༢. ཉཱ་ཎ་ཀ་ཐཱ་ཝ་ཎྞ་ནཱ

༨༦༣-༨༦༥. ཨི་དཱ་ནི ཉཱ་ཎ་ཀ་ཐཱ ནཱ་མ ཧོ་ཏི. ཏ་ཏྠ དུ་ཝི་དྷཾ ཉཱ་ཎཾ – ལོ་ཀི་ཡ་ཉྩ ལོ་ཀུ་ཏྟ་ར་ཉྩ. ལོ་ཀི་ཡཾ ས་མཱ་པ་ཏྟི་ཉཱ་ཎ་མྤི ཧོ་ཏི དཱ་ནཱ་དི་ཝ་སེ་ན པ་ཝ་ཏྟཾ ཀ་མྨ་སྶ་ཀ་ཏ་ཉཱ་ཎ་མྤི; ལོ་ཀུ་ཏྟ་རཾ ས་ཙྩ་པ་རི་ཙྪེ་ད་ཀཾ མ་གྒ་ཉཱ་ཎ་མྤི ཕ་ལ་ཉཱ་ཎ་མྤི. ཨི་མཾ པ་ན ཝི་བྷཱ་གཾ ཨ་ཀ་ཏྭཱ ‘‘ས་ཙྩ་པ་རི་ཙྪེ་ད་ཀ་མེ་ཝ ཉཱ་ཎཾ ན ཨི་ཏ་རཾ, ཏ་སྨཱ ན་ཏྠི པུ་ཐུ་ཛྫ་ན་སྶ ཉཱ་ཎ’’ནྟི ཡེ་སཾ ལ་དྡྷི, སེ་ཡྻ་ཐཱ་པི ཧེ་ཏུ་ཝཱ་དཱ་ནཾ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. པ་ཉྙཱཏི་ཨཱ་དི ཉཱ་ཎ་ཝེ་ཝ་ཙ་ན་ད་སྶ་ན་ཏྠཾ ཝུ་ཏྟཾ. ཏེ་ནེ་ཏཾ དཱི་པེ་ཏི – ཡ་དི ཏ་སྶ ཉཱ་ཎཾ ན་ཏྠི, པ་ཉྙཱ་ད་ཡོ་པི ན་ཏྠི. ཨ་ཐ པ་ཉྙཱ་ད་ཡོ ཨ་ཏྠི, ཉཱ་ཎ་མྤི ཨ་ཏྠི. ཀ་སྨཱ? པ་ཉྙཱ་དཱི་ནཾ ཉཱ་ཎ་ཏོ ཨ་ན་ཉྙ་ཏྟཱ་ཏི. པ་ཋ་མཾ ཛྷཱ་ནནྟི་ཨཱ་དི ས་མཱ་པ་ཏྟི་ཉཱ་ཎ་སྶ ད་སྶ་ན་ཏྠཾ ཝུ་ཏྟཾ. དཱ་ནཾ ད་དེ་ཡྻཱཏི་ཨཱ་དི ཀ་མྨ་སྶ་ཀ་ཏ་ཉཱ་ཎ་སྶ. དུ་ཀྑཾ པ་རི་ཛཱ་ནཱ་ཏཱིཏི ལོ་ཀུ་ཏྟ་ར་མ་གྒ་ཉཱ་ཎ་མེ་ཝ དཱི་པེ་ཏི, ན ཙ ལོ་ཀུ་ཏྟ་ར་མེ་ཝ ཉཱ་ཎ་ནྟི.

ཉཱ་ཎ་ཀ་ཐཱ་ཝ་ཎྞ་ནཱ.