༨. ས་མཱ་པ་ནྣོ ས་དྡཾ སུ་ཎཱ་ཏཱི་ཏི་ཀ་ཐཱ་ཝ་ཎྞ་ནཱ

༨༢༣-༨༢༥. ཨི་དཱ་ནི ས་མཱ་པ་ནྣོ ས་དྡཾ སུ་ཎཱ་ཏཱི་ཏི་ཀ་ཐཱ ནཱ་མ ཧོ་ཏི. ཏ་ཏྠ ‘‘ཡ་སྨཱ པ་ཋ་མ་སྶ ཛྷཱ་ན་སྶ ས་དྡོ ཀ་ཎྜ་ཀོ ཝུ་ཏྟོ བྷ་ག་ཝ་ཏཱ, ཡ་དི ཙ ས་མཱ་པ་ནྣོ ཏཾ ན སུ་ཎེ་ཡྻ, ཀ་ཐཾ ཀ་ཎྜ་ཀོ སི་ཡཱ. ཏ་སྨཱ ས་མཱ་པ་ནྣོ ས་དྡཾ, སུ་ཎཱ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི པུ་བྦ་སེ་ལི་ཡཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཙ་ཀྑུ་ནཱ རཱུ་པཾ པ་སྶ་ཏཱིཏི་ཨཱ་དི ‘‘ས་མཱ་པ་ནྣ་སྶ ཏཱ་ཝ པ་ཉྩ་དྭཱ་ར་པྤ་ཝ་ཏྟཾ ན་ཏྠི, ཏ་སྨིཾ ཨ་ས་ཏི ཡ་དི སོ ས་དྡཾ སུ་ཎེ་ཡྻ, རཱུ་པ་མྤི པ་སྶེ་ཡྻཱ’’ཏི ཙོ་ད་ན་ཏྠཾ ཝུ་ཏྟཾ. ས་དྡོ ཀ་ཎྜ་ཀོཏི ཝི་ཀྑེ་པ་ཀ་ར་ཏྟཱ ཝུ་ཏྟཾ. ཨོ་ལཱ༹་རི་ཀེ་ན ཧི ས་དྡེ་ན སོ་ཏེ གྷ་ཊྚི་ཏེ པ་ཋ་མ་ཛ྄ཛྷཱ་ན་ཏོ ཝུ་ཊྛཱ་ནཾ ཧོ་ཏི, ཏེ་ནེ་ཏཾ ཝུ་ཏྟཾ, ཏ་སྨཱ ཨ་སཱ་དྷ་ཀཾ. དུ་ཏི་ཡ་སྶ ཛྷཱ་ན་སྶཱཏི་ཨཱ་དི ‘‘ཡ་ཐཱ ཨ་ཉྙོ་པི ཀ་ཎྜ་ཀོ ཨ་ནྟོ་ས་མཱ་པ་ཏྟི་ཡཾ ན་ཏྠི, ཨེ་ཝཾ ས་དྡ་སྶ་ཝ་ན་མྤཱི’’ཏི བོ་དྷ་ན་ཏྠཾ ཝུ་ཏྟཾ, ཏཾ ས་བྦཾ ཨུ་ཏྟཱ་ན་ཏྠ་མེ་ཝཱ་ཏི.

ས་མཱ་པ་ནྣོ ས་དྡཾ སུ་ཎཱ་ཏཱི་ཏི་ཀ་ཐཱ་ཝ་ཎྞ་ནཱ.