༥. མ་གྒ་ཀ་ཐཱ་ཝ་ཎྞ་ནཱ

༨༧༢-༨༧༥. ཨི་དཱ་ནི མ་གྒ་ཀ་ཐཱ ནཱ་མ ཧོ་ཏི. ཏ་ཏྠ ཡེ་སཾ ‘‘པུ་བྦེ་ཝ ཁོ པ་ན་སྶ ཀཱ་ཡ་ཀ་མྨཾ ཝ་ཙཱི་ཀ་མྨཾ ཨཱ་ཛཱི་ཝོ སུ་པ་རི་སུ་དྡྷོ ཧོ་ཏཱི’’ཏི (ཨ. ནི. ༣.༤༣༡) ཨི་ད་ཉྩེ་ཝ སུ་ཏྟཾ ས་མྨཱ་ཝཱ་ཙཱ་ཀ་མྨ་ནྟཱ་ཛཱི་ཝཱ་ན་ཉྩ ཙི་ཏྟ་ཝི་པྤ་ཡུ་ཏྟ་ཏཾ ནི་སྶཱ་ཡ ‘‘ནི་པྤ་རི་ཡཱ་ཡེ་ན པ་ཉྩ་ངྒི་ཀོ་ཝ མ་གྒོ’’ཏི ལ་དྡྷི, སེ་ཡྻ་ཐཱ་པི མ་ཧི་སཱ་ས་ཀཱ་ནཾ, ཏེ ས་ནྡྷཱ་ཡ པ་ཉྩ་ངྒི་ཀོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ས་མྨཱ་ཝཱ་ཙཱ མ་གྒ་ངྒཾ, སཱ ཙ ན མ་གྒོ་ཏིཨཱ་དི པ་ར་ས་མ་ཡ་ཝ་སེ་ན ཝུ་ཏྟཾ. པ་ར་ས་མ་ཡ་སྨི་ཉྷི ས་མྨཱ་ཝཱ་ཙཱ་ད་ཡོ མ་གྒ་ངྒ་ནྟི ཨཱ་ག་ཏཱ. རཱུ་པ་ཏྟཱ པ་ན མ་གྒོ ན ཧོ་ཏཱི་ཏི ཝ་ཎྞི་ཏཱ. ས་མྨཱ་དི་ཊྛི མ་གྒ་ངྒནྟི་ཨཱ་དི མ་གྒ་ངྒ་སྶ ཨ་མ་གྒ་ཏཱ ནཱ་མ ན་ཏྠཱི་ཏི ད་སྶ་ན་ཏྠཾ ཝུ་ཏྟཾ. པུ་བྦེ་ཝ ཁོ པ་ན་སྶཱཏི སུ་ཏྟེ པ་རི་སུ་དྡྷ་སཱི་ལ་སྶ མ་གྒ་བྷཱ་ཝ་ནཱ ནཱ་མ ཧོ་ཏི, ན ཨི་ཏ་ར་སྶཱ་ཏི ཨཱ་ག་མ་ནི་ཡ་པ་ཊི་པ་དཱ་ཡ ཝི་སུ་དྡྷི་བྷཱ་ཝ་ད་སྶ་ན་ཏྠཾ ‘‘ཀཱ་ཡ་ཀ་མྨཾ ཝ་ཙཱི་ཀ་མྨཾ ཨཱ་ཛཱི་ཝོ སུ་པ་རི་སུ་དྡྷོ ཧོ་ཏཱི’’ཏི ཝུ་ཏྟཾ, ན ཨི་མེ་ཧི ཝི་ནཱ པ་ཉྩ་ངྒི་ཀ་བྷཱ་ཝ་ད་སྶ་ན་ཏྠཾ. ཏེ་ནེ་ཝཱ་ཧ ‘‘ཨེ་ཝ་མ་སྶཱ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝ་ནཱ་པཱ་རི་པཱུ་རིཾ ག་ཙྪ་ཏཱི’’ཏི. ས་ཀ་ཝཱ་དི་ནཱ ཨཱ་བྷ་ཏ་སུ་ཏྟཾ ནཱི་ཏ་ཏྠ་མེ་ཝཱ་ཏི.

མ་གྒ་ཀ་ཐཱ་ཝ་ཎྞ་ནཱ.