༦. ཨ་ཊྛ་མ་ཀ་སྶ ཨི་ནྡྲི་ཡ་ཀ་ཐཱ་ཝ་ཎྞ་ནཱ

༣༧༡. ཨི་དཱ་ནི ཨ་ཊྛ་མ་ཀ་སྶ ཨི་ནྡྲི་ཡ་ཀ་ཐཱ ནཱ་མ ཧོ་ཏི. ཏ་ཏྠ ཡེ་སཾ ‘‘ཨ་ཊྛ་མ་ཀོ མ་གྒ་ཀྑ་ཎེ ཨི་ནྡྲི་ཡཱ་ནི པ་ཊི་ལ་བྷ་ཏི ནཱ་མ, ནོ ཙ་སྶ པ་ཊི་ལ་དྡྷཱ་ནི ཧོ་ནྟཱི’’ཏི ལ་དྡྷི, སེ་ཡྻ་ཐཱ་པི ཨེ་ཏ་ར་ཧི ཨ་ནྡྷ་ཀཱ་ནཾ; ཏེ ས་ནྡྷཱ་ཡ ན་ཏྠི ས་དྡྷི་ནྡྲི་ཡནྟི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ན་ཏྠི ས་དྡྷཱཏི པུ་ཊྛོ པ་ན ས་དྡྷི་ནྡྲི་ཡ་ཏོ ས་དྡྷཱ་ཡ ནཱ་ན་ཏྟཾ ས་ལླ་ཀྑེ་ཏྭཱ པ་ཊི་ཀྑི་པ་ཏི. སེ་སེ་སུ་པི ཨེ་སེ་ཝ ན་ཡོ. ཡ་ཐཱ པ་ན ཡ་སྶ ཨ་ཏྠི མ་ནོ, ཏ་སྶ མ་ནི་ནྡྲི་ཡ་མྤི ཨ་ཏྠི; ཨེ་ཝཾ ཡ་སྶ ས་དྡྷཱ་ད་ཡོ ཨ་ཏྠི, ཏ་སྶ ཨ་ཏྠི ས་དྡྷི་ནྡྲི་ཡཱ་དཱི་ནི་པཱི་ཏི དཱི་པ་ན་ཏྠཾ ཨ་ཏྠི མ་ནོ ཨ་ཏྠི མ་ནི་ནྡྲི་ཡནྟི་ཨཱ་དི ཨཱ་ར་དྡྷཾ. ཏཾ ས་བྦཾ ཨུ་ཏྟཱ་ན་ཏྠ་མེ་ཝ ས་དྡྷིཾ སུ་ཏྟ་སཱ་དྷ་ནེ་ནཱ་ཏི.

ཨ་ཊྛ་མ་ཀ་སྶ ཨི་ནྡྲི་ཡ་ཀ་ཐཱ་ཝ་ཎྞ་ནཱ.