༩. པ་ཋ་མ་སེ་ཁ་སུ་ཏྟ་ཝ་ཎྞ་ནཱ

༨༩. ན་ཝ་མེ སེ་ཁ་སྶཱཏི སི་ཀྑ་ཀ་སྶ ས་ཀ་ར་ཎཱི་ཡ་སྶ. པ་རི་ཧཱ་ནཱ་ཡཱཏི ཨུ་པ་རི་གུ་ཎེ་ཧི པ་རི་ཧཱ་ན་ཏྠཱ་ཡ. ཀ་མྨཱ་རཱ་མ་ཏཱཏི ན་ཝ་ཀ་མྨེ ར་མ་ན་ཀ་བྷཱ་ཝོ. བྷ་སྶཱ་རཱ་མ་ཏཱཏི ཨཱ་ལཱ་པ་ས་ལླཱ་པེ ར་མ་ན་ཀ་བྷཱ་ཝོ. ནི་དྡཱ་རཱ་མ་ཏཱཏི ནི་དྡཱ་ཡ་ནེ ར་མ་ན་ཀ་བྷཱ་ཝོ. ས་ངྒ་ཎི་ཀཱ་རཱ་མ་ཏཱཏི ག་ཎ་ས་ངྒ་ཎི་ཀཱ་ཡ ར་མ་ན་ཀ་བྷཱ་ཝོ. ཡ་ཐཱ་ཝི་མུ་ཏྟཾ ཙི་ཏྟཾ ན པ་ཙྩ་ཝེ་ཀྑ་ཏཱིཏི ཡ་ཐཱ ཡཾ ཙི་ཏྟཾ ཝི་མུ་ཏྟཾ, ཡེ ཙ དོ་སཱ པ་ཧཱི་ནཱ, གུ་ཎཱ ཙ པ་ཊི་ལ་དྡྷཱ, ཏེ པ་ཙྩ་ཝེ་ཀྑི་ཏྭཱ ཨུ་པ་རི་གུ་ཎ་པ་ཊི་ལཱ་བྷཱ་ཡ ཝཱ་ཡཱ་མཾ ན ཀ་རོ་ཏཱི་ཏི ཨ་ཏྠོ. ཨི་ཏི ཨི་མ་སྨིཾ སུ་ཏྟེ ས་ཏྟ་ནྣཾ སེ་ཁཱ་ནཾ ཨུ་པ་རི་གུ་ཎེ་ཧི པ་རི་ཧཱ་ནི་ཀཱ་ར་ཎ་ཉྩ ཝུ་དྡྷི་ཀཱ་ར་ཎ་ཉྩ ཀ་ཐི་ཏཾ. ཡ་ཉྩ ནཱ་མ སེ་ཁ་སྶ པ་རི་ཧཱ་ན་ཀཱ་ར་ཎཾ, ཏཾ པུ་ཐུ་ཛྫ་ན་སྶ པ་ཋ་མ་མེ་ཝ ཧོ་ཏཱི་ཏི.