༣. པ་ཋ་མ་ནཱ་ནཱ་ཀ་ར་ཎ་སུ་ཏྟ་ཝ་ཎྞ་ནཱ

༡༢༣. ཏ་ཏི་ཡེ ཏ་ད་སྶཱ་དེ་ཏཱིཏི ཏཾ ཛྷཱ་ནཾ སུ་ཁ་སྶཱ་དེ་ན ཨ་སྶཱ་དེ་ཏི. ནི་ཀཱ་མེ་ཏཱིཏི པ་ཏྠེ་ཏི. ཝི་ཏྟིཾ ཨཱ་པ་ཛྫ་ཏཱིཏི ཏུ་ཊྛིཾ ཨཱ་པ་ཛྫ་ཏི. ཏ་ད་དྷི་མུ་ཏྟོཏི ཏ་སྨིཾ ཨ་དྷི་མུ་ཏྟོ, ཏཾ ཝཱ ཨ་དྷི་མུ་ཏྟོ. ཏ་བྦ་ཧུ་ལ་ཝི་ཧཱ་རཱིཏི ཏེ་ན ཛྷཱ་ནེ་ན བ་ཧུ་ལཾ ཝི་ཧ་ར་ནྟོ. ས་ཧ་བྱ་ཏཾ ཨུ་པ་པ་ཛྫ་ཏཱིཏི ས་ཧ་བྷཱ་ཝཾ ག་ཙྪ་ཏི, ཏ་ཏྠ ནི་བྦ་ཏྟ་ཏཱི་ཏི ཨ་ཏྠོ. ཀ་པྤོ ཨཱ་ཡུ་པྤ་མཱ་ཎནྟི ཨེ་ཏྠ པ་ཋ་མ་ཛ྄ཛྷཱ་ནཾ ཨ་ཏྠི ཧཱི་ནཾ, ཨ་ཏྠི མ་ཛ྄ཛྷི་མཾ, ཨ་ཏྠི པ་ཎཱི་ཏཾ. ཏ་ཏྠ ཧཱི་ནེ་ན ཨུ་པྤ་ནྣཱ་ནཾ ཀ་པྤ་སྶ ཏ་ཏི་ཡོ ཀོ་ཊྛཱ་སོ ཨཱ་ཡུ་པྤ་མཱ་ཎཾ, མ་ཛ྄ཛྷི་མེ་ན ཨུ་པ་ཌྜྷ་ཀ་པྤོ, པ་ཎཱི་ཏེ་ན ཀ་པྤོ. ཏཾ ས་ནྡྷཱ་ཡེ་ཏཾ ཝུ་ཏྟཾ. ནི་ར་ཡ་མྤི ག་ཙྪ་ཏཱིཏི ནི་ར་ཡ་ག་མ་ནཱི་ཡ་སྶ ཀ་མྨ་སྶ ཨ་པྤ་ཧཱི་ན་ཏྟཱ ཨ་པ་རཱ་པ་རཾ ག་ཙྪ་ཏི, ན ཨ་ན་ནྟ་ར་མེ་ཝ. ཏ་སྨིཾ་ཡེ་ཝ བྷ་ཝེ པ་རི་ནི་བྦཱ་ཡ་ཏཱིཏི ཏ་སྨིཾ་ཡེ་ཝ རཱུ་པ་བྷ་ཝེ ཋ་ཏྭཱ པ་རི་ནི་བྦཱ་ཡ་ཏི, ན ཧེ་ཊྛཱ ཨོ་ཏ་ར་ཏི. ཡ་དི་དཾ ག་ཏི་ཡཱ ཨུ་པ་པ་ཏྟི་ཡཱ ས་ཏཱིཏི ཡཾ ཨི་དཾ ག་ཏི་ཡཱ ཙ ཨུ་པ་པ་ཏྟི་ཡཱ ཙ ས་ཏི སེ་ཁ་སྶ ཨ་རི་ཡ་སཱ་ཝ་ཀ་སྶ པ་ཊི་ས་ནྡྷི་ཝ་སེ་ན ཧེ་ཊྛཱ ཨ་ནོ་ཏ་རི་ཏྭཱ ཏ་སྨིཾ་ཡེ་ཝ རཱུ་པ་བྷ་ཝེ ཨུ་པ་རི དུ་ཏི་ཡ་ཏ་ཏི་ཡཱ་དཱི་སུ ཨ་ཉྙ་ཏ་ར་སྨིཾ བྲ་ཧྨ་ལོ་ཀེ པ་རི་ནི་བྦཱ་ནཾ, པུ་ཐུ་ཛྫ་ན་སྶ པ་ན ནི་ར་ཡཱ་དི་ག་མ་ནཾ, ཨི་དཾ ནཱ་ནཱ་ཀ་ར་ཎ་ནྟི ཨ་ཏྠོ.

