༧. ས་མཱ་པ་ནྣོ ཨ་སྶཱ་དེ་ཏཱི་ཏི་ཀ་ཐཱ་ཝ་ཎྞ་ནཱ

༦༧༡-༦༧༣. ཨི་དཱ་ནི ས་མཱ་པ་ནྣོ ཨ་སྶཱ་དེ་ཏཱི་ཏི་ཀ་ཐཱ ནཱ་མ ཧོ་ཏི. ཏ་ཏྠ ‘‘པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, སོ ཏ་ད་སྶཱ་དེ་ཏཱི’’ཏི་ཨཱ་དི་ཝ་ཙ་ནཾ (ཨ. ནི. ༤.༡༢༣) ནི་སྶཱ་ཡ ‘‘ས་མཱ་པ་ནྣོ ཨ་སྶཱ་དེ་ཏི, སཱ ཙ་སྶ ཛྷཱ་ན་ནི་ཀ་ནྟི ཛྷཱ་ནཱ་ར་མྨ་ཎཱ ཧོ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨ་ནྡྷ་ཀཱ་ནཾ, ཏེ ས་ནྡྷཱ་ཡ ས་མཱ་པ་ནྣོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཏཾ ཛྷཱ་ནཾ ཏ་སྶ ཛྷཱ་ན་སྶ ཨཱ་ར་མྨ་ཎནྟི པ་ཉྷེ་སུ ཏ་སྶེ་ཝ ཏ་དཱ་ར་མྨ་ཎ་ཏཾ ཨ་པ་སྶ་ནྟོ སུ་ཏྟ་ཝི་རོ་དྷ་བྷ་ཡེ་ན པ་ཊི་ཀྑི་པ་ཏི, ‘‘ཏ་ད་སྶཱ་དེ་ཏཱི’’ཏི་ཝ་ཙ་ན་མ་ཏྟེ་ན པ་ཊི་ཛཱ་ནཱ་ཏི. སོ ཏ་ད་སྶཱ་དེ་ཏཱིཏི སུ་ཏྟཾ ཛྷཱ་ན་ལཱ་བྷི་ནོ ཛྷཱ་ནཱ ཝུ་ཊྛཱ་ཡ ཛྷཱ་ན་སྶཱ་དཾ སཱ་དྷེ་ཏི, ན ཨ་ནྟོ་ས་མཱ་པ་ཏྟི་ཡཾ་ཡེ་ཝ ཛྷཱ་ན་ནི་ཀ་ནྟི་ཡཱ ཛྷཱ་ནཱ་ར་མྨ་ཎ་ཏཾ, ཏ་སྨཱ ཨ་སཱ་དྷ་ཀ་ནྟི.

ས་མཱ་པ་ནྣོ ཨ་སྶཱ་དེ་ཏཱི་ཏི་ཀ་ཐཱ་ཝ་ཎྞ་ནཱ.