༡༠. མ་ལ་སུ་ཏྟ་ཝ་ཎྞ་ནཱ

༡༠. ད་ས་མེ དུ་སྶཱི་ལ་བྷཱ་ཝོ དུ་སྶཱི་ལྱཾ, དུ་སྶཱི་ལྱ་མེ་ཝ མ་ལཾ དུ་སྶཱི་ལྱ་མ་ལཾ. ཀེ་ན་ཊྛེ་ན མ་ལ་ནྟི? ཨ་ནུ་ད་ཧ་ན་ཊྛེ་ན དུ་གྒ་ནྡྷ་ཊྛེ་ན ཀི་ལི་ཊྛ་ཀ་ར་ཎ་ཊྛེ་ན ཙ. ཏ་ཉྷི ནི་ར་ཡཱ་དཱི་སུ ཨ་པཱ་ཡེ་སུ ཨ་ནུ་ད་ཧ་ཏཱི་ཏི ཨ་ནུ་ད་ཧ་ན་ཊྛེ་ན་པི མ་ལཾ. ཏེ་ན ས་མ་ནྣཱ་ག་ཏོ པུ་གྒ་ལོ མཱ་ཏཱ་པི་ཏཱུ་ན་མྤི ས་ནྟི་ཀེ བྷི་ཀྑུ་ས་ངྒྷ་སྶཱ་པི ཨ་ནྟ་རེ བོ་དྷི་ཙེ་ཏི་ཡ་ཊྛཱ་ནེ་སུ་པི ཛི་གུ་ཙྪ་ནཱི་ཡོ ཧོ་ཏི, ས་བྦ་དི་སཱ་སུ ཙ་སྶ ‘‘ཨེ་ཝ་རཱུ་པཾ ཀི་ར ཏེ་ན པཱ་པ་ཀ་མྨཾ ཀ་ཏ’’ནྟི ཨ་ཝ་ཎྞ་ག་ནྡྷོ ཝཱ་ཡ་ཏཱི་ཏི དུ་གྒ་ནྡྷ་ཊྛེ་ན་པི མ་ལཾ. ཏེ་ན ཙ ས་མ་ནྣཱ་ག་ཏོ པུ་གྒ་ལོ ག་ཏ་ག་ཏ་ཊྛཱ་ནེ ཨུ་པ་ཏཱ་པ་ཉྩེ་ཝ ལ་བྷ་ཏི, ཀཱ་ཡ་ཀ་མྨཱ་དཱི་ནི ཙ་སྶ ཨ་སུ་ཙཱི་ནི ཧོ་ནྟི ཨ་པ་བྷ་སྶ་རཱ་ནཱི་ཏི ཀི་ལི་ཊྛ་ཀ་ར་ཎ་ཊྛེ་ན་པི མ་ལཾ. ཨ་པི་ཙ ཏཾ དེ་ཝ་མ་ནུ་སྶ་ས་མྤ་ཏྟི་ཡོ ཙེ་ཝ ནི་བྦཱ་ན་ས་མྤ་ཏྟི་ཉྩ མི་ལཱ་པེ་ཏཱི་ཏི མི་ལཱ་པ་ན་ཊྛེ་ན་པི མ་ལ་ནྟི ཝེ་དི་ཏ་བྦཾ. ཨི་སྶཱ་མ་ལ་མ་ཙྪེ་ར་མ་ལེ་སུ་པི ཨེ་སེ་ཝ ན་ཡོ.

བཱ་ལ་ཝ་གྒོ པ་ཋ་མོ.