༨. ཨ་ཊྛ་ཀ་ནི་དྡེ་སོ
(༡) ཨ་ཊྛ ཀི་ལེ་ས་ཝ་ཏྠཱུ་ནི
༩༥༢. ཏ་ཏྠ ཀ་ཏ་མཱ་ནི ཨ་ཊྛ ཀི་ལེ་ས་ཝ་ཏྠཱུ་ནི? ལོ་བྷོ, དོ་སོ, མོ་ཧོ, མཱ་ནོ, དི་ཊྛི, ཝི་ཙི་ཀི་ཙྪཱ, ཐི་ནཾ, ཨུ་དྡྷ་ཙྩཾ – ཨི་མཱ་ནི ཨ་ཊྛ ཀི་ལེ་ས་ཝ་ཏྠཱུ་ནི.
(༢) ཨ་ཊྛ ཀུ་སཱི་ཏ་ཝ་ཏྠཱུ་ནི
༩༥༣. ཏ་ཏྠ ཀ་ཏ་མཱ་ནི ཨ་ཊྛ ཀུ་སཱི་ཏ་ཝ་ཏྠཱུ་ནི?
(ཀ) ཨི་དྷ བྷི་ཀྑུ་ནཱ ཀ་མྨཾ ཀཱ་ཏ་བྦཾ ཧོ་ཏི. ཏ་སྶ ཨེ་ཝཾ ཧོ་ཏི – ‘‘ཀ་མྨཾ ཁོ མེ ཀཱ་ཏ་བྦཾ བྷ་ཝི་སྶ་ཏི. ཀ་མྨཾ ཁོ པ་ན མེ ཀ་རོ་ནྟ་སྶ ཀཱ་ཡོ ཀི་ལ་མི་སྶ་ཏི. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ པ་ཋ་མཾ ཀུ་སཱི་ཏ་ཝ་ཏྠུ.
(ཁ) པུ་ན ཙ་པ་རཾ བྷི་ཀྑུ་ནཱ ཀ་མྨཾ ཀ་ཏཾ ཧོ་ཏི. ཏ་སྶ ཨེ་ཝཾ ཧོ་ཏི – ‘‘ཨ་ཧཾ ཁོ ཀ་མྨཾ ཨ་ཀཱ་སིཾ. ཀ་མྨཾ ཁོ པ་ན མེ ཀ་རོ་ནྟ་སྶ ཀཱ་ཡོ ཀི་ལ་ནྟོ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ དུ་ཏི་ཡཾ ཀུ་སཱི་ཏ་ཝ་ཏྠུ.
(ག) པུ་ན ཙ་པ་རཾ བྷི་ཀྑུ་ནཱ མ་གྒོ ག་ནྟ་བྦོ ཧོ་ཏི. ཏ་སྶ ཨེ་ཝཾ ཧོ་ཏི – ‘‘མ་གྒོ ཁོ མེ ག་ནྟ་བྦོ བྷ་ཝི་སྶ་ཏི. མ་གྒཾ ཁོ པ་ན མེ ག་ཙྪ་ནྟ་སྶ ཀཱ་ཡོ ཀི་ལ་མི་སྶ་ཏི. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ ཏ་ཏི་ཡཾ ཀུ་སཱི་ཏ་ཝ་ཏྠུ.
(གྷ) པུ་ན ཙ་པ་རཾ བྷི་ཀྑུ་ནཱ མ་གྒོ ག་ཏོ ཧོ་ཏི. ཏ་སྶ ཨེ་ཝཾ ཧོ་ཏི – ‘‘ཨ་ཧཾ ཁོ མ་གྒཾ ཨ་ག་མཱ་སིཾ. མ་གྒཾ ཁོ པ་ན མེ ག་ཙྪ་ནྟ་སྶ ཀཱ་ཡོ ཀི་ལ་ནྟོ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ ཙ་ཏུ་ཏྠཾ ཀུ་སཱི་ཏ་ཝ་ཏྠུ.
