༢. ཨཱ་ཛཱི་ཝ་ཀ་སུ་ཏྟ་ཝ་ཎྞ་ནཱ

༧༣. དུ་ཏི་ཡེ ཏེ་ན ཧི ག་ཧ་པ་ཏཱིཏི ཐེ་རོ ཀི་ར ཙི་ནྟེ་སི – ‘‘ཨ་ཡཾ ཨི་དྷ ཨཱ་ག་ཙྪ་ནྟོ ན ཨ་ཉྙཱ་ཏུ་ཀཱ་མོ ཧུ་ཏྭཱ ཨཱ་ག་མི, པ་རི་གྒ་ཎྷ་ན་ཏྠཾ པ་ན ཨཱ་ག་ཏོ. ཨི་མི་ནཱ པུ་ཙྪི་ཏ་པ་ཉྷཾ ཨི་མི་ནཱ་ཝ ཀ་ཐཱ་པེ་སྶཱ་མཱི’’ཏི. ཨི་ཏི ཏཾ་ཡེ་ཝ ཀ་ཐཾ ཀ་ཐཱ་པེ་ཏུ་ཀཱ་མོ ཏེ་ན ཧཱིཏི་ཨཱ་དི་མཱ་ཧ. ཏ་ཏྠ ཏེ་ན ཧཱིཏི ཀཱ་ར་ཎཱ་པ་དེ་སོ. ཡ་སྨཱ ཏྭཾ ཨེ་ཝཾ པུ་ཙྪ་སི, ཏ་སྨཱ ཏ་ཉྙེ་ཝེ་ཏྠ པ་ཊི་པུ་ཙྪཱ་མཱི་ཏི. ཀེ་སཾ ནོཏི ཀ་ཏ་མེ་སཾ ནུ. ས་དྷ་མྨུ་ཀྐཾ་ས་ནཱཏི ཨ་ཏྟ་ནོ ལ་དྡྷི་ཡཱ ཨུ་ཀྑི་པི་ཏྭཱ ཋ་པ་ནཱ. པ་ར་དྷ་མྨཱ་པ་སཱ་ད་ནཱཏི པ་རེ་སཾ ལ་དྡྷི་ཡཱ གྷ་ཊྚ་ནཱ ཝ་མྦྷ་ནཱ ཨ་ཝ་ཀྑི་པ་ནཱ. ཨཱ་ཡ་ཏ་ནེ་ཝ དྷ་མྨ་དེ་ས་ནཱཏི ཀཱ་ར་ཎ་སྨིཾ་ཡེ་ཝ དྷ་མྨ་དེ་ས་ནཱ. ཨ་ཏྠོ ཙ ཝུ་ཏྟོཏི མ་ཡཱ པུ་ཙྪི་ཏ་པ་ཉྷཱ་ཡ ཨ་ཏྠོ ཙ པ་ཀཱ་སི་ཏོ. ཨ་ཏྟཱ ཙ ཨ་ནུ་པ་ནཱི་ཏོཏི ཨ་མྷེ ཨེ་ཝ་རཱུ་པཱ་ཏི ཨེ་ཝཾ ཨ་ཏྟཱ ཙ ན ཨུ་པ་ནཱི་ཏོ. ནུ་པ་ནཱི་ཏོ་ཏི་པི པཱ་ཋོ.