༦. ཚ་ཀྐ་ནི་དྡེ་སོ
(༡) ཚ ཝི་ཝཱ་ད་མཱུ་ལཱ་ནི
༩༤༤. ཏ་ཏྠ ཀ་ཏ་མཱ་ནི ཚ ཝི་ཝཱ་ད་མཱུ་ལཱ་ནི? ཀོ་དྷོ, མ་ཀྑོ, ཨི་སྶཱ, སཱ་ཋེ་ཡྻཾ, པཱ་པི་ཙྪ་ཏཱ, ས་ནྡི་ཊྛི་པ་རཱ་མཱ་སི་ཏཱ – ཨི་མཱ་ནི ཚ ཝི་ཝཱ་ད་མཱུ་ལཱ་ནི.
(༢) ཚ ཚ་ནྡ་རཱ་གཱ
ཏ་ཏྠ ཀ་ཏ་མེ ཚ ཚ་ནྡ་རཱ་གཱ? ཚ་ནྡ་རཱ་གཱ གེ་ཧ་སི་ཏཱ དྷ་མྨཱ. མ་ནཱ་པི་ཡེ་སུ རཱུ་པེ་སུ གེ་ཧ་སི་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ, མ་ནཱ་པི་ཡེ་སུ ས་དྡེ་སུ…པེ… མ་ནཱ་པི་ཡེ་སུ ག་ནྡྷེ་སུ…པེ… མ་ནཱ་པི་ཡེ་སུ ར་སེ་སུ…པེ… མ་ནཱ་པི་ཡེ་སུ ཕོ་ཊྛ་བྦེ་སུ…པེ… མ་ནཱ་པི་ཡེ་སུ དྷ་མྨེ་སུ གེ་ཧ་སི་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨི་མེ ཚ ཚ་ནྡ་རཱ་གཱ.
(༣) ཚ ཝི་རོ་དྷ་ཝ་ཏྠཱུ་ནི
ཏ་ཏྠ ཀ་ཏ་མཱ་ནི ཚ ཝི་རོ་དྷ་ཝ་ཏྠཱུ་ནི? ཨ་མ་ནཱ་པི་ཡེ་སུ རཱུ་པེ་སུ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ, ཨ་མ་ནཱ་པི་ཡེ་སུ ས་དྡེ་སུ…པེ… ཨ་མ་ནཱ་པི་ཡེ་སུ ག་ནྡྷེ་སུ…པེ… ཨ་མ་ནཱ་པི་ཡེ་སུ ར་སེ་སུ…པེ… ཨ་མ་ནཱ་པི་ཡེ་སུ ཕོ་ཊྛ་བྦེ་སུ…པེ… ཨ་མ་ནཱ་པི་ཡེ་སུ དྷ་མྨེ་སུ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨི་མཱ་ནི ཚ ཝི་རོ་དྷ་ཝ་ཏྠཱུ་ནི.
(༤) ཚ ཏ་ཎྷཱ་ཀཱ་ཡཱ
ཏ་ཏྠ ཀ་ཏ་མེ ཚ ཏ་ཎྷཱ་ཀཱ་ཡཱ? རཱུ་པ་ཏ་ཎྷཱ, ས་དྡ་ཏ་ཎྷཱ, ག་ནྡྷ་ཏ་ཎྷཱ, ར་ས་ཏ་ཎྷཱ, ཕོ་ཊྛ་བྦ་ཏ་ཎྷཱ, དྷ་མྨ་ཏ་ཎྷཱ – ཨི་མེ ཚ ཏ་ཎྷཱ་ཀཱ་ཡཱ.
(༥) ཚ ཨ་གཱ་ར་ཝཱ
༩༤༥. ཏ་ཏྠ ཀ་ཏ་མེ ཚ ཨ་གཱ་ར་ཝཱ? ས་ཏྠ་རི ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ, དྷ་མྨེ ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ, ས་ངྒྷེ ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ, སི་ཀྑཱ་ཡ ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ, ཨ་པྤ་མཱ་དེ ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ, པ་ཊི་ས་ནྠཱ་རེ ཨ་གཱ་ར་ཝོ ཝི་ཧ་ར་ཏི ཨ་པྤ་ཏི་སྶོ – ཨི་མེ ཚ ཨ་གཱ་ར་ཝཱ.
