༡༢. དྭཱ་ད་ས་མ་ཝ་གྒོ
༡. སཾ་ཝ་རོ ཀ་མྨ་ནྟི་ཀ་ཐཱ་ཝ་ཎྞ་ནཱ
༦༣༠-༦༣༢. ཨི་དཱ་ནི སཾ་ཝ་རོ ཀ་མྨ་ནྟི་ཀ་ཐཱ ནཱ་མ ཧོ་ཏི. ཏ་ཏྠ ‘‘ཙ་ཀྑུ་ནཱ རཱུ་པཾ དི་སྭཱ ནི་མི་ཏྟ་གྒཱ་ཧཱི ཧོ་ཏི, ན ནི་མི་ཏྟ་གྒཱ་ཧཱི ཧོ་ཏཱི’’ཏི སུ་ཏྟཾ ནི་སྶཱ་ཡ ‘‘སཾ་ཝ་རོ་པི ཨ་སཾ་ཝ་རོ་པི ཀ་མྨ’’ནྟི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ.
ཨ་ཐ ནཾ ཡཱ ས་ཀ་ས་མ་ཡེ ཙེ་ཏ་ནཱ ‘‘ཀ་མྨ’’ནྟི ཝུ་ཏྟཱ ཡ་ཐཱ སཱ ཀཱ་ཡ་ཝ་ཙཱི་མ་ནོ་དྭཱ་རེ་སུ པ་ཝ་ཏྟ་མཱ་ནཱ ཀཱ་ཡ་ཀ་མྨཱ་དི་ནཱ་མཾ ལ་བྷ་ཏི, ཏ་ཐཱ ‘‘ཡ་དི ཏེ སཾ་ཝ་རོ ཀ་མྨཾ, སོ་པི ཙ་ཀྑུ་ནྡྲི་ཡཱ་དཱི་སུ པ་ཝ་ཏྟ་མཱ་ནོ ཙ་ཀྑུ་ཀ་མྨཱ་དི་ནཱ་མཾ ལ་བྷེ་ཡྻཱ’’ཏི ཙོ་དེ་ཏུཾ ཙ་ཀྑུ་ནྡྲི་ཡ་སཾ་ཝ་རོ ཙ་ཀྑུ་ཀ་མྨནྟི་ཨཱ་དི་མཱ་ཧ. ཨི་ཏ་རོ ཏཱ་དི་སཾ སུ་ཏྟ་པ་དཾ ཨ་པ་སྶ་ནྟོ ཙ་ཏཱུ་སུ དྭཱ་རེ་སུ པ་ཊི་ཀྑི་པི་ཏྭཱ པ་ཉྩ་མེ ཀཱ་ཡ་དྭཱ་རེ པ་སཱ་ད་ཀཱ་ཡཾ ས་ནྡྷཱ་ཡ པ་ཊི་ཀྑི་པ་ཏི, ཝི་ཉྙ་ཏྟི་ཀཱ་ཡཾ ས་ནྡྷཱ་ཡ པ་ཊི་ཛཱ་ནཱ་ཏི. སོ ཧི པ་སཱ་ད་ཀཱ་ཡ་མྤི ཝི་ཉྙ་ཏྟི་ཀཱ་ཡ་མྤི ཀཱ་ཡི་ནྡྲི་ཡ་ནྟྭེ་ཝ ཨི་ཙྪ་ཏི. མ་ནོ་དྭཱ་རེ་པི ཝི་པཱ་ཀ་དྭཱ་རཾ ས་ནྡྷཱ་ཡ པ་ཊི་ཀྑི་པ་ཏི, ཀ་མྨ་དྭཱ་རཾ ས་ནྡྷཱ་ཡ པ་ཊི་ཛཱ་ནཱ་ཏི. ཨ་སཾ་ཝ་རེ་པི ཨེ་སེ་ཝ ན་ཡོ. ‘‘ཙ་ཀྑུ་ནཱ རཱུ་པཾ དི་སྭཱ’’ཏི སུ་ཏྟཾ ཏེ་སུ དྭཱ་རེ་སུ སཾ་ཝ་རཱ་སཾ་ཝ་ར་མེ་ཝ དཱི་པེ་ཏི, ན ཏ་སྶ ཀ་མྨ་བྷཱ་ཝཾ, ཏ་སྨཱ ཨ་སཱ་དྷ་ཀ་ནྟི.
