༨. ཨ་བྱཱ་ཀ་ཏ་ཀ་ཐཱ་ཝ་ཎྞ་ནཱ

༩༠༡-༩༠༢. ཨི་དཱ་ནི ཨ་བྱཱ་ཀ་ཏ་ཀ་ཐཱ ནཱ་མ ཧོ་ཏི. ཏ་ཏྠ ‘‘ཨ་ཏྠེ་སཱ, བྷི་ཀྑ་ཝེ, ཙེ་ཏ་ནཱ, སཱ ཙ ཁོ ཨ་བྦོ་ཧཱ་རི་ཀཱ’’ཏི (པཱ་རཱ. ༢༣༥) ཝ་ཙ་ན་ཏོ ‘‘ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ’’ནྟི ཡེ་སཾ ལ་དྡྷི, སེ་ཡྻ་ཐཱ་པི ཨེ་ཀ་ཙྩཱ་ནཾ ཨུ་ཏྟ་རཱ་པ་ཐ་ཀཱ་ན་ཉྙེ་ཝ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སེ་ས་མེ་ཏྠ ཡ་ཐཱ པཱ་ལི༹་མེ་ཝ ནི་ཡྻཱ་ཏི. སུ་པི་ན་ག་ཏ་སྶ ཙི་ཏྟཾ ཨ་བྦོ་ཧཱ་རི་ཀནྟི ཨི་དཾ ཨཱ་པ་ཏྟིཾ ས་ནྡྷཱ་ཡ ཝུ་ཏྟཾ. སུ་པི་ན་ག་ཏ་སྶ ཧི པཱ་ཎཱ་ཏི་པཱ་ཏཱ་དི་ཝ་སེ་ན ཀི་ཉྩཱ་པི ཨ་ཀུ་ས་ལ་ཙི་ཏྟཾ པ་ཝ་ཏྟ་ཏི, ཝ་ཏྠུ་ཝི་ཀོ་པ་ནཾ པ་ན ན་ཏྠཱི་ཏི ན ས་ཀྐཱ ཏ་ཏྠ ཨཱ་པ་ཏྟིཾ པ་ཉྙ་པེ་ཏུཾ. ཨི་མི་ནཱ ཀཱ་ར་ཎེ་ན ཏཾ ཨ་བྦོ་ཧཱ་རི་ཀཾ, ན ཨ་བྱཱ་ཀ་ཏ་ཏྟཱ་ཏི.

ཨ་བྱཱ་ཀ་ཏ་ཀ་ཐཱ་ཝ་ཎྞ་ནཱ.