(ང) པུ་ན ཙ་པ་རཾ བྷི་ཀྑུ གཱ་མཾ ཝཱ ནི་ག་མཾ ཝཱ པི་ཎྜཱ་ཡ ཙ་ར་ནྟོ ན ལ་བྷ་ཏི ལཱུ་ཁ་སྶ ཝཱ པ་ཎཱི་ཏ་སྶ ཝཱ བྷོ་ཛ་ན་སྶ ཡཱ་ཝ་ད་ཏྠཾ པཱ་རི་པཱུ་རིཾ. ཏ་སྶ ཨེ་ཝཾ ཧོ་ཏི – ‘‘ཨ་ཧཾ ཁོ གཱ་མཾ ཝཱ ནི་ག་མཾ ཝཱ པི་ཎྜཱ་ཡ ཙ་ར་ནྟོ ནཱ་ལ་ཏྠཾ ལཱུ་ཁ་སྶ ཝཱ པ་ཎཱི་ཏ་སྶ ཝཱ བྷོ་ཛ་ན་སྶ ཡཱ་ཝ་ད་ཏྠཾ པཱ་རི་པཱུ་རིཾ. ཏ་སྶ མེ ཀཱ་ཡོ ཀི་ལ་ནྟོ ཨ་ཀ་མྨ་ཉྙོ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ པ་ཉྩ་མཾ ཀུ་སཱི་ཏ་ཝ་ཏྠུ.
(ཙ) པུ་ན ཙ་པ་རཾ བྷི་ཀྑུ གཱ་མཾ ཝཱ ནི་ག་མཾ ཝཱ པི་ཎྜཱ་ཡ ཙ་ར་ནྟོ ལ་བྷ་ཏི ལཱུ་ཁ་སྶ ཝཱ པ་ཎཱི་ཏ་སྶ ཝཱ བྷོ་ཛ་ན་སྶ ཡཱ་ཝ་ད་ཏྠཾ པཱ་རི་པཱུ་རིཾ. ཏ་སྶ ཨེ་ཝཾ ཧོ་ཏི – ‘‘ཨ་ཧཾ ཁོ གཱ་མཾ ཝཱ ནི་ག་མཾ ཝཱ པི་ཎྜཱ་ཡ ཙ་ར་ནྟོ ཨ་ལ་ཏྠཾ ལཱུ་ཁ་སྶ ཝཱ པ་ཎཱི་ཏ་སྶ ཝཱ བྷོ་ཛ་ན་སྶ ཡཱ་ཝ་ད་ཏྠཾ པཱ་རི་པཱུ་རིཾ. ཏ་སྶ མེ ཀཱ་ཡོ ཀི་ལ་ནྟོ ཨ་ཀ་མྨ་ཉྙོ མཱ་སཱ་ཙི་ཏཾ མ་ཉྙེ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ ཚ་ཊྛཾ ཀུ་སཱི་ཏ་ཝ་ཏྠུ.
(ཚ) པུ་ན ཙ་པ་རཾ བྷི་ཀྑུ་ནོ ཨུ་པྤ་ནྣོ ཧོ་ཏི ཨ་པྤ་མ་ཏྟ་ཀོ ཨཱ་བཱ་དྷོ. ཏ་སྶ ཨེ་ཝཾ ཧོ་ཏི – ‘‘ཨུ་པྤ་ནྣོ ཁོ མེ ཨ་ཡཾ ཨ་པྤ་མ་ཏྟ་ཀོ ཨཱ་བཱ་དྷོ. ཨ་ཏྠི ཀ་པྤོ ནི་པ་ཛྫི་ཏུཾ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ ས་ཏྟ་མཾ ཀུ་སཱི་ཏ་ཝ་ཏྠུ.
(ཛ) པུ་ན ཙ་པ་རཾ བྷི་ཀྑུ གི་ལཱ་ནཱ ཝུ་ཊྛི་ཏོ [གི་ལཱ་ན་ཝུ་ཊྛི་ཏོ (ས་དྡ་ནཱི་བྷི) ཨ. ནི. ༦.༡༦ པཱ་ལི༹་ཡཱ ཊཱི་ཀཱ པ་སྶི་ཏ་བྦཱ] ཧོ་ཏི ཨ་ཙི་ར་ཝུ་ཊྛི་ཏོ གེ་ལ་ཉྙཱ. ཏ་སྶ ཨེ་ཝཾ ཧོ་ཏི – ‘‘ཨ་ཧཾ ཁོ གི་ལཱ་ནཱ ཝུ་ཊྛི་ཏོ ཨ་ཙི་ར་ཝུ་ཊྛི་ཏོ གེ་ལ་ཉྙཱ. ཏ་སྶ མེ ཀཱ་ཡོ དུ་བྦ་ལོ ཨ་ཀ་མྨ་ཉྙོ. ཧ་ནྡཱ་ཧཾ ནི་པ་ཛྫཱ་མཱི’’ཏི. སོ ནི་པ་ཛྫ་ཏི; ན ཝཱི་རི་ཡཾ ཨཱ་ར་བྷ་ཏི ཨ་པྤ་ཏྟ་སྶ པ་ཏྟི་ཡཱ, ཨ་ན་དྷི་ག་ཏ་སྶ ཨ་དྷི་ག་མཱ་ཡ, ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཨི་དཾ ཨ་ཊྛ་མཾ ཀུ་སཱི་ཏ་ཝ་ཏྠུ. ཨི་མཱ་ནི ཨ་ཊྛ ཀུ་སཱི་ཏ་ཝ་ཏྠཱུ་ནི.
