༧. སཱི་ལཾ ཨ་ཙེ་ཏ་སི་ཀ་ནྟི་ཀ་ཐཱ་ཝ་ཎྞ་ནཱ

༥༩༠-༥༩༤. ཨི་དཱ་ནི སཱི་ལཾ ཨ་ཙེ་ཏ་སི་ཀ་ནྟི་ཀ་ཐཱ ནཱ་མ ཧོ་ཏི. ཏ་ཏྠ ཡ་སྨཱ སཱི་ལེ ཨུ་པྤ་ཛྫི་ཏྭཱ ནི་རུ་དྡྷེ་པི ས་མཱ་དཱ་ན་ཧེ་ཏུ་ཀོ སཱི་ལོ་པ་ཙ་ཡོ ནཱ་མ ཨ་ཏྠི, ཡེ་ན སོ སཱི་ལ་ཝཱ་ཡེ་ཝ ནཱ་མ ཧོ་ཏི, ཏ་སྨཱ ‘‘སཱི་ལཾ ཨ་ཙེ་ཏ་སི་ཀ’’ནྟི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ནཾ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སེ་ས་མེ་ཏྠ ‘‘དཱ་ནཾ ཨ་ཙེ་ཏ་སི་ཀ’’ནྟི་ཀ་ཐཱ་ཡཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ལ་དྡྷི་པ་ཏི་ཊྛཱ་པ་ན་མྤི ཨ་ཡོ་ནི་སོ ག་ཧི་ཏ་ཏྟཱ ཨ་པྤ་ཏི་ཊྛཱ་པ་ན་མེ་ཝཱ་ཏི.

སཱི་ལཾ ཨ་ཙེ་ཏ་སི་ཀ་ནྟི་ཀ་ཐཱ་ཝ་ཎྞ་ནཱ.