༦. ས་ངྑཱ་ར་ཡ་མ་ཀཾ
༡. པ་ཎྞ་ཏྟི་ཝཱ་ར་ཝ་ཎྞ་ནཱ
༡. ཨི་དཱ་ནི ཏེ་ས་ཉྙེ་ཝ མཱུ་ལ་ཡ་མ་ཀེ དེ་སི་ཏཱ་ནཾ ཀུ་ས་ལཱ་དི་དྷ་མྨཱ་ནཾ ལ་བྦྷ་མཱ་ན་ཝ་སེ་ན ཨེ་ཀ་དེ་སཾ ས་ངྒ་ཎྷི་ཏྭཱ ས་ཙྩ་ཡ་མ་ཀཱ་ན་ནྟ་རཾ དེ་སི་ཏ་སྶ ས་ངྑཱ་ར་ཡ་མ་ཀ་སྶ ཝ་ཎྞ་ནཱ ཧོ་ཏི. ཏ་ཏྠཱ་པི ཧེ་ཊྛཱ ཝུ་ཏྟ་ན་ཡེ་ནེ་ཝ པ་ཎྞ་ཏྟི་ཝཱ་རཱ་ད་ཡོ ཏ་ཡོ མ་ཧཱ་ཝཱ་རཱ, ཨ་ནྟ་ར་ཝཱ་རཱ་ད་ཡོ ཙ ཨ་ཝ་སེ་ས་པ་བྷེ་དཱ ཝེ་དི་ཏ་བྦཱ. ཨ་ཡཾ པ་ནེ་ཏྠ ཝི་སེ་སོ – པ་ཎྞ་ཏྟི་ཝཱ་རེ ཏཱ་ཝ ཡ་ཐཱ ཧེ་ཊྛཱ ཁ་ནྡྷཱ་ད་ཡོ དྷ་མྨེ ཨུ་དྡི་སི་ཏྭཱ ‘‘རཱུ་པཾ རཱུ་པ་ཀྑ་ནྡྷོ; ཙ་ཀྑུ ཙ་ཀྑཱ་ཡ་ཏ་ནཾ; ཙ་ཀྑུ ཙ་ཀྑུ་དྷཱ་ཏུ; དུ་ཀྑཾ དུ་ཀྑ་ས་ཙྩ’’ནྟི པ་ད་སོ་དྷ་ན་ཝཱ་རོ ཨཱ་ར་དྡྷོ. ཏ་ཐཱ ཨ་ནཱ་ར་བྷི་ཏྭཱ ‘‘ཨ་སྶཱ་ས་པ་སྶཱ་སཱ ཀཱ་ཡ་ས་ངྑཱ་རོ’’ཏི པ་ཋ་མཾ ཏ་ཡོ་པི ས་ངྑཱ་རཱ ཝི་བྷ་ཛི་ཏྭཱ ད་སྶི་ཏཱ.
ཏ་ཏྠ ཀཱ་ཡ་སྶ ས་ངྑཱ་རོ ཀཱ་ཡ་ས་ངྑཱ་རོ. ‘‘ཨ་སྶཱ་ས་པ་སྶཱ་སཱ ཀཱ་ཡི་ཀཱ, ཨེ་ཏེ དྷ་མྨཱ ཀཱ་ཡ་པྤ་ཊི་བ་དྡྷཱ’’ཏི (མ. ནི. ༡.༤༦༣; སཾ. ནི. ༤.༣༤༨ ཨ་ཏྠ་ཏོ ས་མཱ་ནཾ) ཧི ཝ་ཙ་ན་ཏོ ཀཱ་ར་ཎ་བྷཱུ་ཏ་སྶ ཀ་ར་ཛ་ཀཱ་ཡ་སྶ ཕ་ལ་བྷཱུ་ཏོ ཨེ་ཝ ས་ངྑཱ་རོ་ཏི ཀཱ་ཡ་ས་ངྑཱ་རོ. ཨ་པ་རོ ན་ཡོ – ས་ངྑ་རི་ཡ་ཏཱི་ཏི ས་ངྑཱ་རོ. ཀེ་ན