(༣) ཨ་ཊྛ་སུ ལོ་ཀ་དྷ་མྨེ་སུ ཙི་ཏྟ་སྶ པ་ཊི་གྷཱ་ཏོ
༩༥༤. ཏ་ཏྠ ཀ་ཏ་མེ་སུ ཨ་ཊྛ་སུ ལོ་ཀ་དྷ་མྨེ་སུ ཙི་ཏྟ་སྶ པ་ཊི་གྷཱ་ཏོ? ལཱ་བྷེ སཱ་རཱ་གོ, ཨ་ལཱ་བྷེ པ་ཊི་ཝི་རོ་དྷོ, ཡ་སེ སཱ་རཱ་གོ, ཨ་ཡ་སེ པ་ཊི་ཝི་རོ་དྷོ, པ་སཾ་སཱ་ཡ སཱ་རཱ་གོ, ནི་ནྡཱ་ཡ པ་ཊི་ཝི་རོ་དྷོ, སུ་ཁེ སཱ་རཱ་གོ, དུ་ཀྑེ པ་ཊི་ཝི་རོ་དྷོ – ཨི་མེ་སུ ཨ་ཊྛ་སུ ལོ་ཀ་དྷ་མྨེ་སུ ཙི་ཏྟ་སྶ པ་ཊི་གྷཱ་ཏོ.
(༤) ཨ་ཊྛ་ཨ་ན་རི་ཡ་ཝོ་ཧཱ་རཱ
༩༥༥. ཏ་ཏྠ ཀ་ཏ་མེ ཨ་ཊྛ ཨ་ན་རི་ཡ་ཝོ་ཧཱ་རཱ? ཨ་དི་ཊྛེ དི་ཊྛ་ཝཱ་དི་ཏཱ, ཨ་སྶུ་ཏེ སུ་ཏ་ཝཱ་དི་ཏཱ, ཨ་མུ་ཏེ མུ་ཏ་ཝཱ་དི་ཏཱ, ཨ་ཝི་ཉྙཱ་ཏེ ཝི་ཉྙཱ་ཏ་ཝཱ་དི་ཏཱ, དི་ཊྛེ ཨ་དི་ཊྛ་ཝཱ་དི་ཏཱ, སུ་ཏེ ཨ་སྶུ་ཏ་ཝཱ་དི་ཏཱ, མུ་ཏེ ཨ་མུ་ཏ་ཝཱ་དི་ཏཱ, ཝི་ཉྙཱ་ཏེ ཨ་ཝི་ཉྙཱ་ཏ་ཝཱ་དི་ཏཱ – ཨི་མེ ཨ་ཊྛ ཨ་ན་རི་ཡ་ཝོ་ཧཱ་རཱ.
(༥) ཨ་ཊྛ མི་ཙྪ་ཏྟཱ
༩༥༦. ཏ་ཏྠ ཀ་ཏ་མེ ཨ་ཊྛ མི་ཙྪ་ཏྟཱ? མི་ཙྪཱ་དི་ཊྛི, མི་ཙྪཱ་ས་ངྐ་པྤོ, མི་ཙྪཱ་ཝཱ་ཙཱ, མི་ཙྪཱ་ཀ་མྨ་ནྟོ, མི་ཙྪཱ་ཨཱ་ཛཱི་ཝོ, མི་ཙྪཱ་ཝཱ་ཡཱ་མོ, མི་ཙྪཱ་ས་ཏི, མི་ཙྪཱ་ས་མཱ་དྷི – ཨི་མེ ཨ་ཊྛ མི་ཙྪ་ཏྟཱ.
