༩. པ་ཋ་མ་ནི་དཱ་ན་སུ་ཏྟ་ཝ་ཎྞ་ནཱ

༡༡༢. ན་ཝ་མེ ནི་དཱ་ནཱ་ནཱིཏི ཀཱ་ར་ཎཱ་ནི. ཀ་མྨཱ་ནཾ ས་མུ་ད་ཡཱ་ཡཱཏི ཝ་ཊྚ་གཱ་མི་ཀ་མྨཱ་ནཾ པི་ཎྜ་ཀ་ར་ཎ་ཏྠཱ་ཡ. ལོ་བྷ་པ་ཀ་ཏནྟི ལོ་བྷེ་ན པ་ཀ་ཏཾ. སཱ་ཝ་ཛྫནྟི ས་དོ་སཾ. ཏཾ ཀ་མྨཾ ཀ་མྨ་ས་མུ་ད་ཡཱ་ཡ སཾ་ཝ་ཏྟ་ཏཱིཏི ཏཾ ཀ་མྨཾ ཨ་ཉྙེ་ས་མྤི ཝ་ཊྚ་གཱ་མི་ཀ་མྨཱ་ནཾ ས་མུ་ད་ཡཱ་ཡ པི་ཎྜ་ཀ་ར་ཎ་ཏྠཱ་ཡ སཾ་ཝ་ཏྟ་ཏི. ན ཏཾ ཀ་མྨཾ ཀ་མྨ་ནི་རོ་དྷཱ་ཡཱཏི ཏཾ པ་ན ཀ་མྨཾ ཝ་ཊྚ་གཱ་མི་ཀ་མྨཱ་ནཾ ནི་རོ་དྷ་ཏྠཱ་ཡ ན སཾ་ཝ་ཏྟ་ཏི. སུ་ཀྐ་པ་ཀྑེ ཀ་མྨཱ་ནཾ ས་མུ་ད་ཡཱ་ཡཱཏི ཝི་ཝ་ཊྚ་གཱ་མི་ཀ་མྨཱ་ནཾ ས་མུ་ད་ཡ་ཏྠཱ་ཡ. ཨི་མི་ནཱ ན་ཡེ་ན ས་བྦཾ ཨ་ཏྠ་ཏོ ཝེ་དི་ཏ་བྦཾ.