༧. ས་ཏྟ་ཀ་ནི་དྡེ་སོ
(༡) ས་ཏྟཱ་ནུ་ས་ཡཱ
༩༤༩. ཏ་ཏྠ ཀ་ཏ་མེ ས་ཏྟཱ་ནུ་ས་ཡཱ? ཀཱ་མ་རཱ་གཱ་ནུ་ས་ཡོ, པ་ཊི་གྷཱ་ནུ་ས་ཡོ, མཱ་ནཱ་ནུ་ས་ཡོ, དི་ཊྛཱ་ནུ་ས་ཡོ, ཝི་ཙི་ཀི་ཙྪཱ་ནུ་ས་ཡོ, བྷ་ཝ་རཱ་གཱ་ནུ་ས་ཡོ, ཨ་ཝི་ཛྫཱ་ནུ་ས་ཡོ – ཨི་མེ ས་ཏྟ ཨ་ནུ་ས་ཡཱ.
(༢) ས་ཏྟ སཾ་ཡོ་ཛ་ནཱ་ནི
ཏ་ཏྠ ཀ་ཏ་མཱ་ནི ས་ཏྟ སཾ་ཡོ་ཛ་ནཱ་ནི? ཀཱ་མ་རཱ་ག་སཾ་ཡོ་ཛ་ནཾ, པ་ཊི་གྷ་སཾ་ཡོ་ཛ་ནཾ, མཱ་ན་སཾ་ཡོ་ཛ་ནཾ, དི་ཊྛི་སཾ་ཡོ་ཛ་ནཾ, ཝི་ཙི་ཀི་ཙྪཱ་སཾ་ཡོ་ཛ་ནཾ, བྷ་ཝ་རཱ་ག་སཾ་ཡོ་ཛ་ནཾ, ཨ་ཝི་ཛྫཱ་སཾ་ཡོ་ཛ་ནཾ – ཨི་མཱ་ནི ས་ཏྟ སཾ་ཡོ་ཛ་ནཱ་ནི.
(༣) ས་ཏྟ པ་རི་ཡུ་ཊྛཱ་ནཱ་ནི
ཏ་ཏྠ ཀ་ཏ་མཱ་ནི ས་ཏྟ པ་རི་ཡུ་ཊྛཱ་ནཱ་ནི? ཀཱ་མ་རཱ་ག་པ་རི་ཡུ་ཊྛཱ་ནཾ, པ་ཊི་གྷ་པ་རི་ཡུ་ཊྛཱ་ནཾ, མཱ་ན་པ་རི་ཡུ་ཊྛཱ་ནཾ, དི་ཊྛི་པ་རི་ཡུ་ཊྛཱ་ནཾ, ཝི་ཙི་ཀི་ཙྪཱ་པ་རི་ཡུ་ཊྛཱ་ནཾ, བྷ་ཝ་རཱ་ག་པ་རི་ཡུ་ཊྛཱ་ནཾ, ཨ་ཝི་ཛྫཱ་པ་རི་ཡུ་ཊྛཱ་ནཾ – ཨི་མཱ་ནི ས་ཏྟ པ་རི་ཡུ་ཊྛཱ་ནཱ་ནི.
(༤) ས་ཏྟ ཨ་ས་དྡྷ་མྨཱ
༩༥༠. ཏ་ཏྠ ཀ་ཏ་མེ ས་ཏྟ ཨ་ས་དྡྷ་མྨཱ? ཨ་སྶ་དྡྷོ ཧོ་ཏི, ཨ་ཧི་རི་ཀོ ཧོ་ཏི, ཨ་ནོ་ཏྟ་པྤཱི ཧོ་ཏི, ཨ་པྤ་སྶུ་ཏོ ཧོ་ཏི, ཀུ་སཱི་ཏོ ཧོ་ཏི, མུ་ཊྛ་སྶ་ཏཱི ཧོ་ཏི, དུ་པྤ་ཉྙོ ཧོ་ཏི – ཨི་མེ ས་ཏྟ ཨ་ས་དྡྷ་མྨཱ.
(༥) ས་ཏྟ དུ་ཙྩ་རི་ཏཱ་ནི
ཏ་ཏྠ ཀ་ཏ་མཱ་ནི ས་ཏྟ དུ་ཙྩ་རི་ཏཱ་ནི? པཱ་ཎཱ་ཏི་པཱ་ཏོ, ཨ་དི་ནྣཱ་དཱ་ནཾ, ཀཱ་མེ་སུ་མི་ཙྪཱ་ཙཱ་རོ, མུ་སཱ་ཝཱ་དོ, པི་སུ་ཎཱ ཝཱ་ཙཱ, ཕ་རུ་སཱ ཝཱ་ཙཱ, ས་མྥ་པྤ་ལཱ་པོ – ཨི་མཱ་ནི ས་ཏྟ དུ་ཙྩ་རི་ཏཱ་ནི.
