༡. ཨ་ཏྠི ཨ་ར་ཧ་ཏོ པུ་ཉྙཱུ་པ་ཙ་ཡ་ཀ་ཐཱ་ཝ་ཎྞ་ནཱ

༧༧༦-༧༧༩. ཨི་དཱ་ནི ཨ་ཏྠི ཨ་ར་ཧ་ཏོ པུ་ཉྙཱུ་པ་ཙ་ཡོ་ཏི་ཀ་ཐཱ ནཱ་མ ཧོ་ཏི. ཏ་ཏྠ ཡེ་སཾ ཨ་ར་ཧ་ཏོ དཱ་ན་སཾ་ཝི་བྷཱ་ག་ཙེ་ཏི་ཡ་ཝ་ནྡ་ནཱ་དཱི་ནི ཀ་མྨཱ་ནི དི་སྭཱ ཨ་ཏྠི ཨ་ར་ཧ་ཏོ པུ་ཉྙཱུ་པ་ཙ་ཡོ་ཏི ལ་དྡྷི, སེ་ཡྻ་ཐཱ་པི ཨ་ནྡྷ་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ‘‘ཨ་ར་ཧཱ ནཱ་མ པ་ཧཱི་ན་པུ་ཉྙ་པཱ་པོ, སོ ཡ་དི པུ་ཉྙཾ ཀ་རེ་ཡྻ, པཱ་པ་མྤི ཀ་རེ་ཡྻཱ’’ཏི ཙོ་དེ་ཏུཾ ཨ་པུ་ཉྙཱུ་པ་ཙ་ཡོཏི ཨཱ་ཧ. ཨི་ཏ་རོ པཱ་ཎཱ་ཏི་པཱ་ཏཱ་དི་ཀི་རི་ཡཾ ཨ་པ་སྶ་ནྟོ པ་ཊི་ཀྑི་པ་ཏི. པུ་ཉྙཱ་བྷི་ས་ངྑཱ་རནྟི་ཨཱ་དཱི་སུ བྷ་ཝ་གཱ་མི་ཀ་མྨཾ ཨ་ར་ཧ་ཏོ ན་ཏྠཱི་ཏི པ་ཊི་ཀྑི་པ་ཏི. དཱ་ནཾ ད་དེ་ཡྻཱཏི་ཨཱ་དཱི་སུ ཀི་རི་ཡ་ཙི་ཏྟེ་ན དཱ་ནཱ་དི་པ་ཝ་ཏྟི་ས་བྦྷཱ་ཝ་ཏོ ས་ཀ་ཝཱ་དཱི པ་ཊི་ཛཱ་ནཱ་ཏི. ཨི་ཏ་རོ ཙི་ཏྟཾ ཨ་ནཱ་དི་ཡི་ཏྭཱ ཀི་རི་ཡཱ་པ་ཝ་ཏྟི་མ་ཏྟ་ད་སྶ་ནེ་ནེ་ཝ ལ་དྡྷིཾ པ་ཏི་ཊྛ་པེ་ཏི. སཱ པ་ན ཨ་ཡོ་ནི་སོ པ་ཏི་ཊྛཱ་པི་ཏ་ཏྟཱ ཨ་པྤ་ཏི་ཊྛཱ་པི་ཏཱ ཧོ་ཏཱི་ཏི.

ཨ་ཏྠི ཨ་ར་ཧ་ཏོ པུ་ཉྙཱུ་པ་ཙ་ཡོ་ཏི་ཀ་ཐཱ་ཝ་ཎྞ་ནཱ.