༣. ཨ་ནཱ་ས་ཝ་ཀ་ཐཱ་ཝ་ཎྞ་ནཱ

༣༩༡. ཨི་དཱ་ནི ཨ་ནཱ་ས་ཝ་ཀ་ཐཱ ནཱ་མ ཧོ་ཏི. ཏ་ཏྠ ཡེ དྷ་མྨཱ ཨ་ནཱ་ས་ཝ་སྶ ཨ་ར་ཧ་ཏོ, ས་བྦེ ཏེ ཨ་ནཱ་ས་ཝཱ་ཏི ཡེ་སཾ ལ་དྡྷི, སེ་ཡྻ་ཐཱ་པི ཨེ་ཏ་ར་ཧི ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ ཨ་ར་ཧ་ཏོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ཨ་ནཱ་ས་ཝཱ ནཱ་མ མ་གྒཱ་ད་ཡོ, ཀིཾ ཏ་སྶ ཏེ་ཡེ་ཝ ཨུ་པྤ་ཛྫ་ནྟཱི་ཏི ཙོ་ད་ན་ཏྠཾ མ་གྒོ ཕ་ལནྟི་ཨཱ་དི ཨཱ་ར་དྡྷཾ. ཙ་ཀྑུ ཨ་ནཱ་ས་ཝནྟི པུ་ཊྛོ ཏ་སྶ སཱ་ས་ཝ་ཏྟཱ པ་ཊི་ཀྑི་པ་ཏི. དུ་ཏི་ཡཾ པུ་ཊྛོ ཨ་ནཱ་ས་ཝ་སྶེ་ཏ་ནྟི པ་ཊི་ཛཱ་ནཱ་ཏི.

༣༩༢. ཙཱི་ཝ་ར་པ་ཉྷེ ཨེ་ཀོ་ཝ དྷ་མྨོ ཨ་ནཱ་ས་ཝོ སཱ་ས་ཝོ ཙ ཧོ་ཏཱི་ཏི ལ་ཀྑ་ཎ་ཝི་རོ་དྷ་བྷ་ཡཱ པ་ཊི་ཀྑི་པ་ཏི. དུ་ཏི་ཡཾ པུ་ཊྛོ ཨ་ནཱ་ས་ཝ་སྶ ཧུ་ཏྭཱ སཱ་ས་ཝ་སྶ ཧོ་ཏཱི་ཏི པ་ཊི་ཛཱ་ནཱ་ཏི. ཏ་ཉྙེ་ཝ ཨ་ནཱ་ས་ཝནྟི པ་ཉྷཱ་དྭ་ཡེ་པི ཨེ་སེ་ཝ ན་ཡོ. ས་ཀ་ཝཱ་དཱི པ་ན ཏ་ཉྙེ་ཝཱཏི ཨ་ནུ་ཉྙཱ་ཏ་ཏྟཱ ‘‘མ་གྒོ ཨ་ནཱ་ས་ཝོ ཧུ་ཏྭཱ’’ཏི་ཨཱ་དཱི་ཧི ཙོ་དེ་ཏི. ཨི་མི་ནཱ ཨུ་པཱ་ཡེ་ན ས་བྦ་ཏྠ ཨ་ཏྠོ ཝེ་དི་ཏ་བྦོ་ཏི.

ཨ་ནཱ་ས་ཝ་ཀ་ཐཱ་ཝ་ཎྞ་ནཱ.