སཾ་ཝ་རོ ཀ་མྨ་ནྟི་ཀ་ཐཱ་ཝ་ཎྞ་ནཱ.
༢. ཀ་མྨ་ཀ་ཐཱ་ཝ་ཎྞ་ནཱ
༦༣༣-༦༣༥. ཨི་དཱ་ནི ཀ་མྨ་ཀ་ཐཱ ནཱ་མ ཧོ་ཏི. ཏ་ཏྠ ‘‘ནཱ་ཧཾ, བྷི་ཀྑ་ཝེ, ས་ཉྩེ་ཏ་ནི་ཀཱ་ནཾ ཀ་མྨཱ་ན’’ནྟི (ཨ. ནི. ༡༠.༢༡༧) སུ་ཏྟ་པ་དཾ ནི་སྶཱ་ཡ ‘‘ས་བྦཾ ཀ་མྨཾ ས་ཝི་པཱ་ཀ’’ནྟི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ; ཏེ་སཾ ‘‘ཙེ་ཏ་ནཱ་ཧཾ, བྷི་ཀྑ་ཝེ, ཀ་མྨཾ ཝ་དཱ་མཱི’’ཏི (ཨ. ནི. ༦.༦༣) ས་ཏྠཱ་རཱ ཨ་ཝི་སེ་སེ་ན ཙེ་ཏ་ནཱ ‘‘ཀ་མྨ’’ནྟི ཝུ་ཏྟཱ; སཱ ཙ ཀུ་ས་ལཱ་ཀུ་ས་ལཱ་ཝ ས་ཝི་པཱ་ཀཱ, ཨ་བྱཱ་ཀ་ཏཱ ཨ་ཝི་པཱ་ཀཱ་ཏི ཨི་མཾ ཝི་བྷཱ་གཾ ད་སྶེ་ཏུཾ ས་བྦཾ ཀ་མྨནྟི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. པུ་ན ས་བྦཱ ཙེ་ཏ་ནཱཏི པ་ཉྷེ་སུ ཨ་བྱཱ་ཀ་ཏཾ ས་ནྡྷཱ་ཡ པ་ཊི་ཀྑེ་པོ, ཀུ་ས་ལཱ་ཀུ་ས་ལེ ས་ནྡྷཱ་ཡ པ་ཊི་ཉྙཱ ཝེ་དི་ཏ་བྦཱ. ཝི་པཱ་ཀཱ་བྱཱ་ཀ་ཏཱཏི་ཨཱ་དི ས་ཝི་པཱ་ཀཱ་ཝི་པཱ་ཀ་ཙེ་ཏ་ནཾ ས་རཱུ་པེ་ན ད་སྶེ་ཏུཾ ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ‘‘ནཱ་ཧཾ, བྷི་ཀྑ་ཝེ’’ཏི སུ་ཏྟཾ ས་ཏི པ་ཙྩ་ཡེ དི་ཊྛ་དྷ་མྨཱ་དཱི་སུ ཝི་པཱ་ཀ་པ་ཊི་སཾ་ཝེ་ད་ནཾ ས་ནྡྷཱ་ཡ ཝུ་ཏྟཾ, ཏ་སྨཱ ཨ་སཱ་དྷ་ཀ་ནྟི.
ཀ་མྨ་ཀ་ཐཱ་ཝ་ཎྞ་ནཱ.
