༤. པ་སཱ་ད་སུ་ཏྟ་ཝ་ཎྞ་ནཱ

༣༤. ཙ་ཏུ་ཏྠེ ཨ་གྒེ་སུ པ་སཱ་དཱ, ཨ་གྒཱ ཝཱ པ་སཱ་དཱ་ཏི ཨ་གྒ་པྤ་སཱ་དཱ. ཡཱ་ཝ་ཏཱཏི ཡ་ཏྟ་ཀཱ. ཨ་པ་དཱཏི ནི་པྤ་དཱ ཨ་ཧི་མ་ཙྪཱ་ད་ཡོ. དྭི་པ་དཱཏི མ་ནུ་སྶ་པ་ཀྑི་ཨཱ་ད་ཡོ. ཙ་ཏུ་པྤ་དཱཏི ཧ་ཏྠི་ཨ་སྶཱ་ད་ཡོ. བ་ཧུ་པྤ་དཱཏི ས་ཏ་པ་དི་ཨཱ་ད་ཡོ. ནེ་ཝ་ས་ཉྙི་ནཱ་ས་ཉྙི་ནོཏི བྷ་ཝ་གྒེ ནི་བྦ་ཏྟ་ས་ཏྟཱ. ཨ་གྒ་མ་ཀྑཱ་ཡ་ཏཱིཏི གུ་ཎེ་ཧི ཨ་གྒོ ཨུ་ཏྟ་མོ སེ་ཊྛོ་ཏི ཨ་ཀྑཱ་ཡ་ཏི. ཨ་ས་ངྑ་ཏཱཏི ནི་བྦཱ་ན་མེ་ཝ ག་ཧེ་ཏྭཱ ཝུ་ཏྟཾ. ཝི་རཱ་གོཏི་ཨཱ་དཱི་ནི ནི་བྦཱ་ན་སྶེ་ཝ ནཱ་མཱ་ནི. ཏ་ཉྷི ཨཱ་ག་མྨ ས་བྦ་ཀི་ལེ་སཱ ཝི་ར་ཛྫ་ནྟི, ས་བྦེ རཱ་ག་མ་དཱ་ད་ཡོ མ་དཱ ནི་མྨ་དཱ ཧོ་ནྟི, ཨ་བྷཱ་ཝཾ ག་ཙྪ་ནྟི, ས་བྦཱ པི་པཱ་སཱ ཝི་ན་ཡཾ ཨུ་པེ་ནྟི, ས་བྦེ ཨཱ་ལ་ཡཱ ས་མུ་གྒྷཱ་ཏཾ ག་ཙྪ་ནྟི, ཝ་ཊྚཱ་ནི ཨུ་པ་ཙྪི་ཛྫ་ནྟི, ཏ་ཎྷཱ ཁཱི་ཡ་ནྟི, ཝ་ཊྚ་དུ་ཀྑཱ ནི་རུ་ཛ྄ཛྷ་ནྟི, ས་བྦེ པ་རི་ལཱ༹་ཧཱ ནི་བྦཱ་ཡ་ནྟི. ཏ་སྨཱ ཨེ་ཏཱ་ནི ནཱ་མཱ་ནི ལ་བྷ་ཏི. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝཱ་ཏི.