༡. མ་ནུ་སྶ་ལོ་ཀ་ཀ་ཐཱ་ཝ་ཎྞ་ནཱ

༨༠༢-༨༠༣. ཨི་དཱ་ནི མ་ནུ་སྶ་ལོ་ཀ་ཀ་ཐཱ ནཱ་མ ཧོ་ཏི. ཏ་ཏྠ ‘‘ཏ་ཐཱ་ག་ཏོ ལོ་ཀེ, ཛཱ་ཏོ ལོ་ཀེ སཾ་ཝ་ཌྜྷོ, ལོ་ཀཾ ཨ་བྷི་བྷུ་ཡྻ ཝི་ཧ་ར་ཏི ཨ་ནུ་པ་ལི་ཏྟོ ལོ་ཀེ་ནཱ’’ཏི (སཾ. ནི. ༣.༩༤) སུ་ཏྟཾ ཨ་ཡོ་ནི་སོ ག་ཧེ་ཏྭཱ ‘‘བྷ་ག་ཝཱ ཏུ་སི་ཏ་བྷ་ཝ་ནེ ནི་བྦ་ཏྟོ ཏ་ཏྠེ་ཝ ཝ་ས་ཏི, ན མ་ནུ་སྶ་ལོ་ཀཾ ཨཱ་ག་ཙྪ་ཏི, ནི་མྨི་ཏ་རཱུ་པ་མ་ཏྟ་ཀཾ པ་ནེ་ཏྠ ད་སྶེ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨེ་ཏ་ར་ཧི ཝེ་ཏུ་ལླ་ཀཱ་ནཾ་ཡེ་ཝ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ པུ་ཊྛོ་ཀཱ་སེ་ན ཙེ་ཝ སུ་ཏྟ་སཱ་དྷ་ནེ་ན ཙ ས་ཉྙཱ་པེ་ཏུཾ ན་ནུ ཨ་ཏྠཱིཏི་ཨཱ་དི་མཱ་ཧ. ལོ་ཀེ ཛཱ་ཏོཏི པ་ར་ཝཱ་དཱི ཏུ་སི་ཏ་པུ་རཾ ས་ནྡྷཱ་ཡ ཝ་ད་ཏི. ས་ཏྠཱ་རཱ པ་ནེ་ཏཾ མ་ནུ་སྶ་ལོ་ཀ་ཉྙེ་ཝ ས་ནྡྷཱ་ཡ ལོ་ཀཾ ཝུ་ཏྟཾ. ལོ་ཀཾ ཨ་བྷི་བྷུ་ཡྻཱཏི པ་ར་ཝཱ་དཱི མ་ནུ་སྶ་ལོ་ཀཾ ཨ་བྷི་བྷ་ཝི་ཏྭཱ་ཏི དི་ཊྛི་ཡཱ ཝ་ད་ཏི, ས་ཏྠཱ པ་ན ཨཱ་ར་མྨ་ཎ་ལོ་ཀཾ ཨ་བྷི་བྷ་ཝི་ཏྭཱ ཝི་ཧཱ་སི. ཨ་ནུ་པ་ལི་ཏྟོ ལོ་ཀེ་ནཱཏི པ་ར་ཝཱ་དཱི མ་ནུ་སྶ་ལོ་ཀེ་ན ཨ་ནུ་པ་ལི་ཏྟ་ཏཾ་ཝ ས་ནྡྷཱ་ཡ ཝ་ད་ཏི, ས་ཏྠཱ པ་ན ལོ་ཀ་དྷ་མྨེ་སུ ཀི་ལེ་སེ་ཧི ཨ་ནུ་པ་ལི་ཏྟོ ཝི་ཧཱ་སི. ཏ་སྨཱ ཨ་སཱ་དྷ་ཀ་མེ་ཏ་ནྟི.

མ་ནུ་སྶ་ལོ་ཀ་ཀ་ཐཱ་ཝ་ཎྞ་ནཱ.