༥. ཨུ་ད་ཀཱུ་པ་མཱ་སུ་ཏྟ་ཝ་ཎྞ་ནཱ

༡༥. པ་ཉྩ་མེ ཨུ་ད་ཀཱུ་པ་མཱཏི ནི་མུ་ཛྫ་ནཱ་དི་ཨཱ་ཀཱ་རཾ ག་ཧེ་ཏྭཱ ཨུ་ད་ཀེ་ན ཨུ་པ་མི་ཏཱ. ས་ཀིཾ ནི་མུ་གྒོཏི ཨེ་ཀ་ཝཱ་ར་མེ་ཝ ནི་མུ་གྒོ. ཨེ་ཀ་ནྟ་ཀཱ་ལ༹་ཀེ་ཧཱིཏི ནི་ཡ་ཏ་མི་ཙྪཱ་དི་ཊྛིཾ ས་ནྡྷཱ་ཡ ཝུ་ཏྟཾ. ཨུ་མྨུ་ཛྫ་ཏཱིཏི ཨུ་ཊྛ་ཧ་ཏི. སཱ་དྷཱུཏི སོ་བྷ་ནཱ བྷ་དྡ་ཀཱ. ཧཱ་ཡ་ཏི་ཡེ་ཝཱཏི ཙ་ངྐ་ཝཱ་རེ ཨཱ་སི་ཏྟ་ཨུ་ད་ཀཾ ཝི་ཡ པ་རི་ཧཱ་ཡ་ཏེ་ཝ. ཨུ་མྨུ་ཛྫི་ཏྭཱ ཝི་པ་སྶ་ཏི ཝི་ལོ་ཀེ་ཏཱིཏི ཨུ་ཊྛ་ཧི་ཏྭཱ ག་ནྟ་བྦ་དི་སཾ ཝི་པ་སྶ་ཏི ཝི་ལོ་ཀེ་ཏི. པ་ཏ་ར་ཏཱིཏི ག་ནྟ་བྦ་དི་སཱ་བྷི་མུ་ཁོ ཏ་ར་ཏི ནཱ་མ. པ་ཊི་གཱ་དྷ་པྤ་ཏྟོ ཧོ་ཏཱིཏི ཨུ་ཊྛཱ་ཡ ཝི་ལོ་ཀེ་ཏྭཱ པ་ཏ་རི་ཏྭཱ ཨེ་ཀ་སྨིཾ ཋཱ་ནེ པ་ཏི་ཊྛཱ་པ་ཏྟོ ནཱ་མ ཧོ་ཏི, ཏི་ཊྛ་ཏི ན པུ་ནཱ་ག་ཙྪ་ཏི. ཏི་ཎྞོ པཱ་ར་ངྒ་ཏོ ཐ་ལེ ཏི་ཊྛ་ཏཱིཏི ས་བྦ་ཀི་ལེ་སོ་གྷཾ ཏ་རི་ཏྭཱ པ་ར་ཏཱི་རཾ ག་ནྟྭཱ ནི་བྦཱ་ན་ཐ་ལེ པ་ཏི་ཊྛི་ཏོ ནཱ་མ ཧོ་ཏི. ཨི་མ་སྨིཾ སུ་ཏྟེ ཝ་ཊྚ་ཝི་ཝ་ཊྚཾ ཀ་ཐི་ཏཾ.