༣. ས་དྡོ ཝི་པཱ་ཀོ་ཏི་ཀ་ཐཱ་ཝ་ཎྞ་ནཱ
༦༣༦-༦༣༧. ཨི་དཱ་ནི ས་དྡོ ཝི་པཱ་ཀོ་ཏི་ཀ་ཐཱ ནཱ་མ ཧོ་ཏི. ཏ་ཏྠ ‘‘སོ ཏ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཨུ་སྶ་ནྣ་ཏྟཱ ཝི་པུ་ལ་ཏྟཱ བྲ་ཧྨ་སྶ་རོ ཧོ་ཏཱི’’ཏི་ཨཱ་དཱི་ནི (དཱི. ནི. ༣.༢༣༦) ཨ་ཡོ་ནི་སོ ག་ཧེ་ཏྭཱ ‘‘ས་དྡོ ཝི་པཱ་ཀོ’’ཏི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ; ཏེ་སཾ ‘‘ཀ་མྨ་ས་མུ་ཊྛཱ་ནཱ ཨ་རཱུ་པ་དྷ་མྨཱ་ཝ ཝི་པཱ་ཀཱ་ཏི ནཱ་མཾ ལ་བྷ་ནྟི. རཱུ་པ་དྷ་མྨེ་སུ པ་ནཱ་ཡཾ ཝོ་ཧཱ་རོ ན་ཏྠཱི’’ཏི ད་སྶེ་ཏུཾ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སུ་ཁ་ཝེ་ད་ནཱི་ཡོཏི་ཨཱ་དི ‘‘ཝི་པཱ་ཀོ ནཱ་མ ཨེ་ཝ་རཱུ་པོ ཧོ་ཏཱི’’ཏི ད་སྶ་ན་ཏྠཾ ཝུ་ཏྟཾ. ‘‘སོ ཏ་སྶ ཀ་མྨ་སྶཱ’’ཏི སུ་ཏྟཾ ལ་ཀྑ་ཎ་པ་ཊི་ལཱ་བྷ་ད་སྶ་ན་ཏྠཾ ཝུ་ཏྟཾ. མ་ཧཱ་པུ་རི་སོ ཧི ཀ་མྨ་སྶ ཀ་ཏ་ཏྟཱ སུ་ཙི་པ་རི་ཝཱ་རོ་པི ཧོ་ཏི, ན ཙ པ་རི་ཝཱ་རོ ཝི་པཱ་ཀོ, ཏ་སྨཱ ཨ་སཱ་དྷ་ཀ་མེ་ཏ་ནྟི.
ས་དྡོ ཝི་པཱ་ཀོ་ཏི་ཀ་ཐཱ་ཝ་ཎྞ་ནཱ.
༤. ས་ལཱ༹་ཡ་ཏ་ན་ཀ་ཐཱ་ཝ་ཎྞ་ནཱ
༦༣༨-༦༤༠. ཨི་དཱ་ནི ས་ལཱ༹་ཡ་ཏ་ན་ཀ་ཐཱ ནཱ་མ ཧོ་ཏི. ཏ་ཏྠ ཡ་སྨཱ ས་ལཱ༹་ཡ་ཏ་ནཾ ཀ་མྨ་སྶ ཀ་ཏ་ཏྟཱ ཨུ་པྤ་ནྣཾ, ཏ་སྨཱ ‘‘ཝི་པཱ་ཀོ’’ཏི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ; ཏེ ས་ནྡྷཱ་ཡ ཙ་ཀྑཱ་ཡ་ཏ་ནཾ ཝི་པཱ་ཀོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སེ་སཾ ཧེ་ཊྛཱ ཝུ་ཏྟ་ན་ཡ་མེ་ཝ. ས་ལཱ༹་ཡ་ཏ་ནཾ ཝི་པཱ་ཀོཏི ཨེ་ཏྠ མ་ནཱ་ཡ་ཏ་ནཾ སི་ཡཱ ཝི་པཱ་ཀོ. སེ་སཱ་ནི ཀེ་ཝ་ལཾ ཀ་མྨ་ས་མུ་ཊྛཱ་ནཱ་ནི, ན ཝི་པཱ་ཀོ. ཏ་སྨཱ ཨ་སཱ་དྷ་ཀ་མེ་ཏ་ནྟི.
ས་ལཱ༹་ཡ་ཏ་ན་ཀ་ཐཱ་ཝ་ཎྞ་ནཱ.
༥. ས་ཏྟ་ཀྑ་ཏྟུ་པ་ར་མ་ཀ་ཐཱ་ཝ་ཎྞ་ནཱ
༥༤༡-༥༤༥. ཨི་དཱ་ནི ས་ཏྟ་ཀྑ་ཏྟུ་པ་ར་མ་ཀ་ཐཱ ནཱ་མ ཧོ་ཏི, ཏ་ཏྠ ཡ་སྨཱ ‘‘ས་ཏྟ་ཀྑ་ཏྟུ་པ་ར་མོ’’ཏི ཝུ་ཏྟཾ, ཏ་སྨཱ ‘‘ས་ཏྟ་ཀྑ་ཏྟུ་པ་ར་མོ པུ་གྒ་ལོ ས་ཏྟ་ཀྑ་ཏྟུ་པ་ར་མ་ཏཱ་ཡ ནི་ཡ་ཏོ’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨུ་ཏྟ་རཱ་པ་ཐ་ཀཱ་ནཾ; ཏེ་སཾ ཋ་པེ་ཏྭཱ ‘‘ཨ་རི་ཡ་མ་གྒཾ ཨ་ཉྙོ ཏ་སྶ ནི་ཡ་མོ ན་ཏྠི, ཡེ་ན སོ ས་ཏྟ་ཀྑ་ཏྟུ་པ་ར་མ་ཏཱ་ཡ ནི་ཡ་ཏོ བྷ་ཝེ་ཡྻཱ’’ཏི ཨི་མཾ ཝི་བྷཱ་གཾ ད་སྶེ་ཏུཾ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ.
