༦. སཾ་ཡོ་ཛ་ན་སུ་ཏྟ་ཝ་ཎྞ་ནཱ

༦. ཚ་ཊྛེ སཾ་ཡོ་ཛ་ནི་ཡེ་སུ དྷ་མྨེ་སཱུཏི ད་ས་ནྣཾ སཾ་ཡོ་ཛ་ནཱ་ནཾ པ་ཙྩ་ཡ་བྷཱུ་ཏེ་སུ ཏེ་བྷཱུ་མ་ཀ་དྷ་མྨེ་སུ. ཨ་སྶཱ་དཱ་ནུ་པ་སྶི་ཏཱཏི ཨ་སྶཱ་ད་ཏོ པ་སྶི་ཏཱ པ་སྶ་ན་བྷཱ་ཝོ་ཏི ཨ་ཏྠོ. ནི་བྦི་དཱ་ནུ་པ་སྶི་ཏཱཏི ནི་བྦི་དཱ་ཝ་སེ་ན ཨུ་ཀྐ་ཎྛ་ན་ཝ་སེ་ན པ་སྶ་ན་བྷཱ་ཝོ. ཛཱ་ཏི་ཡཱཏི ཁ་ནྡྷ་ནི་བྦ་ཏྟི་ཏོ. ཛ་རཱ་ཡཱཏི ཁ་ནྡྷ་པ་རི་པཱ་ཀ་ཏོ. མ་ར་ཎེ་ནཱཏི ཁ་ནྡྷ་བྷེ་ད་ཏོ. སོ་ཀེ་ཧཱིཏི ཨ་ནྟོ་ནི་ཛ྄ཛྷཱ་ཡ་ན་ལ་ཀྑ་ཎེ་ཧི སོ་ཀེ་ཧི. པ་རི་དེ་ཝེ་ཧཱིཏི ཏ་ནྣི་སྶི་ཏ་ལཱ་ལ་པྤི་ཏ་ལ་ཀྑ་ཎེ་ཧི པ་རི་དེ་ཝེ་ཧི. དུ་ཀྑེ་ཧཱིཏི ཀཱ་ཡ་པ་ཊི་པཱི་ལ༹་ན་དུ་ཀྑེ་ཧི. དོ་མ་ན་སྶེ་ཧཱིཏི མ་ནོ་ཝི་གྷཱ་ཏ་དོ་མ་ན་སྶེ་ཧི. ཨུ་པཱ་ཡཱ་སེ་ཧཱིཏི ཨ་དྷི་མ་ཏྟཱ་ཡཱ་ས་ལ་ཀྑ་ཎ་ཨུ་པཱ་ཡཱ་སེ་ཧི. དུ་ཀྑ་སྨཱཏི ས་ཀ་ལ་ཝ་ཊྚ་དུ་ཀྑ་ཏོ. པ་ཛ་ཧ་ཏཱིཏི མ་གྒེ་ན པ་ཛ་ཧ་ཏི. པ་ཧཱ་ཡཱཏི ཨེ་ཏྠ པ་ན ཕ་ལ་ཀྑ་ཎོ ཀ་ཐི་ཏོ. ཨི་མ་སྨིཾ སུ་ཏྟེ ཝ་ཊྚ་ཝི་ཝ་ཊྚཾ ཀ་ཐི་ཏཾ. ཚ་ཊྛཾ.