༥. མཱ་ཏཱ་པུ་ཏྟ་སུ་ཏྟ་ཝ་ཎྞ་ནཱ

༥༥. པ་ཉྩ་མེ པ་རི་ཡཱ་དཱ་ཡ ཏི་ཊྛ་ཏཱིཏི པ་རི་ཡཱ་དི་ཡི་ཏྭཱ ག་ཧེ་ཏྭཱ ཁེ་པེ་ཏྭཱ ཏི་ཊྛ་ཏི. ཨུ་གྒྷཱ་ཏི་ཏཱཏི ཨུ་དྡྷུ་མཱ་ཏཱ.

ཨ་སི་ཧ་ཏྠེ་ནཱཏི སཱི་ས་ཙྪེ་ད་ན་ཏྠཱ་ཡ ཨ་སིཾ ཨཱ་དཱ་ཡ ཨཱ་ག་ཏེ་ནཱ་པི. པི་སཱ་ཙེ་ནཱཏི ཁཱ་དི་ཏུཾ ཨཱ་ག་ཏ་ཡ་ཀྑེ་ནཱ་པི. ཨཱ་སཱི་དེཏི གྷ་ཊྚེ་ཡྻ. མ་ཉྫུ་ནཱཏི མུ་དུ་ཀེ་ན. ཀཱ་མོ་གྷ་ཝུ་ལ༹ྷཱ་ནནྟི ཀཱ་མོ་གྷེ་ན ཝུ་ལ༹ྷཱ་ནཾ ཀ་ཌྜྷི་ཏཱ་ནཾ. ཀཱ་ལཾ ག་ཏི བྷ་ཝཱ་བྷ་ཝནྟི ཝ་ཊྚ་ཀཱ་ལཾ ག་ཏི་ཉྩ པུ་ན་པྤུ་ན་བྦྷ་ཝེ ཙ. པུ་ར་ཀྑ་ཏཱཏི པུ་རེ་ཙཱ་རི་ཀཱ པུ་ར་ཏོ ག་ཏཱ་ཡེ་ཝ. ཡེ ཙ ཀཱ་མེ པ་རི་ཉྙཱ་ཡཱཏི ཡེ པ་ཎྜི་ཏཱ དུ་ཝི་དྷེ་པི ཀཱ་མེ ཏཱི་ཧི པ་རི་ཉྙཱ་ཧི པ་རི་ཛཱ་ནི་ཏྭཱ. ཙ་ར་ནྟི ཨ་ཀུ་ཏོ་བྷ་ཡཱཏི ཁཱི་ཎཱ་ས་ཝཱ་ནཾ ཀུ་ཏོ་ཙི བྷ་ཡཾ ནཱ་མ ན་ཏྠི, ཏ་སྨཱ ཏེ ཨ་ཀུ་ཏོ་བྷ་ཡཱ ཧུ་ཏྭཱ ཙ་ར་ནྟི. པཱ་ར་ངྒ་ཏཱཏི པཱ་རཾ ཝུ་ཙྩ་ཏི ནི་བྦཱ་ནཾ, ཏཾ ཨུ་པ་ག་ཏཱ, ས་ཙྪི་ཀ་ཏྭཱ ཋི་ཏཱ་ཏི ཨ་ཏྠོ. ཨཱ་ས་ཝ་ཀྑ་ཡནྟི ཨ་ར་ཧ་ཏྟཾ. ཨི་མ་སྨིཾ སུ་ཏྟེ ཝ་ཊྚ་མེ་ཝ ཀ་ཐེ་ཏྭཱ གཱ་ཐཱ་སུ ཝ་ཊྚ་ཝི་ཝ་ཊྚཾ ཀ་ཐི་ཏཾ.