༦. ཀུ་ཧ་སུ་ཏྟ་ཝ་ཎྞ་ནཱ

༢༦. ཚ་ཊྛེ ཀུ་ཧཱཏི ཀུ་ཧ་ཀཱ. ཐ་དྡྷཱཏི ཀོ་དྷེ་ན ཙ མཱ་ནེ་ན ཙ ཐ་དྡྷཱ. ལ་པཱཏི ཨུ་པ་ལཱ་པ་ཀཱ. སི་ངྒཱིཏི ‘‘ཏ་ཏྠ ཀ་ཏ་མཾ སི་ངྒཾ, ཡཾ སི་ངྒཾ སི་ངྒཱ་ར་ཏཱ ཙཱ་ཏུ་ར་ཏཱ ཙཱ་ཏུ་རི་ཡཾ པ་རི་ཀྑ་ཏྟ་ཏཱ པཱ་རི་ཀྑ་ཏྟི་ཡ’’ནྟི (ཝི་བྷ. ༨༥༢) ཨེ་ཝཾ ཝུ་ཏྟེ་ཧི སི་ངྒ་ས་དི་སེ་ཧི པཱ་ཀ་ཊ་ཀི་ལེ་སེ་ཧི ས་མ་ནྣཱ་ག་ཏཱ. ཨུ་ནྣ་ལཱ༹ཏི ཨུ་གྒ་ཏ་ན་ལཱ༹ ཏུ་ཙྪ་མཱ་ནཾ ཨུ་ཀྑི་པི་ཏྭཱ ཋི་ཏཱ. ཨ་ས་མཱ་ཧི་ཏཱཏི ཙི་ཏྟེ་ཀ་གྒ་མ་ཏྟ་སྶཱ་པི ཨ་ལཱ་བྷི་ནོ. ན མེ ཏེ, བྷི་ཀྑ་ཝེ, བྷི་ཀྑཱུ མཱ་མ་ཀཱཏི ཏེ མ་ཡ྄ཧཾ བྷི་ཀྑཱུ མ་མ ས་ནྟ་ཀཱ ན ཧོ་ནྟི. ‘‘ཏེ མ་ཡ྄ཧ’’ནྟི ཨི་དཾ པ་ན ས་ཏྠཱ་རཾ ཨུ་དྡི་སྶ པ་བྦ་ཛི་ཏ་ཏྟཱ ཝུ་ཏྟཾ. ཏེ ཁོ མེ, བྷི་ཀྑ་ཝེ, བྷི་ཀྑཱུ མཱ་མ་ཀཱཏི ཨི་དྷཱ་པི མེ་ཏི ཨ་ཏྟཱ་ནཾ ཨུ་དྡི་སྶ པ་བྦ་ཛི་ཏ་ཏྟཱ ཝ་ད་ཏི, ས་མྨཱ་པ་ཊི་པ་ནྣ་ཏྟཱ པ་ན ‘‘མཱ་མ་ཀཱ’’ཏི ཨཱ་ཧ. ཝུ་དྡྷིཾ ཝི་རཱུ་ལ༹ྷིཾ ཝེ་པུ་ལླཾ ཨཱ་པ་ཛྫ་ནྟཱིཏི སཱི་ལཱ་དཱི་ཧི གུ་ཎེ་ཧི ཝ་ཌྜྷ་ན་ཏོ ཝུ་དྡྷིཾ, ནི་ཙྩ་ལ་བྷཱ་ཝེ་ན ཝི་རཱུ་ལ༹ྷིཾ, ས་བྦ་ཏྠ པ་ཏྠ་ཊ་ཏཱ་ཡ ཝེ་པུ་ལླཾ པཱ་པུ་ཎ་ནྟི. ཏེ པ་ནེ་ཏེ ཡཱ་ཝ ཨ་ར་ཧ་ཏྟ་མ་གྒཱ ཝི་རུ་ཧ་ནྟི, ཨ་ར་ཧ་ཏྟ་ཕ་ལཾ པ་ཏྟེ ཝི་རཱུ་ལ༹ྷཱ ནཱ་མ ཧོ་ནྟི. ཨི་ཏི ཨི་མ་སྨིཾ སུ་ཏྟེ་པི གཱ་ཐཱ་སུ་པི ཝ་ཊྚ་ཝི་ཝ་ཊྚ་མེ་ཝ ཀ་ཐི་ཏཾ.