༨. ཝི་སཱ་ཁ་སུ་ཏྟ་ཝ་ཎྞ་ནཱ

༤༨. ཨ་ཊྛ་མེ པ་ཉྩཱ་ལ་པུ་ཏྟོཏི པ་ཉྩཱ་ལ་བྲཱ་ཧྨ་ཎི་ཡཱ པུ་ཏྟོ. པོ་རི་ཡཱ ཝཱ་ཙཱ་ཡཱཏི པ་རི་པུ་ཎྞ་ཝཱ་ཙཱ་ཡ. ཝི་སྶ་ཊྛཱ་ཡཱཏི ཨ་པ་ལི་བུ་དྡྷཱ་ཡ. ཨ་ནེ་ལ་ག་ལཱ་ཡཱཏི ནི་དྡོ་སཱ་ཡ ཙེ་ཝ ཨ་ག་ལི༹་ཏཱ་ཡ ཙ ཨ་པ་ཏི་ཏ་པ་ད་བྱ་ཉྫ་ནཱ་ཡ. པ་རི་ཡཱ་པ་ནྣཱ་ཡཱཏི ཝི་ཝ་ཊྚ་པ་རི་ཡཱ་པ་ནྣཱ་ཡ. ཨ་ནི་སྶི་ཏཱ་ཡཱཏི ཝ་ཊྚཾ ཨ་ནི་སྶི་ཏཱ་ཡ. ཝི་ཝ་ཊྚ་ནི་སྶི་ཏ་མེ་ཝ ཀ་ཏྭཱ ཀ་ཐེ་ཏི, ཝ་ཊྚ་ནི་སྶི་ཏཾ ཀ་ཏྭཱ ན ཀ་ཐེ་ཏཱི་ཏི ཨ་ཡ་མེ་ཏྠ ཨ་དྷི་པྤཱ་ཡོ.

ནཱ་བྷཱ་ས་མཱ་ནནྟི ན ཨ་ཀ་ཐེ་ནྟཾ. ཨ་མ་ཏཾ པ་དནྟི ནི་བྦཱ་ན་པ་དཾ. བྷཱ་ས་ཡེཏི ཨོ་བྷཱ་སེ་ཡྻ. ཛོ་ཏ་ཡེཏི ཏ་སྶེ་ཝ ཝེ་ཝ་ཙ་ནཾ. པ་གྒ་ཎྷེ ཨི་སི་ནཾ དྷ་ཛནྟི ཨ་བྦྷུ་གྒ་ཏ་ཊྛེ་ན ན་ཝ་ལོ་ཀུ་ཏྟ་ར་དྷ་མྨོ ཨི་སཱི་ནཾ དྷ་ཛོ ནཱ་མ ཝུ་ཙྩ་ཏི, ཏ་མེ་ཝ པ་གྒ་ཎྷེ་ཡྻ ཨུ་ཀྑི་པེ་ཡྻ, ཨུ་ཙྩཾ ཀ་ཏྭཱ ཀ་ཐེ་ཡྻཱ་ཏི ཨ་ཏྠོ. ན་ཝ་ལོ་ཀུ་ཏྟ་ར་དྷ་མྨ་དཱི་པ་ཀཾ སུ་བྷཱ་སི་ཏཾ དྷ་ཛོ ཨེ་ཏེ་ས་ནྟི སུ་བྷཱ་སི་ཏ་དྷ་ཛཱ. ཨི་ས་ཡོཏི བུ་དྡྷཱ་ད་ཡོ ཨ་རི་ཡཱ. དྷ་མྨོ ཧི ཨི་སི་ནཾ དྷ་ཛོཏི ཧེ་ཊྛཱ ཝུ་ཏྟ་ན་ཡེ་ནེ་ཝ ལོ་ཀུ་ཏྟ་ར་དྷ་མྨོ ཨི་སཱི་ནཾ དྷ་ཛོ ནཱ་མཱ་ཏི.