ས་ངྑ་རི་ཡ་ཏཱི་ཏི? ཀཱ་ཡེ་ན. ཨ་ཡ་ཉྷི ཝཱ་ཏོ ཝི་ཡ བྷ་སྟཱ་ཡ ཀ་ར་ཛ་ཀཱ་ཡེ་ན ས་ངྑ་རི་ཡ་ཏཱི་ཏི. ཨེ་ཝ་མྤི ཀཱ་ཡ་སྶ ས་ངྑཱ་རོ་ཏི ཀཱ་ཡ་ས་ངྑཱ་རོ. ཀཱ་ཡེ་ན ཀ་ཏོ ཨ་སྶཱ་ས་པ་སྶཱ་ས་ཝཱ་ཏོ་ཏི ཨ་ཏྠོ. ‘‘པུ་བྦེ་ཝ ཁོ, ཨཱ་ཝུ་སོ ཝི་སཱ་ཁ, ཝི་ཏ་ཀྐེ་ཏྭཱ ཝི་ཙཱ་རེ་ཏྭཱ པ་ཙྪཱ ཝཱ་ཙཾ བྷི་ནྡ་ཏི, ཏ་སྨཱ ཝི་ཏ་ཀྐ་ཝི་ཙཱ་རཱ ཝ་ཙཱི་ས་ངྑཱ་རོ’’ཏི (མ. ནི. ༡.༤༦༣; སཾ. ནི. ༤.༣༤༨) ཝ་ཙ་ན་ཏོ པ་ན ས་ངྑ་རོ་ཏཱི་ཏི ས་ངྑཱ་རོ. ཀིཾ ས་ངྑ་རོ་ཏི? ཝ་ཙིཾ. ཝ་ཙི་ཡཱ ས་ངྑཱ་རོ་ཏི ཝ་ཙཱི་ས་ངྑཱ་རོ. ཝ་ཙཱི་བྷེ་ད་ས་མུ་ཊྛཱ་པ་ཀ་སྶ ཝི་ཏ་ཀྐ་ཝི་ཙཱ་ར་དྭ་ཡ་སྶེ་ཏཾ ནཱ་མཾ. ‘‘ས་ཉྙཱ ཙ ཝེ་ད་ནཱ ཙ ཙེ་ཏ་སི་ཀཱ ཨེ་ཏེ དྷ་མྨཱ ཙི་ཏྟ་པ་ཊི་བ་དྡྷཱ’’ཏི (མ. ནི. ༡.༤༦༣; སཾ. ནི. ༤.༣༤༨) ཝ་ཙ་ན་ཏོ་ཡེ་ཝ པ་ན ཏ་ཏི་ཡ་པ་དེ་པི ས་ངྑ་རི་ཡ་ཏཱི་ཏི ས་ངྑཱ་རོ. ཀེ་ན ས་ངྑ་རི་ཡ་ཏི? ཙི་ཏྟེ་ན. ཀ་ར་ཎ་ཏྠེ སཱ་མི་ཝ་ཙ་ནཾ ཀ་ཏྭཱ ཙི་ཏྟ་སྶ ས་ངྑཱ་རོ་ཏི ཙི་ཏྟ་ས་ངྑཱ་རོ. ས་བྦེ་ས་མྤི ཙི་ཏྟ་ས་མུ་ཊྛཱ་ནཱ་ནཾ ཙེ་ཏ་སི་ཀ་དྷ་མྨཱ་ན་མེ་ཏཾ ཨ་དྷི་ཝ་ཙ་ནཾ. ཝི་ཏ་ཀྐ་ཝི་ཙཱ་རཱ་ནཾ པ་ན ཝ་ཙཱི་ས་ངྑཱ་ར་བྷཱ་ཝེ་ན ཝི་སུཾ ག་ཧི་ཏ་ཏྟཱ ‘‘ཋ་པེ་ཏྭཱ ཝི་ཏ་ཀྐ་ཝི་ཙཱ་རེ’’ཏི ཝུ་ཏྟཾ.
