༡༠. ཨཱ་ཏ་པྤ་ཀ་ར་ཎཱི་ཡ་སུ་ཏྟ་ཝ་ཎྞ་ནཱ

༥༠. ད་ས་མེ ཨཱ་ཏ་པྤཾ ཀ་ར་ཎཱི་ཡནྟི ཝཱི་རི་ཡཾ ཀཱ་ཏུཾ ཡུ་ཏྟཾ. ཨ་ནུ་པྤཱ་དཱ་ཡཱཏི ཨ་ནུ་པྤཱ་ད་ཏྠཱ་ཡ, ཨ་ནུ་པྤཱ་དཾ སཱ་དྷེ་སྶཱ་མཱི་ཏི ཨི་མི་ནཱ ཀཱ་ར་ཎེ་ན ཀ་ཏྟ་བྦ་ནྟི ཨ་ཏྠོ. པ་ར་ཏོ་པི ཨེ་སེ་ཝ ན་ཡོ. སཱ་རཱི་རི་ཀཱ་ནནྟི ས་རཱི་ར་ས་མྦྷ་ཝཱ་ནཾ. དུ་ཀྑཱ་ནནྟི དུ་ཀྑ་མཱ་ནཾ. ཏི་བྦཱ་ནནྟི བ་ཧ་ལཱ་ནཾ, ཏཱ་པ་ན་ཝ་སེ་ན ཝཱ ཏི་བྦཱ་ནཾ. ཁ་རཱ་ནནྟི ཕ་རུ་སཱ་ནཾ. ཀ་ཊུ་ཀཱ་ནནྟི ཏི་ཁི་ཎཱ་ནཾ. ཨ་སཱ་ཏཱ་ནནྟི ཨ་མ་དྷུ་རཱ་ནཾ. ཨ་མ་ནཱ་པཱ་ནནྟི མ་ནཾ ཝ་ཌྜྷེ་ཏུཾ ཨ་ས་མ་ཏྠཱ་ནཾ. པཱ་ཎ་ཧ་རཱ་ནནྟི ཛཱི་ཝི་ཏ་ཧ་རཱ་ནཾ. ཨ་དྷི་ཝཱ་ས་ནཱ་ཡཱཏི ཨ་དྷི་ཝཱ་ས་ན་ཏྠཱ་ཡ ས་ཧ་ན་ཏྠཱ་ཡ ཁ་མ་ན་ཏྠཱ་ཡ.

ཨེ་ཏྟ་ཀེ ཋཱ་ནེ ས་ཏྠཱ ཨཱ་ཎཱ་པེ་ཏྭཱ ཨཱ་ཎ་ཏྟིཾ པ་ཝ་ཏྟེ་ཏྭཱ ཨི་དཱ་ནི ས་མཱ་ད་པེ་ནྟོ ཡ་ཏོ ཁོ, བྷི་ཀྑ་ཝེཏི་ཨཱ་དི་མཱ་ཧ. ཏ་ཏྠ ཡ་ཏོཏི ཡ་དཱ. ཨཱ་ཏཱ་པཱིཏི ཝཱི་རི་ཡ་ཝཱ. ནི་པ་ཀོཏི ས་པྤ་ཉྙོ. ས་ཏོཏི ས་ཏི་ཡཱ ས་མ་ནྣཱ་ག་ཏོ. དུ་ཀྑ་སྶ ཨ་ནྟ་ཀི་རི་ཡཱ་ཡཱཏི ཝ་ཊྚ་དུ་ཀྑ་སྶ པ་རི་ཙྪེ་ད་པ་རི་ཝ་ཊུ་མ་ཀི་རི་ཡཱ་ཡ. ཨི་མེ ཙ པ་ན ཨཱ་ཏཱ་པཱ་ད་ཡོ ཏ་ཡོ་པི ལོ་ཀི་ཡ་ལོ་ཀུ་ཏྟ་ར་མི་སྶ་ཀཱ ཀ་ཐི་ཏཱ.