༡. ཨཱ་པཱ་ཡི་ཀ་སུ་ཏྟ་ཝ་ཎྞ་ནཱ

༡༡༤. དུ་ཏི་ཡ་སྶ པ་ཋ་མེ ཨ་པཱ་ཡཾ ག་ཙྪི་སྶ་ནྟཱི་ཏི ཨཱ་པཱ་ཡི་ཀཱ. ནི་ར་ཡཾ ག་ཙྪི་སྶ་ནྟཱི་ཏི ནེ་ར་ཡི་ཀཱ. ཨི་ད་མ་པྤ་ཧཱ་ཡཱཏི ཨི་དཾ བྲ་ཧྨ་ཙཱ་རི་པ་ཊི་ཉྙ་ཏཱ་དིཾ པཱ་པ་དྷ་མྨ་ཏྟ་ཡཾ ཨ་ཝི་ཛ་ཧི་ཏྭཱ. བྲ་ཧྨ་ཙཱ་རི་པ་ཊི་ཉྙོཏི བྲ་ཧྨ་ཙཱ་རི་པ་ཊི་རཱུ་པ་ཀོ, ཏེ་སཾ ཝཱ ཨཱ་ཀ་པྤཾ ཨ་ཝི་ཛ་ཧ་ནེ་ན ‘‘ཨ་ཧ་མྤི བྲ་ཧྨ་ཙཱ་རཱི’’ཏི ཨེ་ཝཾ་པ་ཊི་ཉྙོ. ཨ་ནུ་དྡྷཾ་སེ་ཏཱིཏི ཨ་ཀྐོ་ས་ཏི པ་རི་བྷཱ་ས་ཏི ཙོ་དེ་ཏི. ན་ཏྠི ཀཱ་མེ་སུ དོ་སོཏི ཀི་ལེ་ས་ཀཱ་མེ་ན ཝ་ཏྠུ་ཀཱ་མེ སེ་ཝ་ནྟ་སྶ ན་ཏྠི དོ་སོ. པཱ་ཏ་བྱ་ཏནྟི པི་ཝི་ཏ་བྦ་ཏཾ པ་རི་བྷུ་ཉྫི་ཏ་བྦ་ཏཾ ནི་རཱ་ས་ངྐེ་ན ཙི་ཏྟེ་ན པི་པཱ་སི་ཏ་སྶ པཱ་ནཱི་ཡ་པི་ཝ་ན་ས་དི་སཾ པ་རི་བྷུ་ཉྫི་ཏ་བྦ་ཏཾ. ཨི་མ་སྨིཾ སུ་ཏྟེ ཝ་ཊྚ་མེ་ཝ ཀ་ཐི་ཏཾ.