༢-༧. ཨི་དཱ་ནི ཀཱ་ཡོ ཀཱ་ཡ་ས་ངྑཱ་རོཏི པ་ད་སོ་དྷ་ན་ཝཱ་རོ ཨཱ་ར་དྡྷོ. ཏ་སྶ ཨ་ནུ་ལོ་མ་ན་ཡེ ཏཱི་ཎི, པ་ཊི་ལོ་མ་ན་ཡེ ཏཱི་ཎཱི་ཏི ཚ ཡ་མ་ཀཱ་ནི. པ་ད་སོ་དྷ་ན་མཱུ་ལ་ཙ་ཀྐ་ཝཱ་རེ ཨེ་ཀེ་ཀ་ས་ངྑཱ་ར་མཱུ་ལ་ཀཱ་ནི དྭེ དྭེ ཀ་ཏྭཱ ཨ་ནུ་ལོ་མ་ན་ཡེ ཚ, པ་ཊི་ལོ་མ་ན་ཡེ ཚཱ་ཏི དྭཱ་ད་ས ཡ་མ་ཀཱ་ནི. སུ་དྡྷ་ས་ངྑཱ་ར་ཝཱ་རེ པ་ན ཡ་ཐཱ སུ་དྡྷ་ཁ་ནྡྷ་ཝཱ་རཱ་དཱི་སུ ‘‘རཱུ་པཾ ཁ་ནྡྷོ, ཁ་ནྡྷཱ རཱུ་པཾ; ཙ་ཀྑུ ཨཱ་ཡ་ཏ་ནཾ, ཨཱ་ཡ་ཏ་ནཱ ཙ་ཀྑཱུ’’ཏི་ཨཱ་དི་ནཱ ན་ཡེ་ན ཡ་མ་ཀཱ་ནི ཝུ་ཏྟཱ་ནི. ཨེ་ཝཾ ‘‘ཀཱ་ཡོ ས་ངྑཱ་རོ, ས་ངྑཱ་རཱ ཀཱ་ཡོ’’ཏི ཨ་ཝ་ཏྭཱ ‘‘ཀཱ་ཡ་ས་ངྑཱ་རོ ཝ་ཙཱི་ས་ངྑཱ་རོ, ཝ་ཙཱི་ས་ངྑཱ་རོ ཀཱ་ཡ་ས་ངྑཱ་རོ’’ཏི་ཨཱ་དི་ནཱ ན་ཡེ་ན ཀཱ་ཡ་ས་ངྑཱ་ར་མཱུ་ལ་ཀཱ་ནི དྭེ, ཝ་ཙཱི་ས་ངྑཱ་ར་མཱུ་ལ་ཀཾ ཨེ་ཀ་ནྟི ཨ་ནུ་ལོ་མེ ཏཱི་ཎི, པ་ཊི་ལོ་མེ ཏཱི་ཎཱི་ཏི ས་བྦཱ་ནི་པི སུ་དྡྷི་ཀ་ཝཱ་རེ ཚ ཡ་མ་ཀཱ་ནི ཝུ་ཏྟཱ་ནི. ཀིཾ ཀཱ་ར་ཎཱ? སུ་དྡྷི་ཀ་ཨེ་ཀེ་ཀ་པ་ད་ཝ་སེ་ན ཨ་ཏྠཱ་བྷཱ་ཝ་ཏོ. ཡ་ཐཱ ཧི ཁ་ནྡྷ་ཡ་མ་ཀཱ་དཱི་སུ རཱུ་པཱ་དི་ཝི་སི་ཊྛཱ་ནཾ ཁ་ནྡྷཱ་ནཾ ཙ་ཀྑཱ་དི་ཝི་སི་ཊྛཱ་ན་ཉྩ ཨཱ་ཡ་ཏ་ནཱ་དཱི་ནཾ ཨ་དྷི་པྤེ་ཏ་ཏྟཱ ‘‘རཱུ་པཾ ཁ་ནྡྷོ, ཁ་ནྡྷཱ རཱུ་པཾ, ཙ་ཀྑུ ཨཱ་ཡ་ཏ་ནཾ, ཨཱ་ཡ་ཏ་ནཱ ཙ་ཀྑཱུ’’ཏི སུ་དྡྷི་ཀ་ཨེ་ཀེ་ཀ་པ་ད་ཝ་སེ་ན ཨ་ཏྠོ ཨ་ཏྠི. ཨེ་ཝ་མི་དྷ ‘‘ཀཱ་ཡོ ས་ངྑཱ་རོ, ས་ངྑཱ་རཱ ཀཱ་ཡོ’’ཏི ན་ཏྠི. ཀཱ་ཡ་ས་ངྑཱ་རོ་ཏི པ་ན དྭཱི་ཧི་པི པ་དེ་ཧི ཨེ་ཀོ་ཝ ཨ་ཏྠོ ལ་བྦྷ་ཏི. ཨ་སྶཱ་སོ ཝཱ པ་སྶཱ་སོ ཝཱ་ཏི སུ་དྡྷི་ཀ་ཨེ་ཀེ་ཀ་པ་ད་ཝ་སེ་ན ཨ་ཏྠཱ་བྷཱ་ཝ་ཏོ ‘‘ཀཱ་ཡོ ས་ངྑཱ་རོ, ས་ངྑཱ་རཱ ཀཱ་ཡོ’’ཏི ན ཝུ་ཏྟཾ. ‘‘ཀཱ་ཡོ ཀཱ་ཡ་ས་ངྑཱ་རོ’’ཏི་ཨཱ་དི པ་ན