༤. སཱི་ཧ་སེ་ནཱ་པ་ཏི་སུ་ཏྟ་ཝ་ཎྞ་ནཱ

༣༤. ཙ་ཏུ་ཏྠེ ས་ནྡི་ཊྛི་ཀནྟི སཱ་མཾ པ་སྶི་ཏ་བྦ་ཀཾ. དཱ་ཡ་ཀོཏི དཱ་ན་སཱུ་རོ. ན སོ ས་དྡྷཱ་མ་ཏྟ་ཀེ་ནེ་ཝ ཏི་ཊྛ་ཏི, པ་རི་ཙྩ་ཛི་ཏུ་མྤི ས་ཀྐོ་ཏཱི་ཏི ཨ་ཏྠོ. དཱ་ན་པ་ཏཱིཏི ཡཾ དཱ་ནཾ དེ་ཏི, ཏ་སྶ པ་ཏི ཧུ་ཏྭཱ དེ་ཏི, ན དཱ་སོ, ན ས་ཧཱ་ཡོ. ཡོ ཧི ཨ་ཏྟ་ནཱ མ་དྷུ་རཾ བྷུ་ཉྫ་ཏི, པ་རེ་སཾ ཨ་མ་དྷུ་རཾ དེ་ཏི, སོ དཱ་ན་ས་ངྑཱ་ཏ་སྶ དེ་ཡྻ་དྷ་མྨ་སྶ དཱ་སོ ཧུ་ཏྭཱ དེ་ཏི. ཡོ ཡཾ ཨ་ཏྟ་ནཱ བྷུ་ཉྫ་ཏི, ཏ་དེ་ཝ དེ་ཏི, སོ ས་ཧཱ་ཡོ ཧུ་ཏྭཱ དེ་ཏི. ཡོ པ་ན ཨ་ཏྟ་ནཱ ཡེ་ན ཀེ་ན་ཙི ཡཱ་པེ་ཏི, པ་རེ་སཾ མ་དྷུ་རཾ དེ་ཏི, སོ པ་ཏི ཛེ་ཊྛ་ཀོ སཱ་མཱི ཧུ་ཏྭཱ དེ་ཏི. ཏཱ་དི་སཾ ས་ནྡྷཱ་ཡ ཝུ་ཏྟཾ – ‘‘དཱ་ན་པ་ཏཱི’’ཏི.

ཨ་མ་ངྐུ་བྷཱུ་ཏོཏི ན ནི་ཏྟེ་ཛ་བྷཱུ་ཏོ. ཝི་སཱ་ར་དོཏི ཉཱ་ཎ་སོ་མ་ན་སྶ་པྤ་ཏྟོ. ས་ཧ་བྱ་ཏཾ ག་ཏཱཏི ས་ཧ་བྷཱ་ཝཾ ཨེ་ཀཱི་བྷཱ་ཝཾ ག་ཏཱ. ཀ་ཏཱ་ཝ་ཀཱ་སཱཏི ཡེ་ན ཀ་མྨེ་ན ཏ་ཏྠ ཨ་ཝ་ཀཱ་སོ ཧོ་ཏི, ཏ་སྶ ཀ་ཏ་ཏྟཱ ཀ་ཏཱ་ཝ་ཀཱ་སཱ. ཏཾ པ་ན ཡ་སྨཱ ཀུ་ས་ལ་མེ་ཝ ཧོ་ཏི, ཏ་སྨཱ ཀ་ཏ་ཀུ་ས་ལཱཏི ཝུ་ཏྟཾ. མོ་ད་རེཏི མོ་ད་ནྟི པ་མོ་ད་ནྟི. ཨ་སི་ཏ་སྶཱཏི ཨ་ནི་སྶི་ཏ་སྶ ཏ་ཐཱ་ག་ཏ་སྶ. ཏཱ་དི་ནོཏི ཏཱ་དི་ལ་ཀྑ་ཎཾ པ་ཏྟ་སྶ.