏ་ཏྟཱ ཨུ་པྤ་ཛྫ་ཏི ནཱ་མཱ་ཏི ཨ་ཏྠོ.
ཨུ་པྤཱ་ད་ཀྑ་ཎེ ཨ་ནཱ་ག་ཏ་ཉྩཱཏི ཨུ་པྤཱ་ད་ཀྑ་ཎེ ཙ ཙི་ཏྟཾ ཨ་ནཱ་ག་ཏ་ཉྩ ཙི་ཏྟ་ནྟི ཨ་ཏྠོ.
༨༣. ཨ་ཏི་ཀྐ་ནྟ་ཀཱ་ལ་ཝཱ་རེ ཨུ་པྤ་ཛྫ་མཱ་ནཾ ཁ་ཎནྟི ཨུ་པྤཱ་ད་ཀྑ་ཎཾ. ཏ་ཏྠ ཀི་ཉྩཱ་པི ཨུ་པྤཱ་ད་ཀྑ་ཎོ ཨུ་པྤ་ཛྫ་མཱ་ནོ ནཱ་མ ན ཧོ་ཏི, ཨུ་པྤ་ཛྫ་མཱ་ན་སྶ པ་ན ཁ་ཎ་ཏྟཱ ཨེ་ཝཾ ཝུ་ཏྟོ. ཁ་ཎཾ ཝཱི་ཏི་ཀྐ་ནྟཾ ཨ་ཏི་ཀྐ་ནྟ་ཀཱ་ལནྟི ན ཙི་རཾ ཝཱི་ཏི་ཀྐ་ནྟཾ ཏ་མེ་ཝ པ་ན ཨུ་པྤཱ་ད་ཀྑ་ཎཾ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལ་ནྟི ས་ངྑཾ ག་ཙྪ་ཏི. ནི་རུ་ཛ྄ཛྷ་མཱ་ནཾ ཁ་ཎནྟི ནི་རོ་དྷ་ཀྑ་ཎཾ. ཏ་ཏྠ ཀི་ཉྩཱ་པི ནི་རོ་དྷ་ཀྑ་ཎོ ནི་རུ་ཛ྄ཛྷ་མཱ་ནོ ནཱ་མ ན ཧོ་ཏི, ནི་རུ་ཛ྄ཛྷ་མཱ་ན་སྶ པ་ན ཁ་ཎ་ཏྟཱ ཨེ་ཝཾ ཝུ་ཏྟོ. ཁ་ཎཾ ཝཱི་ཏི་ཀྐ་ནྟཾ ཨ་ཏི་ཀྐ་ནྟ་ཀཱ་ལནྟི ཀིཾ ཏ་སྶ ཙི་ཏྟཾ ཨེ་ཝཾ ནི་རོ་དྷ་ཀྑ་ཎ་མྤི ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ནཱ་མ ཧོ་ཏཱི་ཏི པུ་ཙྪ་ཏི. ཏ་ཏྠ ཡ་སྨཱ བྷ་ངྒ་ཀྑ་ཎེ ཙི་ཏྟཾ ཨུ་པྤཱ་ད་ཀྑ་ཎཾ ཁ་ཎཾ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ཧོ་ཏི, ནི་རོ་དྷ་ཀྑ་ཎཾ ཁ་ཎཾ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ནཱ་མ ན ཧོ་ཏི. ཨ་ཏཱི་ཏཾ པ་ན ཙི་ཏྟཾ ཨུ་བྷོ་པི ཁ་ཎེ ཁ་ཎཾ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ནཱ་མ, ཏ་སྨཱ ‘‘བྷ་ངྒ་ཀྑ་ཎེ ཙི་ཏྟཾ ཨུ་པྤཱ་ད་ཀྑ་ཎཾ ཝཱི་ཏི་ཀྐ་ནྟཾ, བྷ་ངྒ་ཀྑ་ཎཾ ཨ་ཝཱི་ཏི་ཀྐ་ནྟཾ, ཨ་ཏཱི་ཏཾ ཙི་ཏྟཾ ཨུ་པྤཱ་ད་ཀྑ་ཎ་ཉྩ ཝཱི་ཏི་ཀྐ་ནྟཾ བྷ་ངྒ་ཀྑ་ཎ་ཉྩ ཝཱི་ཏི་ཀྐ་ནྟ་ནྟི