༤. པ་ཏྟི་ཀ་ཐཱ་ཝ་ཎྞ་ནཱ

༨༣༧-༨༤༠. ཨི་དཱ་ནི པ་ཏྟི་ཀ་ཐཱ ནཱ་མ ཧོ་ཏི. ཏ་ཏྠ ‘‘ཡཾ ཡཾ པ་ཊི་ལ་བྦྷ་ཏི, ཏ་སྶ ཏ་སྶ པ་ཊི་ལཱ་བྷོ པ་ཏྟི ནཱ་མ. སཱ ཙ ཨ་ས་ངྑ་ཏཱ’’ཏི ཡེ་སཾ ལ་དྡྷི, སེ་ཡྻ་ཐཱ་པི པུ་བྦ་སེ་ལི་ཡཱ་ན་ཉྙེ་ཝ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སེ་ས་མི་དྷཱ་པི ཧེ་ཊྛཱ ཝུ་ཏྟ་ན་ཡ་ཏྟཱ ཡ་ཐཱ་པཱ་ལི༹་མེ་ཝ ནི་ཡྻཱ་ཏཱི་ཏི. ན ཝ་ཏྟ་བྦནྟི་ཨཱ་དི ཡཱ་ཡ ལ་དྡྷི་ཡཱ པ་ཏྟི ཨ་ས་ངྑ་ཏཱ་ཏི མ་ཉྙ་ཏི, ཏཾ པ་ཀཱ་སེ་ཏུཾ ཝུ་ཏྟཾ. ཏ་ཏྠ ས་ཀ་ཝཱ་དཱི ‘‘ན ཧེ་ཝཾ ཝ་ཏྟ་བྦེ’’ཏི པ་ཊི་ཀྑི་པ་ནྟོ ཀེ་ཝ་ལཾ པ་ཏྟི་ཡཱ རཱུ་པཱ་དི་བྷཱ་ཝཾ ན ས་མྤ་ཊི་ཙྪ་ཏི. ན ཧི པ་ཏྟི ནཱ་མ ཀོ་ཙི དྷ་མྨོ ཨ་ཏྠི, ན པ་ན ཨ་ས་ངྑ་ཏ་བྷཱ་ཝཾ ཨ་ནུ་ཛཱ་ནཱ་ཏི. ཨི་ཏ་རོ པ་ན པ་ཊི་ཀྑེ་པ་མ་ཏྟེ་ནེ་ཝ ཨ་ས་ངྑ་ཏཱ་ཏི ལ་དྡྷིཾ པ་ཏི་ཊྛ་པེ་ཏི, སཱ ཨ་ཡོ་ནི་སོ པ་ཏི་ཊྛཱ་པི་ཏ་ཏྟཱ ཨ་པྤ་ཏི་ཊྛི་ཏཱ་ཡེ་ཝཱ་ཏི.

པ་ཏྟི་ཀ་ཐཱ་ཝ་ཎྞ་ནཱ.