༥. རཱུ་པཾ ཧེ་ཏཱུ་ཏི་ཀ་ཐཱ་ཝ་ཎྞ་ནཱ

༧༥༤-༧༥༦. ཨི་དཱ་ནི རཱུ་པཾ ཧེ་ཏཱུ་ཏི ཀ་ཐཱ་ནཱ་མ ཧོ་ཏི. ཏ་ཏྠ ཧེ་ཏཱུཏི ཀུ་ས་ལ་མཱུ་ལཱ་དི་ནོ ཧེ་ཏུ་ཧེ་ཏུ་སྶཱ་པི ནཱ་མཾ, ཡ་སྶ ཀ་སྶ་ཙི པ་ཙྩ་ཡ་སྶཱ་པི. ཨི་མཾ པ་ན ཝི་བྷཱ་གཾ ཨ་ཀ་ཏྭཱ ‘‘ཙ་ཏྟཱ་རོ མ་ཧཱ་བྷཱུ་ཏཱ ཧེ་ཏཱུ’’ཏི ཝ་ཙ་ན་མ་ཏྟཾ ནི་སྶཱ་ཡ ཨ་ཝི་སེ་སེ་ནེ་ཝ རཱུ་པཾ ཧེ་ཏཱུ་ཏི ཡེ་སཾ ལ་དྡྷི, སེ་ཡྻ་ཐཱ་པི ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ལོ་བྷོ ཧེ་ཏཱུཏི ཀིཾ ཏེ རཱུ་པཾ ཨ་ལོ་བྷ་ས་ངྑཱ་ཏོ ཧེ་ཏཱུ་ཏི པུ་ཙྪ་ཏི, ཨི་ཏ་རོ པ་ཊི་ཀྑི་པ་ཏི. སེ་སེ་སུ་པི ཨེ་སེ་ཝ ན་ཡོ. མ་ཧཱ་བྷཱུ་ཏཱ ཨུ་པཱ་དཱ་ཡ་རཱུ་པཱ་ནཾ ཨུ་པཱ་དཱ་ཡ་ཧེ་ཏཱུཏི ཨེ་ཏྠ པ་ཙྩ་ཡ་ཊྛེ་ན ཧེ་ཏུ་བྷཱ་ཝོ ཝུ་ཏྟོ, ན མཱུ་ལ་ཊྛེ་ན, ཏ་སྨཱ ཨ་སཱ་དྷ་ཀ་ནྟི.

རཱུ་པཾ ཧེ་ཏཱུ་ཏི་ཀ་ཐཱ་ཝ་ཎྞ་ནཱ.

༧༥༧-༧༥༩. ས་ཧེ་ཏུ་ཀ་ཀ་ཐཱ་ཡ་མྤི ཨི་མི་ནཱ་ཝ ན་ཡེ་ན ཨ་ཏྠོ ཝེ་དི་ཏ་བྦོ་ཏི.

རཱུ་པཾ ས་ཧེ་ཏུ་ཀ་ནྟི་ཀ་ཐཱ་ཝ་ཎྞ་ནཱ.