ཝ་ཏྟ་བྦཾ སི་ཡཱ. ཏ་མྤི ཀཱ་ཡ་ཝ་ཙཱི་ཙི་ཏྟ་པ་དེ་ཧི ཨི་དྷ ཨ་དྷི་པྤེ་ཏཱ་ནཾ ས་ངྑཱ་རཱ་ནཾ ཨ་གྒ་ཧི་ཏ་ཏྟཱ ན ཡུ་ཛྫ་ཏི. སུ་དྡྷ་ས་ངྑཱ་ར་ཝཱ་རོ ཧེ་ས. པ་ད་སོ་དྷ་ནེ པ་ན ཝི་ནཱ་པི ཨ་ཏྠེ་ན ཝ་ཙ་ནཾ ཡུ་ཛྫ་ཏཱི་ཏི ཏ་ཏྠ སོ ན་ཡོ ག་ཧི་ཏོ་ཝ. ཨི་དྷ པ་ན ཀཱ་ཡ་ས་ངྑཱ་ར་སྶ ཝ་ཙཱི་ས་ངྑཱ་རཱ་དཱི་ཧི, ཝ་ཙཱི་ས་ངྑཱ་ར་སྶ ཙ ཙི་ཏྟ་ས་ངྑཱ་རཱ་དཱི་ཧི, ཙི་ཏྟ་ས་ངྑཱ་ར་སྶ ཙ ཀཱ་ཡ་ས་ངྑཱ་རཱ་དཱི་ཧི, ཨ་ཉྙ་ཏྟཱ ‘‘ཀཱ་ཡ་ས་ངྑཱ་རོ ཝ་ཙཱི་ས་ངྑཱ་རོ, ཝ་ཙཱི་ས་ངྑཱ་རོ, ཀཱ་ཡ་ས་ངྑཱ་རོ’’ཏི ཨེ་ཀེ་ཀ་ས་ངྑཱ་ར་མཱུ་ལ་ཀཱ་ནི དྭེ དྭེ ཀ་ཏྭཱ ཚ ཡ་མ་ཀཱ་ནི ཡུ་ཛྫ་ནྟི. ཏེ་སུ ཨ་གྒ་ཧི་ཏ་གྒ་ཧ་ཎེ་ན ཏཱི་ཎེ་ཝ ལ་བྦྷ་ནྟི. ཏ་སྨཱ ཏཱ་ནེ་ཝ ད་སྶེ་ཏུཾ ཨ་ནུ་ལོ་མ་ན་ཡེ ཏཱི་ཎི, པ་ཊི་ལོ་མ་ན་ཡེ ཏཱི་ཎཱི་ཏི ཚ ཡ་མ་ཀཱ་ནི ཝུ་ཏྟཱ་ནི. སུ་དྡྷ་ས་ངྑཱ་ར་མཱུ་ལ་ཙ་ཀྐ་ཝཱ་རོ པ་ནེ་ཏྠ ན ག་ཧི་ཏོ་ཏི. ཨེ་ཝཾ པ་ཎྞ་ཏྟི་ཝཱ་ར་སྶ ཨུ་དྡེ་ས་ཝཱ་རོ ཝེ་དི་ཏ་བྦོ.
༨-༡༨. ནི་དྡེ་ས་ཝཱ་རེ པ་ན་སྶ ཨ་ནུ་ལོ་མེ ཏཱ་ཝ ཡ་སྨཱ ན ཀཱ་ཡཱ་ད་ཡོ་ཝ ཀཱ་ཡ་ས་ངྑཱ་རཱ་དཱི་ནཾ ནཱ་མཾ, ཏ་སྨཱ ནོཏི པ་ཊི་སེ་དྷོ ཀ་ཏོ. པ་ཊི་ལོ་མེ ན ཀཱ་ཡོ ན ཀཱ་ཡ་ས་ངྑཱ་རོཏི ཡོ ན ཀཱ་ཡོ སོ ཀཱ་ཡ་ས་ངྑཱ་རོ་པི ན ཧོ་ཏཱི་ཏི པུ་ཙྪ་ཏི. ཀཱ་ཡ་ས་ངྑཱ་རོ ན ཀཱ་ཡོ ཀཱ་ཡ་ས་ངྑཱ་རོཏི ཀཱ་ཡ་ས་ངྑཱ་རོ ཀཱ་ཡོ ན ཧོ་ཏི, ཀཱ་ཡ་ས་ངྑཱ་རོ་ཡེ་ཝ པ་ནེ་སོ་ཏི ཨ་ཏྠོ. ཨ་ཝ་སེ་སནྟི ན ཀེ་ཝ་ལཾ སེ་ས་ས་ངྑཱ་ར་དྭ་ཡ་མེ་ཝ. ཀཱ་ཡ་ས་ངྑཱ་ར་ཝི་ནི་མུ་ཏྟཾ པ་ན སེ་སཾ ས་བྦ་མྤི ས་ངྑ་ཏཱ་ས་ངྑ་ཏ་པ་ཎྞ་ཏྟི་བྷེ་དཾ དྷ་མྨ་ཛཱ་ཏཾ ནེ་ཝ ཀཱ་ཡོ, ན ཀཱ་ཡ་ས་ངྑཱ་རོ་ཏི ཨི་མི་ནཱ ཨུ་པཱ་ཡེ་ན ས་བྦ་ཝི་སྶ་ཛྫ་ནེ་སུ ཨ་ཏྠོ ཝེ་དི་ཏ་བྦོ་ཏི.
