༡. ས་མྨུ་ཁཱི་བྷཱ་ཝ་སུ་ཏྟ་ཝ་ཎྞ་ནཱ

༤༡. པ་ཉྩ་མ་སྶ པ་ཋ་མེ ས་མྨུ་ཁཱི་བྷཱ་ཝཱཏི ས་མྨུ་ཁཱི་བྷཱ་ཝེ་ན, ཝི་ཛྫ་མཱ་ན་ཏཱ་ཡཱ་ཏི ཨ་ཏྠོ. པ་ས་ཝ་ཏཱིཏི པ་ཊི་ལ་བྷ་ཏི. ས་དྡྷཱ་ཡ ས་མྨུ་ཁཱི་བྷཱ་ཝཱཏི ཡ་དི ཧི ས་དྡྷཱ ན བྷ་ཝེ་ཡྻ, དེ་ཡྻ་དྷ་མྨོ ན བྷ་ཝེ་ཡྻ, ད་ཀྑི་ཎེ་ཡྻ་ས་ངྑཱ་ཏཱ པ་ཊི་གྒཱ་ཧ་ཀ་པུ་གྒ་ལཱ ན བྷ་ཝེ་ཡྻུཾ, ཀ་ཐཾ པུ་ཉྙ་ཀ་མྨཾ ཀ་རེ་ཡྻ. ཏེ་སཾ པ་ན ས་མྨུ་ཁཱི་བྷཱ་ཝེ་ན ས་ཀྐཱ ཀཱ་ཏུ་ནྟི ཏ་སྨཱ ‘‘ས་དྡྷཱ་ཡ ས་མྨུ་ཁཱི་བྷཱ་ཝཱ’’ཏི་ཨཱ་དི་མཱ་ཧ. ཨེ་ཏྠ ཙ དྭེ དྷ་མྨཱ སུ་ལ་བྷཱ དེ་ཡྻ་དྷ་མྨཱ ཙེ་ཝ ད་ཀྑི་ཎེ་ཡྻཱ ཙ, ས་དྡྷཱ པ་ན དུ་ལླ་བྷཱ. པུ་ཐུ་ཛྫ་ན་སྶ ཧི ས་དྡྷཱ ཨ་ཐཱ་ཝ་རཱ པ་ད་ཝཱ་རེ་ན ནཱ་ནཱ ཧོ་ཏི, ཏེ་ནེ་ཝ མ་ཧཱ་མོ་གྒ་ལླཱ་ན་ས་དི་སོ་པི ཨ་གྒ་སཱ་ཝ་ཀོ པཱ་ཊི་བྷོ་གོ བྷ་ཝི་ཏུཾ ཨ་ས་ཀྐོ་ནྟོ ཨཱ་ཧ – ‘‘དྭི་ནྣཾ ཁོ ཏེ ཨ་ཧཾ, ཨཱ་ཝུ་སོ, དྷ་མྨཱ་ནཾ པཱ་ཊི་བྷོ་གོ བྷོ་གཱ་ན་ཉྩ ཛཱི་ཝི་ཏ་སྶ ཙ, ས་དྡྷཱ་ཡ པ་ན ཏྭཾ་ཡེ་ཝ པཱ་ཊི་བྷོ་གོ’’ཏི (ཨུ་དཱ. ༡༨).