༥. ཋ་པེ་ཏྭཱ ཨ་རི་ཡ་མ་གྒ་ནྟི་ཀ་ཐཱ་ཝ་ཎྞ་ནཱ

༧༨༩-༧༩༠. ཨི་དཱ་ནི ཋ་པེ་ཏྭཱ ཨ་རི་ཡ་མ་གྒ་ནྟི་ཀ་ཐཱ ནཱ་མ ཧོ་ཏི. ཏ་ཏྠ ‘‘ཡ་སྨཱ ཨ་རི་ཡ་མ་གྒོ ‘དུ་ཀྑ་ནི་རོ་དྷ་གཱ་མི་ནི་པ་ཊི་པ་དཱ’ཏི ཝུ་ཏྟོ, ཏ་སྨཱ ཋ་པེ་ཏྭཱ ཨ་རི་ཡ་མ་གྒཾ ཨ་ཝ་སེ་སཱ ས་ངྑཱ་རཱ དུ་ཀྑཱ’’ཏི ཡེ་སཾ ལ་དྡྷི, སེ་ཡྻ་ཐཱ་པི ཧེ་ཏུ་ཝཱ་དཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ‘‘ཡ་དི ཨེ་ཝཾ ས་མུ་ད་ཡ་སྶཱ་པི དུ་ཀྑ་བྷཱ་ཝོ ཨཱ་པ་ཛྫ་ཏཱི’’ཏི ཙོ་དེ་ཏུཾ དུ་ཀྑ་ས་མུ་ད་ཡོ་པཱིཏི ཨཱ་ཧ. ཨི་ཏ་རོ ཧེ་ཏུ་ལ་ཀྑ་ཎཾ ས་ནྡྷཱ་ཡ པ་ཊི་ཀྑི་པ་ཏི. པུ་ན པུ་ཊྛོ པ་ཝ་ཏྟ་པ་རི་ཡཱ་པ་ནྣ་བྷཱ་ཝཾ ས་ནྡྷཱ་ཡ པ་ཊི་ཛཱ་ནཱ་ཏི. ཏཱི་ཎེ་ཝཱཏི པ་ཉྷེ་སུ སུ་ཏྟ་ཝི་རོ་དྷ་བྷ་ཡེ་ན པ་ཊི་ཀྑི་པ་ཏི, ལ་དྡྷི་ཝ་སེ་ན པ་ཊི་ཛཱ་ནཱ་ཏི. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

ཋ་པེ་ཏྭཱ ཨ་རི་ཡ་མ་གྒ་ནྟི་ཀ་ཐཱ་ཝ་ཎྞ་ནཱ.