༧. ལ་ཀྑ་ཎ་ཀ་ཐཱ་ཝ་ཎྞ་ནཱ

༤༠༠. ཨི་དཱ་ནི ལ་ཀྑ་ཎ་ཀ་ཐཱ ནཱ་མ ཧོ་ཏི. ཏ་ཏྠ ‘‘ཡེ་ཧི ས་མ་ནྣཱ་ག་ཏ་སྶ མ་ཧཱ་པུ་རི་ས་སྶ དྭེ་ཝ ག་ཏི་ཡོ བྷ་ཝ་ནྟཱི’’ཏི (དཱི. ནི. ༡.༢༥༨) ཨི་མཾ སུ་ཏྟཾ ཨ་ཡོ་ནི་སོ ག་ཧེ་ཏྭཱ ལ་ཀྑ་ཎ་ས་མ་ནྣཱ་ག་ཏོ བོ་དྷི་ས་ཏྟོ་ཝ ཧོ་ཏཱི་ཏི ཡེ་སཾ ལ་དྡྷི, སེ་ཡྻ་ཐཱ་པི ཨེ་ཏ་ར་ཧི ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ.

ཙ་ཀྐ་ཝ་ཏྟི་ས་ཏྟོཏི པ་ཉྷེ་སུ ཡ་སྨཱ ཙ་ཀྐ་ཝ་ཏྟཱི ས་ཏྟོ་པི ཙ བོ་དྷི་ས་ཏྟོ་པི, ཏ་སྨཱ ཨ་བོ་དྷི་ས་ཏྟཾ ས་ནྡྷཱ་ཡ པ་ཊི་ཀྑི་པ་ཏི. བོ་དྷི་ས་ཏྟཾ ས་ནྡྷཱ་ཡ པ་ཊི་ཛཱ་ནཱ་ཏི.

༤༠༢. དྭ་ཏྟིཾ་སི་མཱ་ནཱིཏི་སུ་ཏྟཾ བོ་དྷི་ས་ཏྟ་མེ་ཝ ས་ནྡྷཱ་ཡ ཝུ་ཏྟཾ. སོ ཧི པ་ཙྪི་མེ བྷ་ཝེ བུ་དྡྷོ ཧོ་ཏི, ཨི་ཏ་རེ་སུ ཙ་ཀྐ་ཝ་ཏྟཱི, ཏ་སྨཱ ཨཱ་བྷ་ཏ་མྤི ཨ་ནཱ་བྷ་ཏ་ས་དི་ས་མེ་ཝཱ་ཏི.

ལ་ཀྑ་ཎ་ཀ་ཐཱ་ཝ་ཎྞ་ནཱ.