༦. སཱི་ལ་ཝ་ནྟ་སུ་ཏྟ་ཝ་ཎྞ་ནཱ

༤༦. ཚ་ཊྛེ ཏཱི་ཧི ཋཱ་ནེ་ཧཱིཏི ཏཱི་ཧི ཀཱ་ར་ཎེ་ཧི. ཀཱ་ཡེ་ནཱཏི་ཨཱ་དཱི་སུ བྷི་ཀྑཱུ ཨཱ་ག་ཙྪ་ནྟེ དི་སྭཱ པ་ཙྩུ་གྒ་མ་ནཾ ཀ་རོ་ནྟཱ ག་ཙྪ་ནྟེ ཨ་ནུ་ག་ཙྪ་ནྟཱ ཨཱ་ས་ན་སཱ་ལཱ་ཡ ས་མྨ་ཛྫ་ན་ཨུ་པ་ལེ་པ་ནཱ་དཱི་ནི ཀ་རོ་ནྟཱ ཨཱ་ས་ནཱ་ནི པ་ཉྙཱ་པེ་ནྟཱ པཱ་ནཱི་ཡཾ པ་ཙྩུ་པ་ཊྛཱ་པེ་ནྟཱ ཀཱ་ཡེ་ན པུ་ཉྙཾ པ་ས་ཝ་ནྟི ནཱ་མ. བྷི་ཀྑུ་ས་ངྒྷཾ པི་ཎྜཱ་ཡ ཙ་ར་ནྟཾ དི་སྭཱ ‘‘ཡཱ་གུཾ དེ་ཐ, བྷ་ཏྟཾ དེ་ཐ, ས་པྤི་ན་ཝ་ནཱི་ཏཱ་དཱི་ནི དེ་ཐ, ག་ནྡྷ་པུ་པྥཱ་དཱི་ཧི པཱུ་ཛེ་ཐ, ཨུ་པོ་ས་ཐཾ ཨུ་པ་ཝ་ས་ཐ, དྷ་མྨཾ སུ་ཎཱ་ཐ, ཙེ་ཏི་ཡཾ ཝ་ནྡ་ཐཱ’’ཏི་ཨཱ་དཱི་ནི ཝ་ད་ནྟཱ ཝཱ་ཙཱ་ཡ པུ་ཉྙཾ པ་ས་ཝ་ནྟི ནཱ་མ. བྷི་ཀྑཱུ པི་ཎྜཱ་ཡ ཙ་ར་ནྟེ དི་སྭཱ ‘‘ལ་བྷ་ནྟཱུ’’ཏི ཙི་ནྟེ་ནྟཱ མ་ན་སཱ པུ་ཉྙཾ པ་ས་ཝ་ནྟི ནཱ་མ. པ་ས་ཝ་ནྟཱིཏི པ་ཊི་ལ་བྷ་ནྟི. པུ་ཉྙཾ པ་ནེ་ཏྠ ལོ་ཀི་ཡ་ལོ་ཀུ་ཏྟ་ར་མི་སྶ་ཀཾ ཀ་ཐི་ཏཾ.