༡༠. ཝི་ཉྙ་ཏྟི སཱི་ལ་ནྟི་ཀ་ཐཱ་ཝ་ཎྞ་ནཱ

༦༠༡-༦༠༢. ཨི་དཱ་ནི ཝི་ཉྙ་ཏྟི སཱི་ལ་ནྟི་ཀ་ཐཱ ནཱ་མ ཧོ་ཏི. ཏ་ཏྠ ཀཱ་ཡ་ཝི་ཉྙ་ཏྟི ཀཱ་ཡ་ཀ་མྨཾ, ཝ་ཙཱི་ཝི་ཉྙ་ཏྟི ཝ་ཙཱི་ཀ་མྨ་ནྟི ག་ཧི་ཏ་ཏྟཱ ‘‘ཝི་ཉྙ་ཏྟི སཱི་ལ’’ནྟི ཡེ་སཾ ལ་དྡྷི, སེ་ཡྻ་ཐཱ་པི མ་ཧཱ་སཾ་གྷི་ཀཱ་ན་ཉྩེ་ཝ ས་མྨི་ཏི་ཡཱ་ན་ཉྩ; ཏེ ས་ནྡྷཱ་ཡ ཝི་ཉྙ་ཏྟཱིཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ཡ་སྨཱ སཱི་ལཾ ནཱ་མ ཝི་ར་ཏི, ན རཱུ་པ་དྷ་མྨོ, ཏ་སྨཱ ཏེ་ན་ཏྠེ་ན ཙོ་དེ་ཏུཾ པཱ་ཎཱ་ཏི་པཱ་ཏཱ ཝེ་ར་མ་ཎཱིཏི་ཨཱ་དི་མཱ་ཧ. ཨ་བྷི་ཝཱ་ད་ནཾ སཱི་ལནྟི་ཨཱ་དི ཡ་ཐཱ་རཱུ་པཾ ཝི་ཉྙ་ཏྟིཾ སོ ‘‘སཱི་ལ’’ནྟི མ་ཉྙ་ཏི ཏཾ ཨུ་དྡྷ་རི་ཏྭཱ ད་སྶེ་ཏུཾ ཝུ་ཏྟཾ. ཡ་སྨཱ པ་ན སཱ ཝི་ར་ཏི ན ཧོ་ཏི, ཏ་སྨཱ པུ་ན པཱ་ཎཱ་ཏི་པཱ་ཏཱཏི་ཨཱ་དི་མཱ་ཧ. ལ་དྡྷི པ་ན་སྶ ཚ་ལེ་ན པ་ཏི་ཊྛི་ཏ་ཏྟཱ ཨ་པྤ་ཏི་ཊྛི་ཏཱ་ཡེ་ཝཱ་ཏི.

ཝི་ཉྙ་ཏྟི སཱི་ལ་ནྟི་ཀ་ཐཱ་ཝ་ཎྞ་ནཱ.