༦. ཨུ་མྨ་གྒ་སུ་ཏྟ་ཝ་ཎྞ་ནཱ

༡༨༦. ཚ་ཊྛེ པ་རི་ཀ་སྶ་ཏཱིཏི ཨཱ་ཀ་ཌྜྷི་ཡ་ཏི. ཨུ་མྨ་གྒོཏི ཨུ་མྨུ་ཛྫ་ནཾ, པ་ཉྙཱ་ག་མ་ན་ནྟི ཨ་ཏྠོ. པ་ཉྙཱ ཨེ་ཝ ཝཱ ཨུ་མྨུ་ཛྫ་ན་ཊྛེ་ན ཨུ་མྨ་གྒོ་ཏི ཝུ་ཙྩ་ཏི. སཱ་ཝ པ་ཊི་བྷཱ་ན་ཊྛེ་ན པ་ཊི་བྷཱ་ནཾ. ཙི་ཏྟ་སྶ ཨུ་པྤ་ནྣ་སྶ ཝ་སཾ ག་ཙྪ་ཏཱིཏི ཡེ ཙི་ཏྟ་སྶ ཝ་སཾ ག་ཙྪ་ནྟི, ཏེ་སཾ་ཡེ་ཝེ་ཏྠ ག་ཧ་ཎཾ ཝེ་དི་ཏ་བྦཾ. ཨ་ཏྠ་མ་ཉྙཱ་ཡ དྷ་མྨ་མ་ཉྙཱ་ཡཱཏི ཨ་ཏྠ་ཉྩ པཱ་ལི༹་ཉྩ ཛཱ་ནི་ཏྭཱ. དྷ་མྨཱ་ནུ་དྷ་མྨ་པྤ་ཊི་པ་ནྣོ ཧོ་ཏཱིཏི ལོ་ཀུ་ཏྟ་ར་དྷ་མྨ་སྶ ཨ་ནུ་ཙྪ་ཝི་ཀ་དྷ་མྨཾ ས་ཧ སཱི་ལེ་ན པུ་བྦ་བྷཱ་ག་པྤ་ཊི་པ་དཾ པ་ཊི་པ་ནྣོ ཧོ་ཏི. ནི་བྦེ་དྷི་ཀ་པ་ཉྙོཏི ནི་བྦི་ཛ྄ཛྷ་ན་ཀ་པ་ཉྙོ. ཨི་དཾ དུ་ཀྑནྟི ཋ་པེ་ཏྭཱ ཏ་ཎྷཾ སེ་སཾ ཏེ་བྷཱུ་མ་ཀ་ཀྑ་ནྡྷ་པ་ཉྩ་ཀཾ དུ་ཀྑ་ནྟི སུ་ཏཾ ཧོ་ཏི. པ་ཉྙཱ་ཡཱཏི མ་གྒ་པ་ཉྙཱ་ཡ. ཨ་ཡཾ དུ་ཀྑ་ས་མུ་ད་ཡོཏི ཝ་ཊྚ་མཱུ་ལ་ཀ་ཏ་ཎྷཱ ཏ་སྶ དུ་ཀྑ་སྶ ས་མུ་ད་ཡོ་ཏི སུ་ཏཾ ཧོ་ཏི. ཨི་མི་ནཱ ཨུ་པཱ་ཡེ་ན སེ་ས་དྭ་ཡེ་པི ཨ་ཏྠོ ཝེ་དི་ཏ་བྦོ. ཙ་ཏུ་ཏྠ་པ་ཉྷ་ཝི་སྶ་ཛྫ་ནེ་ན ཨ་ར་ཧ་ཏྟ་ཕ་ལཾ ཀ་ཐི་ཏ་ནྟི ཝེ་དི་ཏ་བྦཾ.