༣. ཏ་པ་ནཱི་ཡ་སུ་ཏྟ་ཝ་ཎྞ་ནཱ

༣. ཏ་ཏི་ཡེ ཏ་པ་ནཱི་ཡཱཏི ཨི་དྷ ཙེ་ཝ ས་མྤ་རཱ་ཡེ ཙ ཏ་པ་ནྟཱི་ཏི ཏ་པ་ནཱི་ཡཱ. ཏ་པྤ་ཏཱིཏི ཙི་ཏྟ་ས་ནྟཱ་པེ་ན ཏ་པྤ་ཏི ཨ་ནུ་སོ་ཙ་ཏི ཀཱ་ཡ་དུ་ཙྩ་རི་ཏཾ ཀ་ཏྭཱ ན་ནྡ་ཡ་ཀྑོ ཝི་ཡ ན་ནྡ་མཱ་ཎ་ཝོ ཝི་ཡ ན་ནྡ་གོ་གྷཱ་ཏ་ཀོ ཝི་ཡ དེ་ཝ་ད་ཏྟོ ཝི་ཡ དྭེ་བྷཱ་ཏི་ཀཱ ཝི་ཡ ཙ. ཏེ ཀི་ར གཱ་ཝཾ ཝ་དྷི་ཏྭཱ མཾ་སཾ དྭེ ཀོ་ཊྛཱ་སེ ཨ་ཀཾ་སུ. ཏ་ཏོ ཀ་ནི་ཊྛོ ཛེ་ཊྛ་ཀཾ ཨཱ་ཧ – ‘‘མ་ཡ྄ཧཾ དཱ་ར་ཀཱ བ་ཧཱུ, ཨི་མཱ་ནི མེ ཨ་ནྟཱ་ནི དེ་ཧཱི’’ཏི. ཨ་ཐ ནཾ སོ ‘‘ས་བྦཾ མཾ་སཾ དྭེ་དྷཱ ཝི་བྷ་ཏྟཾ, པུ་ན ཀིཾ མ་གྒ་སཱི’’ཏི པ་ཧ་རི་ཏྭཱ ཛཱི་ཝི་ཏ་ཀྑ་ཡཾ པཱ་པེ་སི. ནི་ཝ་ཏྟི་ཏྭཱ ཙ ནཾ ཨོ་ལོ་ཀེ་ནྟོ མ་ཏཾ དི་སྭཱ ‘‘བྷཱ་རི་ཡཾ མེ ཀ་མྨཾ ཀ་ཏ’’ནྟི ཙི་ཏྟཾ ཨུ་པྤཱ་དེ་སི. ཨ་ཐ་སྶ བ་ལ་ཝ་སོ་ཀོ ཨུ་པྤ་ཛྫི. སོ ཋི་ཏ་ཊྛཱ་ནེ་པི ནི་སི་ནྣ་ཊྛཱ་ནེ་པི ཏ་དེ་ཝ ཀ་མྨཾ ཨཱ་ཝ་ཛྫེ་ཏི, ཙི་ཏྟ་སྶཱ་དཾ ན ལ་བྷ་ཏི. ཨ་སི་ཏ་པཱི་ཏ་ཁཱ་ཡི་ཏ་སཱ་ཡི་ཏ་མྤི་སྶ ས་རཱི་རེ ཨོ་ཛཾ ན ཕ་ར་ཏི, ཨ་ཊྛི་ཙ་མྨ་མ་ཏྟ་མེ་ཝ ཨ་ཧོ་སི. ཨ་ཐ ནཾ ཨེ་ཀོ ཐེ་རོ དི་སྭཱ – ‘‘ཨུ་པཱ་ས་ཀ, ཏྭཾ པ་ཧཱུ་ཏ་ཨ་ནྣ་པཱ་ནོ, ཨ་ཊྛི་ཙ་མྨ་མ་ཏྟ་མེ་ཝ ཏེ ཨ་ཝ་སི་ཊྛཾ, ཨ་ཏྠི ནུ ཁོ ཏེ ཀི་ཉྩི ཏ་པ་ནཱི་ཡ་ཀ་མྨ’’ནྟི? སོ ‘‘ཨཱ་མ, བྷ་ནྟེ’’ཏི ས་བྦཾ ཨཱ་རོ་ཙེ་སི. ཨ་ཐ ནཾ ཐེ་རོ ‘‘བྷཱ་རི་ཡཾ ཏེ ཨུ་པཱ་ས་ཀ ཀ་མྨཾ ཀ་ཏཾ, ཨ་ན་པ་རཱ་དྷ་ཊྛཱ་ནེ ཨ་པ་ར་དྡྷ’’ནྟི ཨཱ་ཧ. སོ ཏེ་ནེ་ཝ ཀ་མྨེ་ན ཀཱ་ལཾ ཀ་ཏྭཱ ནི་ར་ཡེ ནི་བྦ་ཏྟོ. ཝ་ཙཱི་དུ་ཙྩ་རི་ཏེ་ན སུ་པྤ་བུ་དྡྷ་ས་ཀྐ་ཀོ་ཀཱ་ལི་ཀ་ཙི་ཉྩ་མཱ་ཎ་ཝི་ཀཱ་ད་ཡོ ཝི་ཡ ཏ་པྤ་ཏི. སེ་ས་མེ་ཏྠ ཙ་ཏུ་ཏྠེ ཙ ཨུ་ཏྟཱ་ན་ཏྠ་མེ་ཝ. ཏ་ཏི་ཡཾ.