པ་ཎྞ་ཏྟི་ཝཱ་ར་ཝ་ཎྞ་ནཱ.
༢. པ་ཝ་ཏྟི་ཝཱ་ར་ཝ་ཎྞ་ནཱ
༡༩. པ་ཝ་ཏྟི་ཝཱ་རེ པ་ནེ་ཏྠ པ་ཙྩུ་པྤ་ནྣ་ཀཱ་ལེ པུ་གྒ་ལ་ཝཱ་ར་སྶ ཨ་ནུ་ལོ་མ་ན་ཡེ ‘‘ཡ་སྶ ཀཱ་ཡ་ས་ངྑཱ་རོ ཨུ་པྤ་ཛྫ་ཏི, ཏ་སྶ ཝ་ཙཱི་ས་ངྑཱ་རོ ཨུ་པྤ་ཛྫ་ཏཱི’’ཏི ཀཱ་ཡ་ས་ངྑཱ་ར་མཱུ་ལ་ཀཱ་ནི དྭེ, ཝ་ཙཱི་ས་ངྑཱ་ར་མཱུ་ལ་ཀཾ ཨེ་ཀ་ནྟི ཏཱི་ཎེ་ཝ ཡ་མ་ཀཱ་ནི ལ་བྦྷ་ནྟི; ཏཱ་ནི ག་ཧི་ཏཱ་ནེ་ཝ. ཏ་སྶ པ་ཊི་ལོ་མ་ན་ཡེ་པི ཨོ་ཀཱ་ས་ཝཱ་རཱ་དཱི་སུ་པི ཨེ་སེ་ཝ ན་ཡོ. ཨེ་ཝ་མེ་ཏྠ ས་བྦ་ཝཱ་རེ་སུ ཏི་ཎྞཾ ཏི་ཎྞཾ ཡ་མ་ཀཱ་ནཾ ཝ་སེ་ན ཡ་མ་ཀ་ག་ཎ་ནཱ ཝེ་དི་ཏ་བྦཱ.
ཨ་ཏྠ་ཝི་ནི་ཙྪ་ཡེ པ་ནེ་ཏྠ ཨི་དཾ ལ་ཀྑ་ཎཾ – ཨི་མ་སྨི་ཉྷི ས་ངྑཱ་ར་ཡ་མ་ཀེ ‘‘ཨ་སྶཱ་ས་པ་སྶཱ་སཱ་ནཾ ཨུ་པྤཱ་ད་ཀྑ་ཎེ ཝི་ཏ་ཀྐ་ཝི་ཙཱ་རཱ་ནཾ ཨུ་པྤཱ་ད་ཀྑ་ཎེ’’ཏི་ཨཱ་དི་ཝ་ཙ་ན་ཏོ པ་ཙྩུ་པྤ་ནྣཱ་དི་ཀཱ་ལ་བྷེ་དོ པ་ཝ་ཏྟི་ཝ་སེ་ནཱ་པི ག་ཧེ་ཏ་བྦོ, ན ཙུ་ཏི་པ་ཊི་ས་ནྡྷི་ཝ་སེ་ནེ་ཝ. ‘‘དུ་ཏི་ཡ་ཛ྄ཛྷཱ་ནེ ཏ་ཏི་ཡ་ཛ྄ཛྷཱ་ནེ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫ་ཏཱི’’ཏི་ཨཱ་དི་ཝ་ཙ་ན་ཏོ ཙ ཛྷཱ་ན་མྤི ཨོ་ཀཱ་ས་ཝ་སེ་ན ག་ཧི་ཏ་ནྟི ཝེ་དི་ཏ་བྦཾ. ཨེ་ཝ་མེ་ཏྠ ཡཾ ཡཾ ལ་བྦྷ་ཏི, ཏ་སྶ ཏ་སྶ ཝ་སེ་ན ཨ་ཏྠ་ཝི་ནི་ཙྪ་ཡོ ཝེ་དི་ཏ་བྦོ.