(༦) ཚ པ་རི་ཧཱ་ནི་ཡཱ དྷ་མྨཱ
ཏ་ཏྠ ཀ་ཏ་མེ ཚ པ་རི་ཧཱ་ནི་ཡཱ དྷ་མྨཱ? ཀ་མྨཱ་རཱ་མ་ཏཱ, བྷ་སྶཱ་རཱ་མ་ཏཱ, ནི་དྡཱ་རཱ་མ་ཏཱ, ས་ངྒ་ཎི་ཀཱ་རཱ་མ་ཏཱ, སཾ་ས་གྒཱ་རཱ་མ་ཏཱ, པ་པ་ཉྩཱ་རཱ་མ་ཏཱ – ཨི་མེ ཚ པ་རི་ཧཱ་ནི་ཡཱ དྷ་མྨཱ.
(༧) ཨ་པ་རེ་པི ཚ པ་རི་ཧཱ་ནི་ཡཱ དྷ་མྨཱ
༩༤༦. ཏ་ཏྠ ཀ་ཏ་མེ ཨ་པ་རེ་པི ཚ པ་རི་ཧཱ་ནི་ཡཱ དྷ་མྨཱ? ཀ་མྨཱ་རཱ་མ་ཏཱ, བྷ་སྶཱ་རཱ་མ་ཏཱ, ནི་དྡཱ་རཱ་མ་ཏཱ, ས་ངྒ་ཎི་ཀཱ་རཱ་མ་ཏཱ, དོ་ཝ་ཙ་སྶ་ཏཱ, པཱ་པ་མི་ཏྟ་ཏཱ – ཨི་མེ ཚ པ་རི་ཧཱ་ནི་ཡཱ དྷ་མྨཱ.
(༨) ཚ སོ་མ་ན་སྶུ་པ་ཝི་ཙཱ་རཱ
ཏ་ཏྠ ཀ་ཏ་མེ ཚ སོ་མ་ན་སྶུ་པ་ཝི་ཙཱ་རཱ? ཙ་ཀྑུ་ནཱ རཱུ་པཾ དི་སྭཱ སོ་མ་ན་སྶ་ཊྛཱ་ནི་ཡཾ རཱུ་པཾ ཨུ་པ་ཝི་ཙ་ར་ཏི, སོ་ཏེ་ན ས་དྡཾ སུ་ཏྭཱ…པེ… གྷཱ་ནེ་ན ག་ནྡྷཾ གྷཱ་ཡི་ཏྭཱ…པེ… ཛི་ཝ྄ཧཱ་ཡ ར་སཾ སཱ་ཡི་ཏྭཱ…པེ… ཀཱ་ཡེ་ན ཕོ་ཊྛ་བྦཾ ཕུ་སི་ཏྭཱ…པེ… མ་ན་སཱ དྷ་མྨཾ ཝི་ཉྙཱ་ཡ སོ་མ་ན་སྶ་ཊྛཱ་ནི་ཡཾ དྷ་མྨཾ ཨུ་པ་ཝི་ཙ་ར་ཏི – ཨི་མེ ཚ སོ་མ་ན་སྶུ་པ་ཝི་ཙཱ་རཱ.
(༩) ཚ དོ་མ་ན་སྶུ་པ་ཝི་ཙཱ་རཱ
ཏ་ཏྠ ཀ་ཏ་མེ ཚ དོ་མ་ན་སྶུ་པ་ཝི་ཙཱ་རཱ? ཙ་ཀྑུ་ནཱ རཱུ་པཾ དི་སྭཱ དོ་མ་ན་སྶ་ཊྛཱ་ནི་ཡཾ རཱུ་པཾ ཨུ་པ་ཝི་ཙ་ར་ཏི, སོ་ཏེ་ན ས་དྡཾ སུ་ཏྭཱ…པེ… གྷཱ་ནེ་ན ག་ནྡྷཾ གྷཱ་ཡི་ཏྭཱ…པེ… ཛི་ཝ྄ཧཱ་ཡ ར་སཾ སཱ་ཡི་ཏྭཱ …པེ… ཀཱ་ཡེ་ན ཕོ་ཊྛ་བྦཾ ཕུ་སི་ཏྭཱ…པེ… མ་ན་སཱ དྷ་མྨཾ ཝི་ཉྙཱ་ཡ དོ་མ་ན་སྶ་ཊྛཱ་ནི་ཡཾ དྷ་མྨཾ ཨུ་པ་ཝི་ཙ་ར་ཏི – ཨི་མེ ཚ དོ་མ་ན་སྶུ་པ་ཝི་ཙཱ་རཱ.