(༦) ཨ་ཊྛ པུ་རི་ས་དོ་སཱ
༩༥༧. ཏ་ཏྠ ཀ་ཏ་མེ ཨ་ཊྛ པུ་རི་ས་དོ་སཱ? (ཀ) ཨི་དྷ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ [ཙོ་དི་ཡ་མཱ་ནོ (སཱི. སྱཱ.) ཨ. ནི. ༨.༡༤] ‘‘ན ས་རཱ་མི ན ས་རཱ་མཱི’’ཏི ཨ་སྶ་ཏི་ཡཱ་ཝ ནི་བྦེ་ཋེ་ཏི. ཨ་ཡཾ པ་ཋ་མོ པུ་རི་ས་དོ་སོ.
(ཁ) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ཙོ་ད་ཀཾ་ཡེ་ཝ པ་ཊི་པྥ་ར་ཏི – ‘‘ཀིཾ ནུ ཁོ ཏུ་ཡ྄ཧཾ བཱ་ལ་སྶ ཨ་བྱ་ཏྟ་སྶ བྷ་ཎི་ཏེ་ན! ཏྭ་མྤི ནཱ་མ མཾ བྷ་ཎི་ཏ་བྦཾ མ་ཉྙ་སཱི’’ཏི! ཨ་ཡཾ དུ་ཏི་ཡོ པུ་རི་ས་དོ་སོ.
(ག) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ཙོ་ད་ཀཾ་ཡེ་ཝ [ཙོ་ད་ཀ་སྶེ་ཝ (སྱཱ.) ཨ. ནི. ༨.༡༤] པ་ཙྩཱ་རོ་པེ་ཏི – ‘‘ཏྭ་མྤི ཁོ་སི ཨི་ཏྠ་ནྣཱ་མཾ ཨཱ་པ་ཏྟིཾ ཨཱ་པ་ནྣོ. ཏྭཾ ཏཱ་ཝ པ་ཋ་མཾ པ་ཊི་ཀ་རོ་ཧཱི’’ཏི. ཨ་ཡཾ ཏ་ཏི་ཡོ པུ་རི་ས་དོ་སོ.
(གྷ) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ཨ་ཉྙེ་ནཱ་ཉྙཾ པ་ཊི་ཙ་ར་ཏི, བ་ཧི་དྡྷཱ ཀ་ཐཾ ཨ་པ་ནཱ་མེ་ཏི, ཀོ་པ་ཉྩ དོ་ས་ཉྩ ཨ་པྤ་ཙྩ་ཡ་ཉྩ པཱ་ཏུ་ཀ་རོ་ཏི. ཨ་ཡཾ ཙ་ཏུ་ཏྠོ པུ་རི་ས་དོ་སོ.
(ང) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ས་ངྒྷ་མ་ཛ྄ཛྷེ བཱ་ཧཱ་ཝི་ཀྑེ་པ་ཀཾ བྷ་ཎ་ཏི. ཨ་ཡཾ པ་ཉྩ་མོ པུ་རི་ས་དོ་སོ.
(ཙ) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ཨ་ནཱ་དི་ཡི་ཏྭཱ ས་ངྒྷཾ, ཨ་ནཱ་དི་ཡི་ཏྭཱ ཙོ་ད་ཀཾ, སཱ་པ་ཏྟི་ཀོ་ཝ [ཨཱ་པ་ཏྟི་ཀོ་ཝ (ཀ.) ཨ. ནི. ༨.༡༤] ཡེ་ན་ཀཱ་མཾ པ་ཀྐ་མ་ཏི. ཨ་ཡཾ ཚ་ཊྛོ པུ་རི་ས་དོ་སོ.
(ཚ) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ‘‘ནེ་ཝཱ་ཧཾ ཨཱ་པ་ནྣོ་མྷི, ན པ་ནཱ་ཧཾ ཨ་ནཱ་པ་ནྣོ་མྷཱི’’ཏི ཏུ་ཎྷཱི་བྷཱུ་ཏོ ས་ངྒྷཾ ཝི་ཧེ་སེ་ཏི. ཨ་ཡཾ ས་ཏྟ་མོ པུ་རི་ས་དོ་སོ.