མཱ་ཏཱ ཛཱི་ཝི་ཏཱཏི་ཨཱ་དཱི་སུ ཨ་ཡ་མ་དྷི་པྤཱ་ཡོ – དྭེ ནི་ཡཱ་མཱ ས་མྨ་ཏྟ་ནི་ཡཱ་མོ ཙ མི་ཙྪ་ཏྟ་ནི་ཡཱ་མོ ཙ. ས་མྨ་ཏྟ་ནི་ཡཱ་མོ ཨ་རི་ཡ་མ་གྒོ. སོ ཨ་ཝི་ནི་པཱ་ཏ་དྷ་མྨ་ཏ་ཉྩེ་ཝ ཕ་ལུ་པྤ་ཏྟི་ཉྩ ནི་ཡ་མེ་ཏི. མི་ཙྪ་ཏྟ་ནི་ཡཱ་མོ ཨཱ་ན་ནྟ་རི་ཡ་ཀ་མྨཾ. ཏཾ ཨ་ན་ནྟ་རཱ ནི་ར་ཡཱུ་པ་པ་ཏྟིཾ ནི་ཡ་མེ་ཏི. ཏ་ཏྠ ས་ཏྟ་ཀྑ་ཏྟུ་པ་ར་མོ སོ་ཏཱ་པ་ཏྟི་མ་གྒེ་ན ཨ་ཝི་ནི་པཱ་ཏ་དྷ་མྨ་ཏཱ་ཡ ཙ ཕ་ལུ་པྤ་ཏྟི་ཡཱ ཙ ནི་ཡ་མི་ཏོ. སེ་ས་མ་གྒ་ནི་ཡཱ་མོ པ་ན་སྶ ན་ཏྠི ཨ་ན་དྷི་ག་ཏ་ཏྟཱ, ཨཱ་ན་ནྟ་རི་ཡ་མྤི ཀཱ་ཏུཾ སོ ཨ་བྷ་བྦོ. ཏྭཾ པ་ན་སྶ ནི་ཡཱ་མཾ ཨི་ཙྪ་སི, ཏེ་ན ཏཾ ཝ་དཱ་མ – ‘‘ཀིཾ ཏེ སོ ཨི་མི་ནཱ མི་ཙྪ་ཏྟ་ནི་ཡཱ་མེ་ན ནི་ཡ་མི་ཏོ’’ཏི.
ཨ་བྷ་བྦོ ཨ་ནྟ་རཱཏི པ་ཉྷེ་སུ ཨཱ་ན་ནྟ་རི་ཡཱ་བྷཱ་ཝཾ ས་ནྡྷཱ་ཡ པ་ཊི་ཀྑི་པ་ཏི, ས་ཏྟ་ཀྑ་ཏྟུ་པ་ར་མཾ ས་ནྡྷཱ་ཡ པ་ཊི་ཛཱ་ནཱ་ཏི. ཨ་ཏྠི སོ ནི་ཡཱ་མོཏི པ་ཉྷེ ས་ཏྟ་ཀྑ་ཏྟུ་པ་ར་མ་ཏཱ་ཡ ནི་ཡཱ་མཾ ཨ་པ་སྶ་ནྟོ པ་ཊི་ཀྑི་པ་ཏི. ཨ་ཏྠི ཏེ ས་ཏི་པ་ཊྛཱ་ནཱཏི་ཨཱ་དི ནི་ཡཱ་མ་ས་ངྑཱ་ཏེ མ་གྒ་དྷ་མྨེ ད་སྶེ་ཏུཾ ཝུ་ཏྟཾ. ཏ་སྶ པ་ན པུ་ན པ་ཋ་མ་མ་གྒཱ་ནུ་པྤ་ཏྟི་ཏོ ཏེ་པི ན་ཏྠི, ཏ་སྨཱ པ་ཊི་ཀྑི་པ་ཏི. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ན་ནུ སོ ས་ཏྟ་ཀྑ་ཏྟུ་པ་ར་མོཏི ཨེ་ཏྠ བྷ་ག་ཝཱ ‘‘ཨ་ཡཾ པུ་གྒ་ལོ ཨེ་ཏྟ་ཀེ བྷ་ཝེ ས་ནྡྷཱ་ཝི་ཏྭཱ པ་རི་ནི་བྦཱ་ཡི་སྶ་ཏི, ཨ་ཡཾ ཨེ་ཏྟ་ཀེ’’ཏི ཨ་ཏྟ་ནོ ཉཱ་ཎ་བ་ལེ་ན བྱཱ་ཀ་རོ་ཏི, ན བྷ་ཝ་ནི་ཡཱ་མཾ ནཱ་མ ཀི་ཉྩི ཏེ་ན ས་ཏྟ་ཀྑ་ཏྟུ་པ་ར་མོ, ཀོ་ལཾ་ཀོ་ལོ, ཨེ་ཀ་བཱི་ཛཱི ཝཱ་ཏི ཝུ་ཏྟཾ, ཏ་སྨཱ ཨ་སཱ་དྷ་ཀ་མེ་ཏ་ནྟི.