(༡༠) ཚ ཨུ་པེ་ཀྑུ་པ་ཝི་ཙཱ་རཱ
ཏ་ཏྠ ཀ་ཏ་མེ ཚ ཨུ་པེ་ཀྑུ་པ་ཝི་ཙཱ་རཱ? ཙ་ཀྑུ་ནཱ རཱུ་པཾ དི་སྭཱ ཨུ་པེ་ཀྑཱ་ཊྛཱ་ནི་ཡཾ རཱུ་པཾ ཨུ་པ་ཝི་ཙ་ར་ཏི, སོ་ཏེ་ན ས་དྡཾ སུ་ཏྭཱ…པེ… གྷཱ་ནེ་ན ག་ནྡྷཾ གྷཱ་ཡི་ཏྭཱ…པེ… ཛི་ཝ྄ཧཱ་ཡ ར་སཾ སཱ་ཡི་ཏྭཱ…པེ… ཀཱ་ཡེ་ན ཕོ་ཊྛ་བྦཾ ཕུ་སི་ཏྭཱ…པེ… མ་ན་སཱ དྷ་མྨཾ ཝི་ཉྙཱ་ཡ ཨུ་པེ་ཀྑཱ་ཊྛཱ་ནི་ཡཾ དྷ་མྨཾ ཨུ་པ་ཝི་ཙ་ར་ཏི – ཨི་མེ ཚ ཨུ་པེ་ཀྑུ་པ་ཝི་ཙཱ་རཱ.
(༡༡) ཚ གེ་ཧ་སི་ཏཱ་ནི སོ་མ་ན་སྶཱ་ནི
༩༤༧. ཏ་ཏྠ ཀ་ཏ་མཱ་ནི ཚ གེ་ཧ་སི་ཏཱ་ནི སོ་མ་ན་སྶཱ་ནི? མ་ནཱ་པི་ཡེ་སུ རཱུ་པེ་སུ གེ་ཧ་སི་ཏཾ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ, མ་ནཱ་པི་ཡེ་སུ ས་དྡེ་སུ…པེ… མ་ནཱ་པི་ཡེ་སུ ག་ནྡྷེ་སུ…པེ… མ་ནཱ་པི་ཡེ་སུ ར་སེ་སུ…པེ… མ་ནཱ་པི་ཡེ་སུ ཕོ་ཊྛ་བྦེ་སུ…པེ… མ་ནཱ་པི་ཡེ་སུ དྷ་མྨེ་སུ གེ་ཧ་སི་ཏཾ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨི་མཱ་ནི ཚ གེ་ཧ་སི་ཏཱ་ནི སོ་མ་ན་སྶཱ་ནི.
(༡༢) ཚ གེ་ཧ་སི་ཏཱ་ནི དོ་མ་ན་སྶཱ་ནི
ཏ་ཏྠ ཀ་ཏ་མཱ་ནི ཚ གེ་ཧ་སི་ཏཱ་ནི དོ་མ་ན་སྶཱ་ནི? ཨ་མ་ནཱ་པི་ཡེ་སུ རཱུ་པེ་སུ གེ་ཧ་སི་ཏཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ, ཨ་མ་ནཱ་པི་ཡེ་སུ ས་དྡེ་སུ…པེ… ཨ་མ་ནཱ་པི་ཡེ་སུ ག་ནྡྷེ་སུ…པེ… ཨ་མ་ནཱ་པི་ཡེ་སུ ར་སེ་སུ…པེ… ཨ་མ་ནཱ་པི་ཡེ་སུ ཕོ་ཊྛ་བྦེ་སུ…པེ… ཨ་མ་ནཱ་པི་ཡེ་སུ དྷ་མྨེ་སུ གེ་ཧ་སི་ཏཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་མཱ་ནི ཚ གེ་ཧ་སི་ཏཱ་ནི དོ་མ་ན་སྶཱ་ནི.
