༧. ན ཝ་ཏྟ་བྦཾ ས་ངྒྷོ ད་ཀྑི་ཎཾ ཝི་སོ་དྷེ་ཏཱི་ཏི་ཀ་ཐཱ་ཝ་ཎྞ་ནཱ

༧༩༣-༧༩༤. ཨི་དཱ་ནི ན ཝ་ཏྟ་བྦཾ ས་ངྒྷོ ད་ཀྑི་ཎཾ ཝི་སོ་དྷེ་ཏཱི་ཏི་ཀ་ཐཱ ནཱ་མ ཧོ་ཏི. ཏ་ཏྠ ‘‘མ་གྒ་ཕ་ལཱ་ནེ་ཝ ས་ངྒྷོ ནཱ་མ, ན ཙ ཏཱ་ནི ད་ཀྑི་ཎཾ ཝི་སོ་དྷེ་ཏུཾ ས་ཀྐོ་ནྟི, ཏ་སྨཱ ན ཝ་ཏྟ་བྦཾ ས་ངྒྷོ ད་ཀྑི་ཎཾ ཝི་སོ་དྷེ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཏེ་ས་ཉྙེ་ཝ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨཱ་ཧུ་ནེ་ཡྻོཏི་ཨཱ་དི ‘‘ཡ་དི ས་ངྒྷོ ད་ཀྑི་ཎཾ ཝི་སོ་དྷེ་ཏུཾ ན ས་ཀྐུ་ཎེ་ཡྻ, ན ནཾ ས་ཏྠཱ ཨེ་ཝཾ ཐོ་མེ་ཡྻཱ’’ཏི ད་སྶ་ན་ཏྠཾ ཝུ་ཏྟཾ. ཝི་སོ་དྷེ་ཏཱིཏི མ་ཧ་པྥ་ལཾ ཀ་རོ་ཏི. ས་ངྒྷ་སྨི་ཉྷི ཨ་པྤཾ དི་ནྣཾ བ་ཧུ ཧོ་ཏི, བ་ཧུ དི་ནྣཾ བ་ཧུ་ཏ་རཾ. ད་ཀྑི་ཎེ་ཡྻཱཏི ད་ཀྑི་ཎཱ་ར་ཧཱ ད་ཀྑི་ཎཱ་ཡ ཨ་ནུ་ཙྪ་ཝི་ཀཱ, ད་ཀྑི་ཎཾ ཝི་སོ་དྷེ་ཏུཾ ས་མ་ཏྠཱ་ཏི ཨ་ཏྠོ. ད་ཀྑི་ཎཾ ཨཱ་རཱ་དྷེ་ནྟཱིཏི ས་མྤཱ་དེ་ནྟི, ཨ་པྤ་མ་ཏྟི་ཀཱ་ཡ་པི ད་ཀྑི་ཎཱ་ཡ མ་ཧ་ནྟཾ ཕ་ལཾ པཱ་པུ་ཎ་ནྟཱི་ཏི ཨ་ཏྠོ. སེ་སཾ ཧེ་ཊྛཱ ཝུ་ཏྟ་ན་ཡ་མེ་ཝཱ་ཏི.

ན ཝ་ཏྟ་བྦཾ ས་ངྒྷོ ད་ཀྑི་ཎཾ ཝི་སོ་དྷེ་ཏཱི་ཏི་ཀ་ཐཱ་ཝ་ཎྞ་ནཱ.