༡. སཱ་ས་ན་ཀ་ཐཱ་ཝ་ཎྞ་ནཱ

༨༧༨. ཨི་དཱ་ནི སཱ་ས་ན་ཀ་ཐཱ ནཱ་མ ཧོ་ཏི. ཏ་ཏྠ ཏི་སྶོ ས་ངྒཱི་ཏི་ཡོ ས་ནྡྷཱ་ཡ ‘‘སཱ་ས་ནཾ ན་ཝཾ ཀ་ཏ’’ནྟི ཙ ‘‘ཨ་ཏྠི ཀོ་ཙི ཏ་ཐཱ་ག་ཏ་སྶ སཱ་ས་ནཾ ན་ཝཾ ཀ་རོ་ཏཱི’’ཏི ཙ ‘‘ལ་བྦྷཱ ཏ་ཐཱ་ག་ཏ་སྶ སཱ་ས་ནཾ ན་ཝཾ ཀཱ་ཏུ’’ནྟི ཙ ཡེ་སཾ ལ་དྡྷི, སེ་ཡྻ་ཐཱ་པི ཨེ་ཀ་ཙྩཱ་ནཾ ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ ཏཱི་སུ་པི ཀ་ཐཱ་སུ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ས་ཏི་པ་ཊྛཱ་ནཱཏི་ཨཱ་དི སཱ་ས་ནཾ ནཱ་མ ས་ཏི་པ་ཊྛཱ་ནཱ་ད་ཡོ ཙེ་ཝ ཨ་རི་ཡ་དྷ་མྨཱ, ཀུ་ས་ལཱ་དཱི་ན་ཉྩ དེ་ས་ནཱ. ཏ་ཏྠ ཡེ་སཾ བྷ་ག་ཝ་ཏཱ དེ་སི་ཏཱ ས་ཏི་པ་ཊྛཱ་ནཱ་ད་ཡོ, ཋ་པེ་ཏྭཱ ཏེ ཨ་ཉྙེ་སཾ ཝཱ ས་ཏི་པ་ཊྛཱ་ནཱ་དཱི་ནཾ ཀ་ར་ཎེ་ན ཨ་ཀུ་ས་ལཱ་དཱི་ནཾ ཝཱ ཀུ་ས་ལཱ་དི་བྷཱ་ཝ་ཀ་ར་ཎེ་ན སཱ་ས་ནཾ ན་ཝཾ་ཀ་ཏཾ ནཱ་མ བྷ་ཝེ་ཡྻ, ཀིཾ ཏཾ ཨེ་ཝཾ ཀ་ཏཾ ཀེ་ན་ཙི, ཨ་ཏྠི ཝཱ ཀོ་ཙི ཨེ་ཝཾ ཀ་རོ་ཏི, ལ་བྦྷཱ ཝཱ ཨེ་ཝཾ ཀཱ་ཏུ་ནྟི ཏཱི་སུ་པི པུ་ཙྪཱ་སུ ཙོ་ད་ན་ཏྠཾ ཝུ་ཏྟཾ. སེ་སཾ ས་བྦ་ཏྠ ཡ་ཐཱ་པཱ་ལི༹་མེ་ཝ ནི་ཡྻཱ་ཏཱི་ཏི.

སཱ་ས་ན་ཀ་ཐཱ་ཝ་ཎྞ་ནཱ.