༢. ཨ་ཉྙ་མ་ཉྙ་པ་ཙྩ་ཡ་ཀ་ཐཱ་ཝ་ཎྞ་ནཱ

༧༡༨-༧༡༩. ཨི་དཱ་ནི ཨ་ཉྙ་མ་ཉྙ་པ་ཙྩ་ཡ་ཀ་ཐཱ ནཱ་མ ཧོ་ཏི. ཏ་ཏྠ ཡེ་སཾ ས་མ་ཡེ ‘‘ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ’’ཏི ཨ་ཡ་མེ་ཝ ཏ་ནྟི, ‘‘ས་ངྑཱ་ར་པ་ཙྩ་ཡཱ་པི ཨ་ཝི་ཛྫཱ’’ཏི ཨ་ཡཾ ན་ཏྠི, ཏ་སྨཱ ཨ་ཝི་ཛྫཱ་ཝ ས་ངྑཱ་རཱ་ནཾ པ་ཙྩ་ཡོ, ན པ་ན ས་ངྑཱ་རཱ ཨ་ཝི་ཛྫཱ་ཡཱ་ཏི ལ་དྡྷི, སེ་ཡྻ་ཐཱ་པི མ་ཧཱ་ས་ངྒྷི་ཀཱ་ནཾ; ཏེ ས་ནྡྷཱ་ཡ ཨ་ཝི་ཛྫཱ་ས་ངྑཱ་རཱ་དཱི་ནཾ ཨ་ཉྙ་མ་ཉྙ་པ་ཙྩ་ཡ་ཏཱ་པི ཨ་ཏྠཱི་ཏི ད་སྶེ་ཏུཾ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཝི་ཛྫཱ ས་ངྑཱ་རེ་ནཱཏི ཨེ་ཏྠ ཨ་པུ་ཉྙཱ་བྷི་ས་ངྑཱ་རོ་ཝ ག་ཧི་ཏོ. ཏ་སྨཱ ས་ངྑཱ་ར་པ་ཙྩ་ཡཱ་པི ཨ་ཝི་ཛྫཱ་ཏི ཨེ་ཏྠ ས་ཧ་ཛཱ་ཏ་ཨ་ཉྙ་མ་ཉྙ་ཨ་ཏྠི་ཨ་ཝི་ག་ཏ་ས་མྤ་ཡུ་ཏྟ་ཝ་སེ་ན པ་ཙྩ་ཡ་ཏཱ ཝེ་དི་ཏ་བྦཱ. ཨུ་པཱ་དཱ་ན་པ་ཙྩ་ཡཱ་པི ཏ་ཎྷཱཏི ཨེ་ཏྠ ཋ་པེ་ཏྭཱ ཀཱ་མུ་པཱ་དཱ་ནཾ སེ་སཱ་ནི ཏཱི་ཎི ཨུ་པཱ་དཱ་ནཱ་ནི ཨ་ཝི་ཛྫཱ་ཡ ས་ངྑཱ་རཱ ཝི་ཡ ཏ་ཎྷཱ་ཡ པ་ཙྩ་ཡཱ ཧོ་ནྟཱི་ཏི ཝེ་དི་ཏ་བྦཱ་ནི. སེ་སཾ ཡ་ཐཱ་པཱ་ལི༹་མེ་ཝ ནི་ཡྻཱ་ཏི. ཛ་རཱ་མ་ར་ཎ་པ་ཙྩ་ཡཱཏི པུ་ཙྪཱ པ་ར་ཝཱ་དི་སྶ, ནཱ་མ་རཱུ་པཾ ཝི་ཉྙཱ་ཎ་པ་ཙྩ་ཡཱཏི ས་ཀ་ཝཱ་དི་སྶཱ་ཏི.

ཨ་ཉྙ་མ་ཉྙ་པ་ཙྩ་ཡ་ཀ་ཐཱ་ཝ་ཎྞ་ནཱ.