༣. ཨཱ་ནེ་ཉྫ་ཀ་ཐཱ་ཝ་ཎྞ་ནཱ

༨༩༦. ཨི་དཱ་ནི ཨཱ་ནེ་ཉྫ་ཀ་ཐཱ ནཱ་མ ཧོ་ཏི. ཏ་ཏྠ བྷ་ག་ཝཱ ཙ་ཏུ་ཏྠ་ཛ྄ཛྷཱ་ནེ ཋི་ཏོ པ་རི་ནི་བྦཱ་ཡཱི་ཏི ས་ལླ་ཀྑེ་ཏྭཱ ‘‘ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨེ་ཀ་ཙྩཱ་ནཾ ཨུ་ཏྟ་རཱ་པ་ཐ་ཀཱ་ནཾ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. པ་ཀ་ཏི་ཙི་ཏྟེཏི བྷ་ཝ་ངྒ་ཙི་ཏྟེ. ས་བྦེ ཧི ས་ཉྙི་ནོ ས་ཏྟཱ བྷ་ཝ་ངྒ་ཙི་ཏྟེ ཋ་ཏྭཱ བྷ་ཝ་ངྒ་པ་རི་ཡོ་སཱ་ནེ་ན ཙུ་ཏི་ཙི་ཏྟེ་ན ཀཱ་ལཾ ཀ་རོ་ནྟི. ཨི་ཏི ནཾ ཨི་མི་ནཱ ཨ་ཏྠེ་ན ཙོ་དེ་ཏུཾ ཨེ་ཝ་མཱ་ཧ. ཏ་ཏྠ ཀི་ཉྩཱ་པི ཙ་ཏུ་ཝོ་ཀཱ་ར་བྷ་ཝེ ཨ་ར་ཧ་ཏོ པ་ཀ་ཏི་ཙི་ཏྟ་མྤི ཨཱ་ནེ་ཉྫཾ ཧོ་ཏི, ཨ་ཡཾ པ་ན པ་ཉྷོ པ་ཉྩ་ཝོ་ཀཱ་ར་བྷ་ཝ་ཝ་སེ་ན ཨུ་དྡྷ་ཊོ. ཏ་སྨཱ ནོ ཙ ཝ་ཏ རེ ཝ་ཏྟ་བྦེཏི ཨཱ་ཧ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

ཨཱ་ནེ་ཉྫ་ཀ་ཐཱ་ཝ་ཎྞ་ནཱ.