(༦) ས་ཏྟ མཱ་ནཱ
ཏ་ཏྠ ཀ་ཏ་མེ ས་ཏྟ མཱ་ནཱ? མཱ་ནོ, ཨ་ཏི་མཱ་ནོ, མཱ་ནཱ་ཏི་མཱ་ནོ, ཨོ་མཱ་ནོ, ཨ་དྷི་མཱ་ནོ, ཨ་སྨི་མཱ་ནོ, མི་ཙྪཱ་མཱ་ནོ – ཨི་མེ ས་ཏྟ མཱ་ནཱ.
(༧) ས་ཏྟ དི་ཊྛི་ཡོ
༩༥༡. (ཀ) ཏ་ཏྠ ཀ་ཏ་མཱ ས་ཏྟ དི་ཊྛི་ཡོ? ཨི་དྷེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛི – ‘‘ཡ་ཏོ ཁོ, བྷོ, ཨ་ཡཾ ཨ་ཏྟཱ རཱུ་པཱི ཙཱ་ཏུ་མ་ཧཱ་བྷཱུ་ཏི་ཀོ [ཙཱ་ཏུ་མྨ་ཧཱ་བྷཱུ་ཏི་ཀོ (སཱི. སྱཱ.)] མཱ་ཏཱ་པེ་ཏྟི་ཀ་ས་མྦྷ་ཝོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(ཁ) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ, བྷོ, ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ བྷོ ཨ་ཉྙོ ཨ་ཏྟཱ དི་བྦོ རཱུ་པཱི ཀཱ་མཱ་ཝ་ཙ་རོ ཀ་བ་ལཱི༹་ཀཱ་ར་བྷ་ཀྑོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ་ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(ག) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ, བྷོ, ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ, བྷོ, ཨ་ཉྙོ ཨ་ཏྟཱ དི་བྦོ རཱུ་པཱི མ་ནོ་མ་ཡོ ས་བྦ་ངྒ་པ་ཙྩ་ངྒཱི ཨ་ཧཱི་ནི་ནྡྲི་ཡོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(གྷ) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ, བྷོ, ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ, བྷོ, ཨ་ཉྙོ ཨ་ཏྟཱ ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨ་ན་ནྟོ ཨཱ་ཀཱ་སོ་ཏི ཨཱ་ཀཱ་སཱ་ན་ཉྩཱ་ཡ་ཏ་ནཱུ་པ་གོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(ང) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ, བྷོ, ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ, བྷོ, ཨ་ཉྙོ ཨ་ཏྟཱ ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཱུ་པ་གོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(ཙ) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ, བྷོ, ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ, བྷོ, ཨ་ཉྙོ ཨ་ཏྟཱ ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ན་ཏྠི ཀི་ཉྩཱི་ཏི ཨཱ་ཀི་ཉྩ་ཉྙཱ་ཡ་ཏ་ནཱུ་པ་གོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི.
(ཚ) ཏ་མ་ཉྙོ ཨེ་ཝ་མཱ་ཧ – ‘‘ཨ་ཏྠི ཁོ པ་ན ཨེ་སོ ཨ་ཏྟཱ ཡཾ ཏྭཾ ཝ་དེ་སི. ‘ནེ་སོ ན་ཏྠཱི’ཏི ཝ་དཱ་མི. ནོ ཙ ཁོ, བྷོ, ཨ་ཡཾ ཨ་ཏྟཱ ཨེ་ཏྟཱ་ཝ་ཏཱ ས་མྨཱ ས་མུ་ཙྪི་ནྣོ ཧོ་ཏི. ཨ་ཏྠི ཁོ, བྷོ, ཨ་ཉྙོ ཨ་ཏྟཱ ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཱུ་པ་གོ. ཏཾ ཏྭཾ ན ཛཱ་ནཱ་སི ན པ་སྶ་སི. ཏ་མ་ཧཾ ཛཱ་ནཱ་མི པ་སྶཱ་མི. སོ ཁོ, བྷོ, ཨ་ཏྟཱ ཡ་ཏོ ཀཱ་ཡ་སྶ བྷེ་དཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏྟཱ་ཝ་ཏཱ ཁོ, བྷོ, ཨ་ཡཾ ཨ་ཏྟཱ ས་མྨཱ ས་མུ་ཙྪི་ནྣོ ཧོ་ཏཱི’’ཏི. ཨི་ཏྠེ་ཀེ ས་ཏོ ས་ཏྟ་སྶ ཨུ་ཙྪེ་དཾ ཝི་ནཱ་སཾ ཝི་བྷ་ཝཾ པ་ཉྙ་པེ་ནྟི. ཨི་མཱ ས་ཏྟ དི་ཊྛི་ཡོ.
ས་ཏྟ་ཀཾ.