༡. པ་ཎྞ་ཏྟི་ནི་དྡེ་ས་ཝཱ་ར་ཝ་ཎྞ་ནཱ

༡༠-༡༧. ནི་དྡེ་ས་ཝཱ་རེ པ་ན ཧེ་ཊྛཱ ཁ་ནྡྷ་ཡ་མ་ཀ་སྶ པ་ཎྞ་ཏྟི་ཝཱ་ར་ནི་དྡེ་སེ ཝུ་ཏྟ་ན་ཡེ་ནེ་ཝ ཨ་ཏྠོ ཝེ་དི་ཏ་བྦོ. ཨ་ཉྙ་ཏྲ ཝི་སེ་སཱ. ཏ་ཏྲཱ་ཡཾ ཝི་སེ་སོ – དི་བྦ་ཙ་ཀྑཱུཏི དུ་ཏི་ཡ་ཝི་ཛྫཱ་ཉཱ་ཎཾ. པ་ཉྙཱ་ཙ་ཀྑཱུཏི ཏ་ཏི་ཡ་ཝི་ཛྫཱ་ཉཱ་ཎཾ. དི་བྦ་སོ་ཏནྟི དུ་ཏི་ཡ་ཨ་བྷི་ཉྙཱ་ཉཱ་ཎཾ. ཏ་ཎྷཱ་སོ་ཏནྟི ཏ་ཎྷཱ་ཝ. ཨ་ཝ་སེ་སོ ཀཱ་ཡོཏི ནཱ་མ་ཀཱ་ཡོ, རཱུ་པ་ཀཱ་ཡོ, ཧ་ཏྠི་ཀཱ་ཡོ, ཨ་སྶ་ཀཱ་ཡོ་ཏི ཨེ་ཝ་མཱ་དི. ཨ་ཝ་སེ་སཾ རཱུ་པནྟི རཱུ་པཱ་ཡ་ཏ་ན་ཏོ སེ་སཾ བྷཱུ་ཏུ་པཱ་དཱ་ཡ་རཱུ་པ་ཉྩེ་ཝ པི་ཡ་རཱུ་པ་སཱ་ཏ་རཱུ་པ་ཉྩ. སཱི་ལ་ག་ནྡྷོཏི་ཨཱ་དཱི་ནི ཝཱ་ཡ་ན་ཊྛེ་ན སཱི་ལཱ་དཱི་ནཾ་ཡེ་ཝ ནཱ་མཱ་ནི. ཨ་ཏྠ་ར་སོཏི་ཨཱ་དཱི་ནི་པི སཱ་དྷུ་མ་དྷུ་ར་ཊྛེ་ན ཨ་ཏྠཱ་དཱི་ན་ཉྙེ་ཝ ནཱ་མཱ་ནི. ཨ་ཝ་སེ་སོ དྷ་མྨོཏི པ་རི་ཡ་ཏྟི་དྷ་མྨཱ་དི་ཨ་ནེ་ཀ་པྤ་བྷེ་དོ་ཏི ཨ་ཡ་མེ་ཏྠ ཝི་སེ་སོ.

པ་ཎྞ་ཏྟི་ནི་དྡེ་ས་ཝཱ་ར་ཝ་ཎྞ་ནཱ.