༢. ཀ་མྨ་ཀ་ཐཱ་ཝ་ཎྞ་ནཱ

༦༣༣-༦༣༥. ཨི་དཱ་ནི ཀ་མྨ་ཀ་ཐཱ ནཱ་མ ཧོ་ཏི. ཏ་ཏྠ ‘‘ནཱ་ཧཾ, བྷི་ཀྑ་ཝེ, ས་ཉྩེ་ཏ་ནི་ཀཱ་ནཾ ཀ་མྨཱ་ན’’ནྟི (ཨ. ནི. ༡༠.༢༡༧) སུ་ཏྟ་པ་དཾ ནི་སྶཱ་ཡ ‘‘ས་བྦཾ ཀ་མྨཾ ས་ཝི་པཱ་ཀ’’ནྟི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ; ཏེ་སཾ ‘‘ཙེ་ཏ་ནཱ་ཧཾ, བྷི་ཀྑ་ཝེ, ཀ་མྨཾ ཝ་དཱ་མཱི’’ཏི (ཨ. ནི. ༦.༦༣) ས་ཏྠཱ་རཱ ཨ་ཝི་སེ་སེ་ན ཙེ་ཏ་ནཱ ‘‘ཀ་མྨ’’ནྟི ཝུ་ཏྟཱ; སཱ ཙ ཀུ་ས་ལཱ་ཀུ་ས་ལཱ་ཝ ས་ཝི་པཱ་ཀཱ, ཨ་བྱཱ་ཀ་ཏཱ ཨ་ཝི་པཱ་ཀཱ་ཏི ཨི་མཾ ཝི་བྷཱ་གཾ ད་སྶེ་ཏུཾ ས་བྦཾ ཀ་མྨནྟི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. པུ་ན ས་བྦཱ ཙེ་ཏ་ནཱཏི པ་ཉྷེ་སུ ཨ་བྱཱ་ཀ་ཏཾ ས་ནྡྷཱ་ཡ པ་ཊི་ཀྑེ་པོ, ཀུ་ས་ལཱ་ཀུ་ས་ལེ ས་ནྡྷཱ་ཡ པ་ཊི་ཉྙཱ ཝེ་དི་ཏ་བྦཱ. ཝི་པཱ་ཀཱ་བྱཱ་ཀ་ཏཱཏི་ཨཱ་དི ས་ཝི་པཱ་ཀཱ་ཝི་པཱ་ཀ་ཙེ་ཏ་ནཾ ས་རཱུ་པེ་ན ད་སྶེ་ཏུཾ ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ‘‘ནཱ་ཧཾ, བྷི་ཀྑ་ཝེ’’ཏི སུ་ཏྟཾ ས་ཏི པ་ཙྩ་ཡེ དི་ཊྛ་དྷ་མྨཱ་དཱི་སུ ཝི་པཱ་ཀ་པ་ཊི་སཾ་ཝེ་ད་ནཾ ས་ནྡྷཱ་ཡ ཝུ་ཏྟཾ, ཏ་སྨཱ ཨ་སཱ་དྷ་ཀ་ནྟི.

ཀ་མྨ་ཀ་ཐཱ་ཝ་ཎྞ་ནཱ.