ས་ཏྟ་ཀྑ་ཏྟུ་པ་ར་མ་ཀ་ཐཱ་ཝ་ཎྞ་ནཱ.
༦༤༦-༦༤༧. ཀོ་ལཾ་ཀོ་ལ་ཨེ་ཀ་བཱི་ཛི་ཀ་ཐཱ་ཡོ་པི ཨི་མི་ནཱ་ཝུ་པཱ་ཡེ་ན ཝེ་དི་ཏ་བྦཱ.
ཀོ་ལཾ་ཀོ་ལ་ཨེ་ཀ་བཱི་ཛི་ཀ་ཐཱ་ཝ་ཎྞ་ནཱ.
༨. ཛཱི་ཝི་ཏཱ་ཝོ་རོ་པ་ན་ཀ་ཐཱ་ཝ་ཎྞ་ནཱ
༦༤༨-༦༤༩. ཨི་དཱ་ནི ཛཱི་ཝི་ཏཱ་ཝོ་རོ་པ་ན་ཀ་ཐཱ ནཱ་མ ཧོ་ཏི. ཏ་ཏྠ ཡ་སྨཱ དོ་ས་ས་མྤ་ཡུ་ཏྟེ་ན ཙི་ཏྟེ་ན པཱ་ཎཱ་ཏི་པཱ་ཏོ ཧོ་ཏི, དོ་སོ ཙ དི་ཊྛི་ས་མྤ་ནྣ་སྶ ཨ་པྤ་ཧཱི་ནོ, ཏ་སྨཱ ‘‘དི་ཊྛི་ས་མྤ་ནྣོ ས་ཉྩི་ཙྩ པཱ་ཎཾ ཛཱི་ཝི་ཏཱ ཝོ་རོ་པེ་ཡྻཱ’’ཏི ཡེ་སཾ ལ་དྡྷི, སེ་ཡྻ་ཐཱ་པི པུ་བྦ་སེ་ལི་ཡཱ་པ་ར་སེ་ལི་ཡཱ་ནཾ; ཏེ ས་ནྡྷཱ་ཡ དི་ཊྛི་ས་མྤ་ནྣོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ས་ཉྩི་ཙྩ མཱ་ཏ་རནྟི་ཨཱ་དི་པ་ཉྷེ་སུ པ་ན ‘‘ཨ་ཊྛཱ་ན་མེ་ཏཾ ཨ་ན་ཝ་ཀཱ་སོ’’ཏི སུ་ཏྟ་བྷ་ཡེ་ན པ་ཊི་ཀྑི་པ་ཏི. ས་ཏྠ་རི ཨ་གཱ་ར་ཝོཏི་ཨཱ་དི ས་ཏྠཱ་རཱ་དཱི་སུ ས་གཱ་ར་ཝ་སྶ སི་ཀྑཱ་པ་ད་སྶ ཝཱི་ཏི་ཀྐ་མཱ་བྷཱ་ཝ་ད་སྶ་ན་ཏྠཾ ཝུ་ཏྟཾ. ཨི་ཏ་རོ པ་ན ཨ་ཀུ་ས་ལ་ཝ་སེ་ན ཏ་སྶ ཨ་གཱ་ར་ཝོ ནཱ་མ ན་ཏྠཱི་ཏི པ་ཊི་ཀྑི་པི་ཏྭཱ ས་གཱ་ར་ཝ་བྷཱ་ཝ་ཉྩ ས་མྤ་ཊི་ཙྪི་ཏྭཱ པུ་ན ཨ་གཱ་ར་ཝོཏི པུ་ཊྛོ ཏེ་སུ ཏེ་སུ ཀི་ཙྩེ་སུ པ་སུ་ཏ་ཏཱ་ཡ ཝི་ཀྑི་ཏྟཱ་ནཾ ཨ་ས་ཏི་ཡཱ ཨ་མ་ན་སི་ཀཱ་རེ་ན ཙེ་ཏི་ཡེ ཨ་བྷི་ཝཱ་ད་ན་པ་ད་ཀྑི་ཎ་ཀ་ར་ཎཱ་བྷཱ་ཝཾ ས་ནྡྷཱ་ཡ པ་ཊི་ཛཱ་ནཱ་ཏི. པུ་ན ཨོ་ཧ་དེ་ཡྻཱཏི་ཨཱ་དི་ནཱ ན་ཡེ་ན པུ་ཊྛོ ཏཱ་དི་སཱ་ཡ ཀི་རི་ཡཱ་ཡ ས་ཉྩི་ཙྩ ཨ་ཀ་ར་ཎ་ཏོ པ་ཊི་ཀྑི་པ་ཏི. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝཱ་ཏི.