(༡༣) ཚ གེ་ཧ་སི་ཏཱ ཨུ་པེ་ཀྑཱ
ཏ་ཏྠ ཀ་ཏ་མཱ ཚ གེ་ཧ་སི་ཏཱ ཨུ་པེ་ཀྑཱ? ཨུ་པེ་ཀྑཱ་ཊྛཱ་ནི་ཡེ་སུ རཱུ་པེ་སུ གེ་ཧ་སི་ཏཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ, ཨུ་པེ་ཀྑཱ་ཊྛཱ་ནི་ཡེ་སུ ས་དྡེ་སུ…པེ… ཨུ་པེ་ཀྑཱ་ཊྛཱ་ནི་ཡེ་སུ ག་ནྡྷེ་སུ…པེ… ཨུ་པེ་ཀྑཱ་ཊྛཱ་ནི་ཡེ་སུ ར་སེ་སུ…པེ… ཨུ་པེ་ཀྑཱ་ཊྛཱ་ནི་ཡེ་སུ ཕོ་ཊྛ་བྦེ་སུ…པེ… ཨུ་པེ་ཀྑཱ་ཊྛཱ་ནི་ཡེ་སུ དྷ་མྨེ་སུ གེ་ཧ་སི་ཏཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨི་མཱ ཚ གེ་ཧ་སི་ཏཱ ཨུ་པེ་ཀྑཱ.
(༡༤) ཚ དི་ཊྛི་ཡོ
༩༤༨. ཏ་ཏྠ ཀ་ཏ་མཱ ཚ དི་ཊྛི་ཡོ? ‘‘ཨ་ཏྠི མེ ཨ་ཏྟཱ’’ཏི ཝཱ ཨ་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི, ‘‘ན་ཏྠི མེ ཨ་ཏྟཱ’’ཏི ཝཱ ཨ་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི, ‘‘ཨ་ཏྟ་ནཱ ཝཱ ཨ་ཏྟཱ་ནཾ ས་ཉྫཱ་ནཱ་མཱི’’ཏི ཝཱ ཨ་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི, ‘‘ཨ་ཏྟ་ནཱ ཝཱ ཨ་ན་ཏྟཱ་ནཾ ས་ཉྫཱ་ནཱ་མཱི’’ཏི ཝཱ ཨ་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི, ‘‘ཨ་ན་ཏྟ་ནཱ ཝཱ ཨ་ཏྟཱ་ནཾ ས་ཉྫཱ་ནཱ་མཱི’’ཏི ཝཱ ཨ་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི; ཨ་ཐ ཝཱ པ་ན་སྶ ཨེ་ཝཾ་དི་ཊྛི ཧོ་ཏི – ‘‘སོ མེ ཨ་ཡཾ ཨ་ཏྟཱ ཝ་དོ ཝེ་དེ་ཡྻོ ཏ་ཏྲ ཏ་ཏྲ དཱི་གྷ་ར་ཏྟཾ ཀ་ལྱཱ་ཎ་པཱ་པ་ཀཱ་ནཾ ཀ་མྨཱ་ནཾ ཝི་པཱ་ཀཾ པ་ཙྩ་ནུ་བྷོ་ཏི. ན སོ ཛཱ་ཏོ ནཱ་ཧོ་སི, ན སོ ཛཱ་ཏོ ན བྷ་ཝི་སྶ་ཏི, ནི་ཙྩོ དྷུ་ཝོ ས་སྶ་ཏོ ཨ་ཝི་པ་རི་ཎཱ་མ་དྷ་མྨོ’’ཏི ཝཱ པ་ན་སྶ ས་ཙྩ་ཏོ ཐེ་ཏ་ཏོ དི་ཊྛི ཨུ་པྤ་ཛྫ་ཏི. ཨི་མཱ ཚ དི་ཊྛི་ཡོ.
ཚ་ཀྐཾ.