ཏ་ཏྲི་དཾ ན་ཡ་མུ་ཁཾ – ཝི་ནཱ ཝི་ཏ་ཀྐ་ཝི་ཙཱ་རེ་ཧཱིཏི དུ་ཏི་ཡ་ཏ་ཏི་ཡ་ཛ྄ཛྷཱ་ན་ཝ་སེ་ན ཝུ་ཏྟཾ. ཏེ་སནྟི ཏེ་སཾ དུ་ཏི་ཡ་ཏ་ཏི་ཡ་ཛ྄ཛྷཱ་ན་ས་མ་ངྒཱི་ནཾ. ཀཱ་མཱ་ཝ་ཙ་རཱ་ནནྟི ཀཱ་མཱ་ཝ་ཙ་རེ ཨུ་པྤ་ནྣ་ས་ཏྟཱ་ནཾ. རཱུ་པཱ་ཝ་ཙ་ར་དེ་ཝཱ་ནཾ པ་ན ཨ་སྶཱ་ས་པ་སྶཱ་སཱ ན་ཏྠི. ཨ་རཱུ་པཱ་ཝ་ཙ་རཱ་ནཾ རཱུ་པ་མེ་ཝ ན་ཏྠི. ཝི་ནཱ ཨ་སྶཱ་ས་པ་སྶཱ་སེ་ཧཱིཏི རཱུ་པཱ་རཱུ་པ་བྷ་ཝེ་སུ ནི་བྦ་ཏྟ་ས་ཏྟཱ་ནཾ ཝི་ཏ་ཀྐ་ཝི་ཙཱ་རུ་པྤ་ཏྟིཾ ས་ནྡྷཱ་ཡ ཝུ་ཏྟཾ.
༢༡. པ་ཋ་མ་ཛ྄ཛྷཱ་ནེ ཀཱ་མཱ་ཝ་ཙ་རེཏི ཀཱ་མཱ་ཝ་ཙ་ར་བྷཱུ་མི་ཡཾ ཨུ་པྤ་ནྣེ པ་ཋ་མ་ཛ྄ཛྷཱ་ནེ. ཨ་ངྒ་མ་ཏྟ་ཝ་སེ་ན ཙེ་ཏྠ པ་ཋ་མ་ཛ྄ཛྷཱ་ནཾ ག་ཧེ་ཏ་བྦཾ, ན ཨ་པྤ་ནཱ་ཝ་སེ་ནེ་ཝ. ཨ་ན་པྤ་ནཱ་པ་ཏྟེ་པི ཧི ས་ཝི་ཏ་ཀྐ་ས་ཝི་ཙཱ་ར་ཙི་ཏྟེ ཨི་དཾ ས་ངྑཱ་ར་དྭ་ཡཾ ཨུ་པྤ་ཛྫ་ཏེ་ཝ.
༢༤. ཙི་ཏྟ་སྶ བྷ་ངྒ་ཀྑ་ཎེཏི ཨི་དཾ ཀཱ་ཡ་ས་ངྑཱ་ར་སྶ ཨེ་ཀ་ནྟ་ཙི་ཏྟ་ས་མུ་ཊྛཱ་ན་ཏྟཱ ཝུ་ཏྟཾ. ཨུ་པྤ་ཛྫ་མཱ་ན་མེ་ཝ ཧི ཙི་ཏྟཾ རཱུ་པཾ ཝཱ ཨ་རཱུ་པཾ ཝཱ ས་མུ་ཊྛཱ་པེ་ཏི, ན བྷི་ཛྫ་མཱ་ནཾ.
༣༧. སུ་དྡྷཱ་ཝཱ་སཱ་ནཾ དུ་ཏི་ཡེ ཙི་ཏྟེ ཝ་ཏྟ་མཱ་ནེཏི པ་ཊི་ས་ནྡྷི་ཏོ དུ་ཏི་ཡེ བྷ་ཝ་ངྒ་ཙི་ཏྟེ. ཀཱ་མ་ཉྩེ་ཏཾ པ་ཊི་ས་ནྡྷི་ཙི་ཏྟེ་པི ཝ་ཏྟ་མཱ་ནེ ཏེ་སཾ ཏ་ཏྠ ནུ་པྤ་ཛྫི་ཏྠེ་ཝ. ཡཱ་ཝ པ་ན ཨ་བྦོ་ཀི་ཎྞཾ ཝི་པཱ་ཀ་ཙི་ཏྟཾ ཝ་ཏྟ་ཏི, ཏཱ་ཝ ནུ་པྤ་ཛྫི་ཏྠེ་ཝ ནཱ་མཱ་ཏི ད་སྶ་ན་ཏྠ་མེ་ཏཾ ཝུ་ཏྟཾ. ཡ་སྶ ཝཱ ཛྷཱ་ན་སྶ ཝི་པཱ་ཀ་ཙི་ཏྟེ་ན ཏེ ནི་བྦ་ཏྟཱ, ཏཾ ས་ཏ་སོ་པི ས་ཧ་སྶ་སོ་པི ཨུ་པྤ་ཛྫ་མཱ་ནཾ པ་ཋ་མ་ཙི་ཏྟ་མེ་ཝ. ཝི་པཱ་ཀ་ཙི་ཏྟེ་ན པ་ན ཝི་ས་དི་སཾ བྷ་ཝ་ནི་ཀ་ནྟི་ཡཱ ཨཱ་ཝ་ཛྫ་ན་ཙི་ཏྟཾ དུ་ཏི་ཡ་ཙི་ཏྟཾ ནཱ་མ. ཏཾ ས་ནྡྷཱ་ཡེ་ཏཾ ཝུ་ཏྟ་ནྟི ཝེ་དི་ཏ་བྦཾ.