ཛཱི་ཝི་ཏཱ་ཝོ་རོ་པ་ན་ཀ་ཐཱ་ཝ་ཎྞ་ནཱ.
༩. དུ་གྒ་ཏི་ཀ་ཐཱ་ཝ་ཎྞ་ནཱ
༦༥༠-༦༥༢. ཨི་དཱ་ནི དུ་གྒ་ཏི་ཀ་ཐཱ ནཱ་མ ཧོ་ཏི. ཏ་ཏྠ ཡེ དུ་གྒ་ཏི་ཉྩ དུ་གྒ་ཏི་ས་ཏྟཱ་ནཾ རཱུ་པཱ་དི་ཨཱ་ར་མྨ་ཎཾ ཏ་ཎྷ་ཉྩཱ་ཏི ཨུ་བྷ་ཡ་མྤི དུ་གྒ་ཏཱི་ཏི ག་ཧེ་ཏྭཱ པུ་ན ཏ་ཐཱ ཨ་ཝི་བྷ་ཛི་ཏྭཱ ཨ་ཝི་སེ་སེ་ནེ་ཝ ‘‘དི་ཊྛི་ས་མྤ་ནྣ་སྶ པ་ཧཱི་ནཱ དུ་གྒ་ཏཱི’’ཏི ཝ་ད་ནྟི, སེ་ཡྻ་ཐཱ་པི ཨུ་ཏྟ་རཱ་པ་ཐ་ཀཱ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨཱ་པཱ་ཡི་ཀེ རཱུ་པེ ར་ཛྫེ་ཡྻཱཏི་ཨཱ་དི པ་ར་ཝཱ་དི་ནོ ལ་དྡྷི་ཡཱ དི་ཊྛི་ས་མྤ་ནྣ་སྶ དུ་གྒ་ཏི ཨ་པྤ་ཧཱི་ནཱ, ཏ་སྶ ཝ་སེ་ན ཙོ་དེ་ཏུཾ ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ནི་ར་ཡཾ ཨུ་པ་པ་ཛྫེ་ཡྻཱཏི་ཨཱ་དི དུ་གྒ་ཏི་པ་ཧཱ་ན་མེ་ཝ དུ་གྒ་ཏི་གཱ་མི་ནི་ཏ་ཎྷཱ་པ་ཧཱ་ནཾ ཝཱ དཱི་པེ་ཏི, ན དུ་གྒ་ཏི་ས་ཏྟཱ་ནཾ རཱུ་པཱ་དི་ཨཱ་ར་མྨ་ཎཱ་ཡ ཏ་ཎྷཱ་ཡ པ་ཧཱ་ནཾ, ཏ་སྨཱ ཨ་སཱ་དྷ་ཀ་ནྟི.
དུ་གྒ་ཏི་ཀ་ཐཱ་ཝ་ཎྞ་ནཱ.
༦༥༣. ས་ཏྟ་མ་བྷ་ཝི་ཀ་ཀ་ཐཱ་ཡ་པི ཨེ་སེ་ཝ ན་ཡོ་ཏི.
དྭཱ་ད་ས་མོ ཝ་གྒོ.