ཝི་སྶ་ཛྫ་ན་མཱ་ཧ. དུ་ཏི་ཡ་པ་ཉྷ་སྶ ཝི་སྶ་ཛྫ་ནེ ཡ་སྨཱ ཨ་ཏཱི་ཏཾ ཙི་ཏྟཾ ཨུ་བྷོ་པི ཁ་ཎེ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ནཱ་མ ཧོ་ཏི, ཏ་སྨཱ ཨ་ཏཱི་ཏཾ ཙི་ཏྟ་ནྟི ཝུ་ཏྟཾ. པ་ཊི་ལོ་མ་པ་ཉྷ་སྶ ཝི་སྶ་ཛྫ་ནེ ཡ་སྨཱ ཨུ་པྤཱ་ད་ཀྑ་ཎེ ཙ ཙི་ཏྟཾ ཨ་ནཱ་ག་ཏ་ཉྩ ཙི་ཏྟཾ ཨུ་བྷོ་པི ཁ་ཎེ ཁ་ཎཾ ཝཱི་ཏི་ཀྐ་ནྟཾ ཧུ་ཏྭཱ ཨ་ཏི་ཀྐ་ནྟ་ཀཱ་ལཾ ནཱ་མ ན ཧོ་ཏི, ཏེ་སཾ ཁ་ཎཱ་ནཾ ཨ་ཝཱི་ཏི་ཀྐ་ནྟ་ཏྟཱ. ཏ་སྨཱ ‘‘ཨུ་པྤཱ་ད་ཀྑ་ཎེ ཙི་ཏྟཾ ཨ་ནཱ་ག་ཏཾ ཙི་ཏྟ’’ནྟི ཝུ་ཏྟཾ. དུ་ཏི་ཡ་ཝི་སྶ་ཛྫ་ནཾ པཱ་ཀ་ཊ་མེ་ཝ.
༨༤-༡༡༣. དྷ་མྨ་ཝཱ་རེ་པི ཨི་མི་ནཱ་ཝུ་པཱ་ཡེ་ན ས་བྦ་ཝི་སྶ་ཛྫ་ནེ་སུ ཨ་ཏྠོ ཝེ་དི་ཏ་བྦོ. པུ་གྒ་ལ་དྷ་མྨ་ཝཱ་རོ དྷ་མྨ་ཝཱ་ར་ག་ཏི་ཀོ་ཡེ་ཝ.
༡༡༤-༡༡༦. ས་བྦེ་པི མི་སྶ་ཀ་ཝཱ་རཱ ཡ་སྶ ས་རཱ་གཾ ཙི་ཏྟནྟི་ཨཱ་དི་ནཱ ན་ཡེ་ན མུ་ཁ་མ་ཏྟཾ ད་སྶེ་ཏྭཱ ས་ངྑི་ཏྟཱ. ཝི་ཏྠཱ་རོ པ་ན ནེ་སཾ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. ཏེ་སུ པ་ན ‘‘ཡ་སྶ ས་རཱ་གཾ ཙི་ཏྟཾ ཨུ་པྤ་ཛྫ་ཏི, ན ནི་རུ་ཛ྄ཛྷ་ཏི; ཏ་སྶ ཙི་ཏྟཾ ནི་རུ་ཛ྄ཛྷི་སྶ་ཏི, ནུ་པྤ་ཛྫི་སྶ་ཏཱི’’ཏི ཨེ་ཝཾ ཝི་ཏྠཱ་རེ་ཏ་བྦ་ཏཱ་ཡ པུ་ཙྪཱ་ཝ ས་དི་སཱ ཧོ་ཏི. ཡ་སྨཱ པ་ན ས་རཱ་གཾ ཙི་ཏྟཾ པ་ཙྪི་མ་ཙི་ཏྟཾ ན ཧོ་ཏི, ཏ་སྨཱ ‘‘ཡ་སྶ ས་རཱ་གཾ ཙི་ཏྟཾ ཨུ་པྤ་ཛྫ་ཏི, ན ནི་རུ་ཛ྄ཛྷ་ཏི; ཏ་སྶ ཙི་ཏྟཾ ནི་རུ་ཛ྄ཛྷི་སྶ་ཏི, ནུ་པྤ་ཛྫི་སྶ་ཏཱི་ཏི ནོ’’ཏི ཨེ་ཝཾ ཝི་སྶ་ཛྫི་ཏ་བྦ་ཏྟཱ ཝི་སྶ་ཛྫ་ནཾ ཨ་ས་དི་སཾ ཧོ་ཏི. ཏཾ ཏཾ ཏ་སྶཱ ཏ་སྶཱ པུ་ཙྪཱ་ཡ ཨ་ནུ་རཱུ་པ་ཝ་སེ་ན ཝེ་དི་ཏ་བྦ་ནྟི.
ཙི་ཏྟ་ཡ་མ་ཀ་ཝ་ཎྞ་ནཱ ནི་ཊྛི་ཏཱ.