༦. ས་བྦ་དི་སཱ་ཀ་ཐཱ་ཝ་ཎྞ་ནཱ

༨༨༦. ཨི་དཱ་ནི ས་བྦ་དི་སཱ་ཀ་ཐཱ ནཱ་མ ཧོ་ཏི. ཏ་ཏྠ ཙ་ཏཱུ་སུ དི་སཱ་སུ ཧེ་ཊྛཱ ཨུ་པ་རཱི་ཏི ས་མ་ནྟ་ཏོ ལོ་ཀ་དྷཱ་ཏུ་ས་ནྣི་ཝཱ་སཾ, ས་བྦ་ལོ་ཀ་དྷཱ་ཏཱུ་སུ ཙ བུ་དྡྷཱ ཨ་ཏྠཱི་ཏི ཨ་ཏྟ་ནོ ཝི་ཀ་པྤ་སི་པྤཾ ཨུ་པྤཱ་དེ་ཏྭཱ ‘‘ས་བྦ་དི་སཱ་སུ བུ་དྡྷཱ ཏི་ཊྛ་ནྟཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་ས་ངྒྷི་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. པུ་ར་ཏྠི་མཱ་ཡཱཏི པུ་ཊྛོ ས་ཀྱ་མུ་ནིཾ ས་ནྡྷཱ་ཡ པ་ཊི་ཀྑི་པ་ཏི. པུ་ན པུ་ཊྛོ ལ་དྡྷི་ཝ་སེ་ན ཨ་ཉྙ་ལོ་ཀ་དྷཱ་ཏུ་ཡཾ ཋི་ཏཾ ས་ནྡྷཱ་ཡ པ་ཊི་ཛཱ་ནཱ་ཏི. ཀི་ནྣཱ་མོ སོ བྷ་ག་ཝཱཏི་ཨཱ་དི ‘‘ས་ཙེ ཏྭཾ ཛཱ་ནཱ་སི, ནཱ་མཱ་དི་ཝ་སེ་ན ནཾ ཀ་ཐེ་ཧཱི’’ཏི ཙོ་ད་ན་ཏྠཾ ཝུ་ཏྟཾ. ཨི་མི་ནཱ ཨུ་པཱ་ཡེ་ན ས་བྦ་ཏྠ ཨ་ཏྠོ ཝེ་དི་ཏ་བྦོ་ཏི.

ས་བྦ་དི་སཱ་ཀ་ཐཱ་ཝ་ཎྞ་ནཱ.