(ཛ) པུ་ན ཙ་པ་རཾ བྷི་ཀྑཱུ བྷི་ཀྑུཾ ཨཱ་པ་ཏྟི་ཡཱ ཙོ་དེ་ནྟི. སོ བྷི་ཀྑུ བྷི་ཀྑཱུ་ཧི ཨཱ་པ་ཏྟི་ཡཱ ཙོ་དི་ཡ་མཱ་ནོ ཨེ་ཝ་མཱ་ཧ – ‘‘ཀིཾ ནུ ཁོ ཏུ་མྷེ ཨཱ་ཡ་སྨ་ནྟོ ཨ་ཏི་བཱ་ལ༹ྷཾ མ་ཡི བྱཱ་ཝ་ཊཱ. ཨི་དཱ་ནཱ་ཧཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟི་སྶཱ་མཱི’’ཏི. སོ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟི་ཏྭཱ ཨེ་ཝ་མཱ་ཧ – ‘‘ཨི་དཱ་ནི ཁོ ཏུ་མྷེ ཨཱ་ཡ་སྨ་ནྟོ ཨ་ཏྟ་མ་ནཱ ཧོ་ཐཱ’’ཏི. ཨ་ཡཾ ཨ་ཊྛ་མོ པུ་རི་ས་དོ་སོ. ཨི་མེ ཨ་ཊྛ པུ་རི་ས་དོ་སཱ.
(༧) ཨ་ཊྛ ཨ་ས་ཉྙཱི་ཝཱ་དཱ
༩༥༨. ཏ་ཏྠ ཀ་ཏ་མེ ཨ་ཊྛ ཨ་ས་ཉྙཱི་ཝཱ་དཱ? ‘‘རཱུ་པཱི ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ཨ་ས་ཉྙཱི་ཏི ནཾ པ་ཉྙ་པེ་ནྟི; ཨ་རཱུ་པཱི ཨ་ཏྟཱ…པེ… རཱུ་པཱི ཙ ཨ་རཱུ་པཱི ཙ…པེ… ནེ་ཝ་རཱུ་པཱི་ནཱ་རཱུ་པཱི…པེ… ‘‘ཨ་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ཨ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་ན་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ཨ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་ནྟ་ཝཱ ཙ ཨ་ན་ནྟ་ཝཱ ཙ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ཨ་ས་ཉྙཱི་ཏི ནཾ པ་ཉྙ་པེ་ནྟི; ‘‘ནེ་ཝ་ནྟ་ཝཱ ནཱ་ན་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ཨ་ས་ཉྙཱི་ཏི ནཾ པ་ཉྙ་པེ་ནྟི. ཨི་མེ ཨ་ཊྛ ཨ་ས་ཉྙཱི་ཝཱ་དཱ.
(༨) ཨ་ཊྛ ནེ་ཝ་ས་ཉྙཱི་ནཱ་ས་ཉྙཱི་ཝཱ་དཱ
༩༥༩. ཏ་ཏྠ ཀ་ཏ་མེ ཨ་ཊྛ ནེ་ཝ་ས་ཉྙཱི་ནཱ་ས་ཉྙཱི་ཝཱ་དཱ? ‘‘རཱུ་པཱི ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་རཱུ་པཱི ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘རཱུ་པཱི ཙ ཨ་རཱུ་པཱི ཙ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ནེ་ཝ་རཱུ་པཱི་ནཱ་རཱུ་པཱི ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་ན་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ཨ་ནྟ་ཝཱ ཙ ཨ་ན་ནྟ་ཝཱ ཙ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི; ‘‘ནེ་ཝ་ནྟ་ཝཱ ནཱ་ན་ནྟ་ཝཱ ཨ་ཏྟཱ ཧོ་ཏི ཨ་རོ་གོ པ་རཾ མ་ར་ཎཱ’’ཏི – ནེ་ཝ་ས་ཉྙཱི་ནཱ་ས་ཉྙཱི་ཏི ནཾ པ་ཉྙ་པེ་ནྟི. ཨི་མེ ཨ་ཊྛ ནེ་ཝ་ས་ཉྙཱི་ནཱ་ས་ཉྙཱི་ཝཱ་དཱ.
ཨ་ཊྛ་ཀཾ.