༥. སུ་དྡྷི་ཀ་སཾ་ས་ནྡ་ན་ཝ་ཎྞ་ནཱ

༡༧-༢༧. ཨི་དཱ་ནི རཱུ་པཱ་དཱི་ཧི ས་དྡྷིཾ ས་ཙྩི་ཀ་ཊྛ་སཾ་ས་ནྡ་ནཾ ཧོ་ཏི. ཏ་ཏྠ རཱུ་པ་ཉྩཱཏི ཡ་ཐཱ རཱུ་པཾ པ་ར་མ་ཏྠ་ཏོ ཨུ་པ་ལ་བྦྷ་ཏི, ཀིཾ ཏེ པུ་གྒ་ལོ་པི ཏ་ཐེ་ཝ ཨུ་པ་ལ་བྦྷ་ཏཱི་ཏི ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, ཨ་ཏྠི པུ་གྒ་ལོ་ཏི ཝ་ཙ་ན་མ་ཏྟཾ ག་ཧེ་ཏྭཱ པ་ཊི་ཉྙཱ པ་ར་ཝཱ་དི་སྶ. ཡ་དི ཏེ རཱུ་པཾ ཝི་ཡ པ་ར་མ་ཏྠ་ཏོ པུ་གྒ་ལོ ཨ་ཏྠི, རཱུ་པ་ཏོ ཝེ་ད་ནཱ་དཱི་ནཾ ཝི་ཡ པུ་གྒ་ལ་སྶཱ་པི ཨ་ཉྙ་ཏྟཾ ཨཱ་པ་ཛྫ་ཏཱི་ཏི ཨ་ནུ་ཡོ་གོ ས་ཀ་ཝཱ་དི་སྶ, ས་མ་ཡ་སུ་ཏྟ་ཝི་རོ་དྷཾ དི་སྭཱ པ་ཊི་ཀྑེ་པོ པ་ར་ཝཱ་དི་སྶ. སེ་སཾ ཨ་ཏྠ་ཏོ པཱ་ཀ་ཊ་མེ་ཝ. དྷ་མྨ་ཏོ པ་ནེ་ཏྠ ས་ཏྟ་པ་ཉྙཱ་ས་བྷེ་ད་སྶ ས་ཙྩི་ཀ་ཊྛ་པ་ར་མ་ཏྠ་སྶ ཝ་སེ་ན ས་ཀ་ཝཱ་དཱི་པ་ཀྑ་མཱུ་ལ་ཀེ ཨ་ནུ་ལོ་མ་པ་ཙྩ་ནཱི་ཀེ ས་ཏྟ་པ་ཉྙཱ་ས ཨ་ནུ་ལོ་མ་པ་ཉྩ་ཀཱ་ནི ད་སྶི་ཏཱ་ནི. པ་ཊི་ཀ་མྨ་ཙ་ཏུ་ཀྐཱ་དཱི་ནི ས་ངྑི་ཏྟཱ་ནི. པ་ར་ཝཱ་དཱི་པ་ཀྑ་མཱུ་ལ་ཀེ་པི པ་ཙྩ་ནཱི་ཀཱ་ནུ་ལོ་མེ ས་ཏྟ་པ་ཉྙཱ་ས པ་ཊི་ལོ་མ་པ་ཉྩ་ཀཱ་ནི ད་སྶི་ཏཱ་ནི. པ་ཊི་ཀ་མྨ་ཙ་ཏུ་ཀྐཱ་དཱི་ནི ས་ངྑི་ཏྟཱ་ནི. ཏ་ཏྠ ‘‘ཝུ་ཏྟཾ བྷ་ག་ཝ་ཏཱ’’ཏི ཝ་ཙ་ན་མ་ཏྟེ་ན པུ་གྒ་ལ་སྶ ཨ་ཏྠི་ཏཾ རཱུ་པ་སྶ ཙ ས་ཙྩི་ཀ་ཊྛ་པ་ར་མ་ཏྠ་ཝ་སེ་ན ཨུ་པ་ལ་བྦྷ་ནཱི་ཡ་ཏཾ ད་སྶེ་ཏྭཱ ཨུ་བྷི་ནྣཾ ཨ་ཉྙ་ཏྟཾ པ་ཊི་ཛཱ་ནཱ་པ་ན་ཏྠཾ ཝུ་ཏྟཾ བྷ་ག་ཝ་ཏཱཏི ཨ་ནུ་ཡོ་གོ པ་ར་ཝཱ་དི་སྶ, ས་མྨུ་ཏི་པ་ར་མ་ཏྠཱ་ནཾ ཨེ་ཀ་ཏྟ་ནཱ་ན་ཏྟ་པ་ཉྷ་སྶ ཋ་པ་ནཱི་ཡ་ཏྟཱ པ་ཊི་ཀྑེ་པོ ས་ཀ་ཝཱ་དི་སྶ. སེ་ས་མི་དྷཱ་པི ཨ་ཏྠ་ཏོ པཱ་ཀ་ཊ་མེ་ཝཱ་ཏི.

སུ་དྡྷི་ཀ་སཾ་ས་ནྡ་ན་ཝ་ཎྞ་ནཱ.