དྭེ ཀ་པྤཱཏི ཨེ་ཏྠཱ་པི དུ་ཏི་ཡ་ཛ྄ཛྷཱ་ནཾ ཝུ་ཏྟ་ན་ཡེ་ནེ་ཝ ཏི་ཝི་དྷཾ ཧོ་ཏི. ཏ་ཏྠ པ་ཎཱི་ཏ་བྷཱ་ཝ་ནེ་ན ནི་བྦ་ཏྟཱ་ནཾ ཨ་ཊྛ་ཀ་པྤཱ ཨཱ་ཡུ་པྤ་མཱ་ཎཾ, མ་ཛ྄ཛྷི་མེ་ན ཙ་ཏྟཱ་རོ, ཧཱི་ནེ་ན དྭེ. ཏཾ ས་ནྡྷཱ་ཡེ་ཏཾ ཝུ་ཏྟཾ. ཙ་ཏྟཱ་རོ ཀ་པྤཱཏི ཨེ་ཏྠ ཡཾ ཧེ་ཊྛཱ ཝུ་ཏྟཾ ‘‘ཀ་པྤོ, དྭེ ཀ་པྤཱ’’ཏི, ཏ་མྤི ཨཱ་ཧ་རི་ཏྭཱ ཨ་ཏྠོ ཝེ་དི་ཏ་བྦོ. ཀ་པྤོ་ཏི ཙ གུ་ཎ་སྶ་པི ནཱ་མཾ, ཏ་སྨཱ ཀ་པྤོ དྭེ ཀ་པྤཱ ཙ་ཏྟཱ་རོ ཀ་པྤཱ་ཏི ཨ་ཡ་མེ་ཏྠ ཨ་ཏྠོ ད་ཊྛ་བྦོ. ཨི་དཾ ཝུ་ཏྟཾ ཧོ་ཏི – ཡོ པ་ཋ་མཾ ཝུ་ཏྟོ ཀ་པྤོ, སོ དྭེ ཝཱ་རེ ག་ཎེ་ཏྭཱ ཨེ་ཀེ་ན གུ་ཎེ་ན དྭེ ཀ་པྤཱ ཧོ་ནྟི, དུ་ཏི་ཡེ་ན ཙ་ཏྟཱ་རོ, པུ་ན ཏེ ཙ་ཏྟཱ་རོ ཀ་པྤཱ་ཏི ཨི་མེ་ཧི ཙ་ཏཱུ་ཧི གུ་ཎེ་ཧི གུ་ཎི་ཏཱ ཨེ་ཀེ་ན གུ་ཎེ་ན ཨ་ཊྛ ཧོ་ནྟི, དུ་ཏི་ཡེ་ན སོ་ལ༹་ས, ཏ་ཏི་ཡེ་ན དྭ་ཏྟིཾ་ས, ཙ་ཏུ་ཏྠེ་ན ཙ་ཏུ་ས་ཊྛཱི་ཏི. ཨེ་ཝ་མི་དྷ པ་ཎཱི་ཏ་ཛ྄ཛྷཱ་ན་ཝ་སེ་ན ཙ་ཏུ་ས་ཊྛི ཀ་པྤཱ ག་ཧི་ཏཱ་ཏི ཝེ་དི་ཏ་བྦཱ. པ་ཉྩ ཀ་པྤ་ས་ཏཱ་ནཱིཏི ཨི་དཾ པ་ཎཱི་ཏ་སྶེ་ཝ ཨུ་པ་པ་ཏྟི་ཛ྄ཛྷཱ་ན་སྶ ཝ་སེ་ན ཝུ་ཏྟཾ. ཝེ་ཧ་པྥ་ལེ་སུ ཝཱ པ་ཋ་མ་ཛ྄ཛྷཱ་ན་བྷཱུ་མི་ཨཱ་དཱི་སུ ཝི་ཡ ཏི་ཎྞཾ བྲ་ཧྨ་ལོ་ཀཱ་ནཾ ཨ་བྷཱ་ཝ་ཏོ ཨེ་ཏྟ་ཀ་མེ་ཝ ཨཱ་ཡུ་པྤ་མཱ་ཎཾ. ཏ་སྨཱ ཨེ་ཝཾ ཝུ་ཏྟཾ.