༤༤. པ་ཙྪི་མ་ཙི་ཏྟ་ས་མ་ངྒཱི་ནནྟི ས་བྦ་པ་ཙྪི་མེ་ན ཨ་པྤ་ཊི་ས་ནྡྷི་ཀ་ཙི་ཏྟེ་ན ས་མ་ངྒཱི་བྷཱུ་ཏཱ་ནཾ ཁཱི་ཎཱ་ས་ཝཱ་ནཾ. ཨ་ཝི་ཏ་ཀྐ་ཨ་ཝི་ཙཱ་རཾ པ་ཙྪི་མ་ཙི་ཏྟནྟི རཱུ་པཱ་ཝ་ཙ་རཱ་ནཾ དུ་ཏི་ཡ་ཛ྄ཛྷཱ་ནི་ཀཱ་དི་ཙུ་ཏི་ཙི་ཏྟ་ཝ་སེ་ན, ཨ་རཱུ་པཱ་ཝ་ཙ་རཱ་ན་ཉྩ ཙ་ཏུ་ཏྠ་ཛ྄ཛྷཱ་ནི་ཀ་ཙུ་ཏི་ཙི་ཏྟ་ཝ་སེ་ནེ་ཏཾ ཝུ་ཏྟཾ. ཏེ་སནྟི ཏེ་སཾ པ་ཙྪི་མ་ཙི་ཏྟ་ས་མ་ངྒཱི་ཨཱ་དཱི་ནཾ.
༧༩. ཡ་སྶ ཀཱ་ཡ་ས་ངྑཱ་རོ ནི་རུ་ཛ྄ཛྷ་ཏི, ཏ་སྶ ཙི་ཏྟ་ས་ངྑཱ་རོ ནི་རུ་ཛ྄ཛྷ་ཏཱིཏི ཨེ་ཏྠ ནི་ཡ་མ་ཏོ ཀཱ་ཡ་ས་ངྑཱ་ར་སྶ ཙི་ཏྟ་ས་ངྑཱ་རེ་ན ས་དྡྷིཾ ཨེ་ཀ་ཀྑ་ཎེ ནི་རུ་ཛ྄ཛྷ་ན་ཏོ ཨཱ་མ་ནྟཱ་ཏི པ་ཊི་ཝ་ཙ་ནཾ དི་ནྣཾ. ན ཙི་ཏྟ་ས་ངྑཱ་ར་སྶ ཀཱ་ཡ་ས་ངྑཱ་རེ་ན ས་དྡྷིཾ. ཀིཾ ཀཱ་ར་ཎཱ? ཙི་ཏྟ་ས་ངྑཱ་རོ ཧི ཀཱ་ཡ་ས་ངྑཱ་རེ་ན ཝི་ནཱ་པི ཨུ་པྤ་ཛྫ་ཏི ཙ ནི་རུ་ཛ྄ཛྷ་ཏི ཙ. ཀཱ་ཡ་ས་ངྑཱ་རོ པ་ན ཙི་ཏྟ་ས་མུ་ཊྛཱ་ནོ ཨ་སྶཱ་ས་པ་སྶཱ་ས་ཝཱ་ཏོ. ཙི་ཏྟ་ས་མུ་ཊྛཱ་ན་རཱུ་པ་ཉྩ ཙི་ཏྟ་སྶ ཨུ་པྤཱ་ད་ཀྑ་ཎེ ཨུ་པྤ་ཛྫི་ཏྭཱ ཡཱ་ཝ ཨ་ཉྙཱ་ནི སོ་ལ༹་ས་ཙི་ཏྟཱ་ནི ཨུ་པྤ་ཛྫ་ནྟི, ཏཱ་ཝ ཏི་ཊྛ་ཏི. ཏེ་སཾ སོ་ལ༹་ས་ནྣཾ ས་བྦ་པ་ཙྪི་མེ་ན ས་དྡྷིཾ ནི་རུ་ཛ྄ཛྷ་ཏཱི་ཏི ཡེ་ན ཙི་ཏྟེ་ན ས་དྡྷིཾ ཨུ་པྤ་ཛྫ་ཏི, ཏ་ཏོ པ་ཊྛཱ་ཡ ས་ཏྟ་ར་ས་མེ་ན ས་དྡྷིཾ ནི་རུ་ཛ྄ཛྷ་ཏི. ན ཀ་སྶ་ཙི ཙི་ཏྟ་སྶ ཨུ་པྤཱ་ད་ཀྑ་ཎེ ཝཱ ཋི་ཏི་ཀྑ་ཎེ ཝཱ ནི་རུ་ཛ྄ཛྷ་ཏི, ནཱ་པི ཋི་ཏི་ཀྑ་ཎེ ཝཱ བྷ་ངྒ་ཀྑ་ཎེ ཝཱ ཨུ་པྤ་ཛྫ་ཏི. ཨེ་སཱ ཙི་ཏྟ་ས་མུ་ཊྛཱ་ན་རཱུ་པ་སྶ དྷ་མྨ་ཏཱ་ཏི ནི་ཡ་མ་ཏོ ཙི་ཏྟ་ས་ངྑཱ་རེ་ན ས་དྡྷིཾ ཨེ་ཀ་ཀྑ་ཎེ ནི་རུ་ཛ྄ཛྷ་ན་ཏོ ཨཱ་མ་ནྟཱ་ཏི ཝུ་ཏྟཾ. ཡཾ པ་ན ཝི་བྷ་ངྒ་པྤ་ཀ་ར་ཎ་སྶ སཱི་ཧ་ལ༹་ཊྛ་ཀ་ཐཱ་ཡཾ ‘‘ཙི་ཏྟ་ས་མུ་ཊྛཱ་ནཾ རཱུ་པཾ ས་ཏྟ་ར་ས་མ་སྶ ཙི་ཏྟ་སྶ ཨུ་པྤཱ་ད་ཀྑ་ཎེ ནི་རུ་ཛ྄ཛྷ་ཏཱི’’ཏི ཝུ་ཏྟཾ, ཏཾ ཨི་མཱ་ཡ པཱ་ལི༹་ཡཱ ཝི་རཱུ་ཛ྄ཛྷ་ཏི. ཨ་ཊྛ་ཀ་ཐཱ་ཏོ ཙ པཱ་ལི༹་ཡེ་ཝ བ་ལ་ཝ་ཏ་རཱ་ཏི པཱ་ལི༹་ཡཾ ཝུ་ཏྟ་མེ་ཝ པ་མཱ་ཎཾ.
༡༢༨. ཡ་སྶ ཀཱ་ཡ་ས་ངྑཱ་རོ ཨུ་པྤ་ཛྫ་ཏི, ཏ་སྶ ཝ་ཙཱི་ས་ངྑཱ་རོ ནི་རུ་ཛ྄ཛྷ་ཏཱིཏི ཨེ་ཏྠ ཡ་སྨཱ ཀཱ་ཡ་ས་ངྑཱ་རོ ཙི་ཏྟ་སྶ ཨུ་པྤཱ་ད་ཀྑ་ཎེ ཨུ་པྤ་ཛྫ་ཏི, ན ཙ ཏ་སྨིཾ ཁ་ཎེ ཝི་ཏ་ཀྐ་ཝི་ཙཱ་རཱ ནི་རུ་ཛ྄ཛྷ་ནྟི, ཏ་སྨཱ ནོ་ཏི པ་ཊི་སེ་དྷོ ཀ་ཏོ་ཏི. ཨི་མི་ནཱ ན་ཡ་མུ་ཁེ་ན ས་བྦ་ཏྠ ཨ་ཏྠ་ཝི་ནི་ཙྪ་ཡོ ཝེ་དི་ཏ་བྦོ. པ་རི་ཉྙཱ་ཝཱ་རོ པཱ་ཀ་ཏི་ཀོ་ཡེ་ཝཱ་ཏི.
པ་ཝ་ཏྟི་ཝཱ་ར་ཝ་ཎྞ་ནཱ.
ས་ངྑཱ་ར་ཡ་མ་ཀ་ཝ་ཎྞ་ནཱ ནི་ཊྛི་ཏཱ.